Beil or Tonzím (Solar system)

Beil or Tonzím (Solar system) 

ေနအဖြဲ.အစည္း

Beil or Tonzím or saábá

Beil or Tonzím maáni Nokcó tarar ekkán nam. Gorhó ókkol, sáñti cóñro Gorhó (ျဂိဳဟ္) ókkol, Eris guri gari gorhó (ၿဂိဳဟ္သိမ္ၿဂိဳဟ္မႊား) ol ar oinno lora sora goréddé jinís ókkol beggún óre Beil or Tonzim boli hoó.

Aññrá tákidé duniyai có Beilor Tonzím or bútoré asé dé Gorhó beggún deki Beil oré mazé rakí háñc or ándar dikká rastar uore gúrat asé. 

Fórma doñr asédé Gorhó ókkol oré manuic ókkol lé buot bosór meénot gorí tuai faiyé dé. Éndilla tuwai té nokcó tara sadé dur zurmí abickar(တီထြင္မွဳ) deki bicí ahám saiñsór torki. Doñr gorhó ókkol tua nofonór surot ór uoré cóñro gorhó tua cúru goijjé. Éndilla jinís ókkol bosór bosór tuwa nor dara cóñro gorhó ol, sáñti gorhó ol tuai faiyé. Aj fojjonto Sáñti tara (ၿဂိဳဟ္ရံလ) ol 166 wá tuai faiyé.

Gorhó ollór tour (အစီအစဥ္)

Gorhó ókkol ar cóñro gorhó ókkol óre Beilor dur loi goni sailé - 

(1) Buid Gorhó       (ဗုဒၶဟူးၿဂိဳဟ္)

(2) Cúkkur Gorrhó (ေသာၾကာၿဂိဳဟ္)

(3) Dniyai Gorhó    (ကမၻာၿဂိဳဟ္)

(4) Moñgol Gorhó  (အဂၤါၿဂိဳဟ္)

      Síras Gorhó      (စီးရက္စ္), Estrod (အက္စတာေရာ့ဒ္)

      Nokcó tara guri gari gorhór Joma (္ၿဂိဳဟ္သိမ္အစုအေဝး)

(5) Bicíb Gorhó      (ၾကာသပေတးၿဂိဳဟ္)

(6) Cóni Gorhó       (စေနၿဂိဳဟ္)

(7) Urenas Gorhó  (ယူေရးနပ္စ္ၿဂိဳဟ္)

(8) Nepcun Gorhó (နက္ပကၽြန္းၿဂိဳဟ္)

(9) Futú Gorhó       (ပလူတို)

      Éris (အဲရစ္) (ၿဂိဳဟ္သိမ္ၿဂိဳဟ္မႊား)

      Cupá guri gari gorhór Joma (ကြီးပါးၿဂိဳဟ္သိမ္အစုအေဝး),

      Oth Cótanor Dola  (Oort Cloud ၾကယ္တံခြန္မ်ား)

Bonti (ဖြဲ႕စည္းပုံ)

Beilor Tonzím ór ahám híssá ókkol oré dui bák gorí forók goré. Beil loi ahañsór gorhór rastat fakká dé Vuid Gorhó, Cúkkur Gorhó, Duniyai Gorhó ar Moñgol Gorhó íin oré  Bútoró Gorhó ókkol (အတြင္းပိုင္းၿဂိဳဟ္မ်ား) hoí dake. É Gorhó ókkol ór baarór muk ókkol oré cíl ókkol loí banaí rakké. 

Moñgol Gorhó ar Bicíb Gorhór mazé oustarót guri gari gorhó ókkol gúré. Bicín Gorhó, Cóni Gorhó, Urenas Gorhó ar Nepcun Gorhó iin deki Baarór gorhó ókkol (အျပင္ပိုင္းၿဂိဳဟ္မ်ား). É Gorhó iin deki duniyai gorhót túaró bicí dóñr gorhó ókkol ar Beilor nezam ór ebbe doñr gorhó ókkol. É gorhó iin or baaró muk oré ges é gíri raikké.

É gorhó okkol or fisór dákottú guri gari gorhó ókkol, Cótanor dola ókkol, tara joma ókkol (ၾကယ္တံခြန္မ်ား) becá bicí asédé Kuí Paá Guri gorhó joma (ကြီးပါးၿဂိဳဟ္သိမ္အစုအေဝး) asé. É dai íba bútore Putú, ar Erís tará yó cámel asé. É Jomar bardáke  bicí doñe doñr, saité duk dé gorhó joma out kloud (Oort cloud) asé.

Putú ré Gorhó tú maárúm

Putú Gorhó ré 1930 cón ót mazé tuwai failé yó 2006 cón ót mazé nokcótara elómdar (နကၡတေဗဒပညာရွင္) ókkol é Gorhór lictíttú nealai diballá fáiséla goijjé. Kiyólla boli hoílé íbar fórma bicí cóñro ar hañsót asé dé 8 no. gorhó Nepcún sole dé rasta loi sola ekku dilla noó dé étolla gorhór cúmar óttu marum accíl. Ehón Putú deki Síras ar eris or díkka guri gari gorhór bútoré cámel goráza.

Gorhó ókkol oré tuwai fa

Urenas Gorhó ré mancé tuwai nofaibar agé agor zobanat lóti manuic ókkolé Beilor tonzim ot mazé kessú mocúr ginís ókkol or zana accíl. Beil, San, Buid Gorhó, Cúkkúr Górho, Moñgol Gorhó ar Cóni Gorhó iin deki sooré nokcó tarar nuth ókkol ót mazé loot faza. 

Kintu goltí biccáic deki Beil oré kundal (ဗဟိုျပဳ) banai asé dé nezam or bodolat dunai ré kundal banaiya nezam oré biccáic gorí óre Cúkkur gorhó ré tara hísafé golti maáni loil.

Foror zobana ókkol ót tuwai faiyédé gorhó ókkol ar tuwai faiyé dé cón okkól deki- 

Urenás Gorhó        - 1791 cón

Séras (guri gorhó) - 1801 cón kintu 2006 cón ót mazé Guri Gorhó maní loiyé. 

Nepcún Gorhó       -1846 cón, 

Putú Gorhó             - 1930 cón

Eris Guri Gorhó     - 2005 cón