Háil Bisáná Noiya San

Lekoyá    📓       Fáida Halu
Gouya-     🎤      Shalom Juhari |

Háil bisána Noiya San

(1)
Ki cúndór Hail bisáná dec añárar
Uttor fuké gíri raikké Arakan címá faar
Merit mazé bisai raikké Recómi rumal
Naf doijjar faní sola-fíra Jonnotor doil lar
Ki cúndór hail bisáná dec añárár

(2)
Ki cúndór Assan wala Dec añárár
Ére mazé tánda Miulá Sairó míkká berar
Bijili ye comki comki Húcir gana gaar. 
Raitot mazé San Taraye Fúl fuithte fán laar
Ki cúndór Assan wala Dec añárár

(3)
Ki mozar Musóm O bái Dec añárár 
Hudin, Bairá, Cítkal có mozar musóm háñzar
Ókkol musomót rizúk bóça Gula gala nofúrár
Allahr rahamót zórifórer Zóror doillá laar.
Ki mozar Musóm O bái Dec añárár 

(4)
Ki adojja Manúic O bái dec añárár
Mugót raké Allahr zikír decót bané Mosít mazaar
Elóm óre dón buzí koumorllá dé foran taar
Gór báriye solafíra Fíríctar dóil laar
Ki adojja Manúic O bái dec añárár

(5)
Ki cúndór hail bisáná dec añárár
Faig foccú bakbálluk có taarif gori nofúrar
Assan wala sailé obai Nur batti dóil laar
Okkól decór túaró beggun barík Arakan aññárár
Ki cúndór hail bisana dec añárár


🎋🎋🎋🎋🎋🎋🎋🎋🎋🎋🎋🎋🎋🎋🎋🎋