ပြဋ္ဌာန်းစာမိတ်ဆက်များမှ နန်းတွင်းရာထူးတာဝန်များ

-------------------------------------------------
ကလေးတို့ကလည်း တော်တယ်ကွာ။ မေးတာ ပုစ္ဆေယျ။ ဘာသေယျ ဆိုတာ ပြောဆိုတာပေါ့။ စာသင်သားကျင့်ဝတ်ပဲလေ။ ကောင်းတယ်။ တိုးတက်တာပေါ့ကွ။

ဗြဲတိုက်

______

ဗြဲတိုက်ဆိုတာက စပြောပြမယ်။ တို့ မြန်မာဘုရင်တွေလက်ထက်က အတွင်းဝန်လေးယောက်ဦးဆောင်လို့ ဘုရင့်အမှုတော်တွေ ထမ်းရွက်ကြတဲ့ နန်းတော်အတွင်းတော်ထဲက ရုံးကို ဗြဲတိုက်လို့ခေါ်တာ။
________________________

သံတော်ဆင့်

ရာမရကန်ဦးတိုးက အိမ်ရှေ့သံတော်ဆင့်လို့ ဆရာပြောပြတော့ သံတော်ဆင့်ဆိုတာ ဘာလဲလို့ သိချင်တယ်ပြောတဲ့ ကလေး။ သံတော်ဆင့်ဆိုတာ ဘုရင့်အမိန့်ကို ထုတ်ပြန်ပြီး၊ လွှတ်တော်ကနေ ဘုရင့်ဆီကို တင်သွင်းတဲ့ လျှောက်ကြားစာတွေ ဖတ်ကြားရတဲ့သူပေါ့။ သူလုပ်ရတဲ့တာဝန်တွေက ဗြဲတိုက်တော်မှာ ဆောင်ရွက်ဖို့ကျရောက်လာတဲ့ မင်းမိန့် အမှုကိစ္စတွေ၊ မင်းဧကရာဇ် သီးခြားစေခိုင်းတဲ့ အလုပ်ဝတ္တရားတွေကို ရွက်ဆောင်ရတယ်။ မင်းဧကရာဇ် ရှေ့တော်ရင်ပြင်ကို ထွက်တော်မူတိုင်း ဝင်ရောက်ခစားပြီး တင်စာလျှောက်စာတွေကို ဖတ်ရွတ် လျှောက်ထားရတယ်။ မင်းအမိန့်တော်ရှိရင် မှတ်သားတင်လျှောက်ရတယ်။ လွှတ်တော်ကို ထုတ်ပြန်စရာ အမိန့်ရှိရင် ဗြဲတိုက်သံဆင့်ကို အမိန့်တော်ပေး။ ကိုယ်တိုင်က အတွင်းဝန်မင်းတိုင်းကို တိုင်တန်းလျှောက်ထား။ လွှတ်တော်ကိုထုတ်ပြန်မဲ့ အမှုကိစ္စတိုင်း သူဆောင်ရွက်ရတာပေါ့။
_____________________

ရွှေတိုက်စိုး

ရွှေတိုက်ဆိုတာ ဘုရင့်ဘဏ္ဍာတော်တွေ ထားတဲ့ အဆောက်အအုံပေါ့။ ရွှေတိုက်စိုးရဲ့ အထက်မှာ တာဝန်ယူဖို့ ရွှေတိုက်ဝန်ဆိုတာ ရှိသေးတယ်။ ရွှေတိုက်စိုး လက်အောက်မှာ ရွှေတိုက်ကြပ်၊ စာရေး၊ လက်သမား၊ အဝှန်းငယ်သား စတဲ့ ဝန်ထမ်းအဆင့်ဆင့်ရှိမယ်။ ရွှေတိုက်စိုးက ရွှေတိုက်ဝန်ကို တာဝန်ခံလို့ ဘုရင့်ရသင့် အခွန်တော်၊ စီးပွားတော်တွေကို တိုက်တော် ကျီတော်တွေထံ ဆက်သွင်းမှု ရှိမရှိ။ နေ့စဉ် လစဉ် ဘာရတယ် ဘာသုံးတယ် ။ အကောင်းအညံ့ မရောထွေးစေဖို့။ အဘိုးထိုက်တန်တာကို နားလည် သတ်မှတ် လို့။ တိုက်တော် ကျီတော်တွေ လုံခြုံဖို့။ အစောင့်အကြပ်ရှိဖို့။ ရွှေတိုက်တော်မှ ဘဏ္ဍာတွေကို ထိန်းသိမ်းတဲ့ အခွင့်။ မင်းနဲ့ မိဖုရားတွေအတွက် အဆင်တန်ဆာတွေ ချုပ်လုပ်ဆင်မြန်းဖို့ အခွင့်။ တစ်ဆယ့်နှစ်ရာသီ မင်းပွဲသဘင်အလျောက် လွှတ်တော် ဗြဲတိုက်တော်တွေက စာချွန်ပေးအပ် ဆင့်ဆိုတောင်းခံတာတွေကို ပြေလည် ပြီးမြောက်အောင် စီမံ ထမ်းရွက်တဲ့ အလုပ်ဗျား။ သေးတဲ့ တာဝန်မဟုတ်ဘူး။ 
_______________

အကြီးတော်

အဲမောင်ယာ လေ့လာပြန်တော့ အကြီးတော်ဆိုတာ တွေ့ရပြန်ရော။ စဥ့်ကူးမင်းရဲ့ မိဖုရား၏ အကြီးတော်။ အကြီးတော်ဆိုတာ ဘုရင့်မိဖုရား၊ မင်းသား၊ မင်းသမီးတွေကို ဆုံးမသွန်သင်စောင့်ရှောက်ရတဲ့ မင်းမှုထမ်းပဲ။ နန်းရဆောင်ရ မင်းသား မင်းသမီး မိဖုရားတိုင်းမှာ သူ့အကြီးတော်နဲ့ သူ ရှိမယ်လေ။ သူ့တာဝန်လည်း မသေးဘူးနော်။ စောင့်ရှောက်ဆိုတာ တာဝန်အလွန်ကြီးတာပေါ့။ သူ့လက်အောက်မှာ အကြီးစာရေး၊ ဘဏ္ဍာစာရေး၊ အဆောင်ကိုင်၊ ထီးမိုး၊ ယာဉ်ခံ၊ ပွဲတော်ချက်၊ မောင်းထောင်၊ ဆန်ဖွပ်မှ စလို့ ကျေးတော်မျိုး ကျွန်တော်မျိုး အားလုံးအပေါ်မှာ အကြီးအကဲလုပ် ချုပ်ချယ်စီမံရတာ။ လွှတ်တောအတွင်းတော်က ဆင့်ဆိုတောင်းခံဖို့ရှိလာရင် အကြီးတော်ကပဲ အကြီးတော်က အမှုတော် ပြေကုန်အောင် ထမ်းရွက်။ လက်ဝဲသုန္ဒရအကြီးတော်ဘဝမှာ ငအောင်တင်ကို မပေးအပ်နိုင်လို့ မဲဇာရောက်သလိုပေါ့။ ရေမြင့်ရင်လည်း ကြာတင့်တယ်။ ကိုယ်သွန်သင်ရတဲ့ မင်းသားက ရာဇ ဓမ္မ လောကအရေး လိမ္မာလို့ ဘုရင်များဖြစ်ပြီဆို အကြီးတော်လည်း အမှူးအမတ်တစ်နေရာ ရပြီပေါ့။
_____________________

ကွမ်းရေတော်ကိုင်

ဦးယာ ပဲ ဘိုးတော်လက်ထက် ကွမ်းရေတော်ကိုင် လုပ်ရပြန်တယ်။ ဘုရင် ဒါမှမဟုတ် အိမ်ရှေ့မင်း နောက်တော်ပါးမှ ကွမ်းယာတို့ သောက်ရေတို့ ဆက်သ တာပါပဲ။ ဘုရင့်ခံတွင်းထဲထည့်မဲ့ ကိစ္စတွေ။ အထူး အာရုံစိုက်ရတာပေါ့။ တွေ့ရာကြုံရာလူ တာဝန်ပေးလို့ ဘယ်ဖြစ်မလဲ။ မြင့်မြတ်တဲ့ ဆွေတော်မျိုးတော် အနွယ်အဆက်က ဆင်းသက်သူ ဖြစ်ရမယ် ။အမျိုးအနွယ်စင်ကြယ်ပြီး မှူးမတ်မျိုးနွယ်က ဆင်းသက်လည်း ရတယ်။ စော်ဘွား မြို့စား အရာခံ သားမြေး မှန်မမှန် အရင်စစ်မယ်။ နောက် ကိုယ်လက်အင်္ဂါ မသန့်ရှင်းတဲ့ရောဂါ ဝေဒနာ ကင်းလားစစ်မယ်။ ခန့်မယ်ဆိုရင် ဗြဲတိုက်တော်က ပြန်တမ်းထွက်ပေးမယ်။ စားတော်ကွမ်း သောက်တော်ရေ သန့်သန့်ရှင်းရှင်းနဲ့ အလိုတော်ကိုသိ ဆက်သတဲ့အလုပ် ထမ်းရွက်ရမှာ။ မင်းတုန်းမင်းကြီးလက်ထက်ဆို ကွမ်းရေတော်ကိုင် ၆၃ ယောက်ထားတယ်ဆိုပဲ။ နေ့ညီလာခံ ညညီလာခံ၊ တိုင်းခမ်း ကိုယ့်ဂျူ တီကို သံတော်ဆင့်က ထုတ်ပြန်ပေးမှာ။
____________________

အသုံးတော်ခံရာထူး

အချုပ်တန်းဆရာဖေ့ဖခင်က ပုဂံမင်းလက်ထက် ဒီရာထူးနော်။ သူလည်း အတွင်းတော်ခစားသူဆိုတော့ တာဝန်များတာပဲ။ ဘုရင့်မင်းပွဲသဘင်တွေမှာသူ မပါမပြီး။ရွှေနန်းရွှေအိမ် ဆောက်မလား၊ ကျောင်းဆောက်လှူ ၊ ဘုရားစေတီတည် သူ့အလုပ်တွေပေါ့။ သိင်္ဂသော်မှော် ရွှေအိမ်တော် ဆိုတာ သူ့ဒီဇိုင်း သူ့ကွပ်ကဲမှုပေါ့။ တစ်ဆယ့်နှစ်ရာသီ မင်းပွဲသဘင်နဲ့ ပတ်သက်တဲ့ လောကုတ်လောကီ အလုပ်အဆောင်တော်များကို တည်ထားဆောက်လုပ်ရသူပေါ့။ အိုးအိမ်ညွှန်ချုပ်လို ပါဝါမြင့်မှာပဲနော်။
_______________

အဆောင်ကိုင်

မက္ခရာမင်းသားထံ မောင်ဖေ အဆောင်ကိုင်လုပ်တယ်ဆိုတော့ အဆောင်ကိုင်က ဘာလဲ မေးကြတယ်လေ။ သူကလည်း မင်းညီမင်းသားရှေ့မှာ လက်သုံးတော်ပဲ။ ဓားလက်နက် ကိုင်ဆောင်ခွင့်ရှိတယ်။ ဆရာဖေဆို မက္ခရာမင်းသားကြီးအိမ်တော်မှာ အမှုကြီးငယ်ဆောင်ရွက်၊ အိမ်တော်ကို ဘေးရန်က လုံခြုံ အောင် စောင့်ရှောက်ရသူပဲ။ ကိုယ့်အရှင် အိမ်တော်က အပြင်ထွက်မှာဆိုလည်း ဝေါတော် ရထားတော်ရှေ့က နေရာယူ ဘေးဆီးရန်ကာ ပွိုင့်ထွက်ရတဲ့အဖွဲ့ထဲ ဆရာဖေ ဓားလွတ်ထမ်း ပိတုန်းပိတ် ခါးတောင်းကျို က်အမှုထမ်းတာ ဦးပုညတောင် ဂုဏ်နှိမ်သေး မဟုတ်လား။
________________

လက်ဖက်ရည်တော်

ဦးပုည လက်ဖက်ရည်တော်ဘက်တွင် ခစားတယ်ဆိုတာလဲ သိချင်တာပဲ မဟုတ်လား။ 
ကွမ်းရေတော်လိုပဲ ရွေးချယ်ခန့်တာပဲ။ ရတနာပုံမှာ လက်ဖက်ရည်တော်ဘက် ဝန်ထမ်း ၄၄ ဆိုပဲ။
သာမညရာထူး မဟုတ်ပါဘူးတဲ့။ မင်းဧကရာဇ်က ကိုယ့်သွေးကိုယ့်သားလို သဘောထားတဲ့ ကျေးတော်ကျွန်တော်ကိုသာ ပေးတာတဲ့။ ဘုရင့်အသက်က သူတို့လက်ထဲမှာ ဆိုသလိုပါပဲ။ ဘိုးတော်ဘုရားလက်ထက်မှ စပေါ်ပေါက်ခဲ့တဲ့ ရာထူးတွေပေါ့။ မင်းတရားကြီးအတွက် လက်ဖက်ရည်တော်သားတွေက နေ့ညမပြတ် ရေနွေးများတည်ထားရမယ်။ နံနက်မျက်နှာသစ်ချိန်မှစလို့ ရေပူရေနွေးအလိုရှိရာ ဆက်ရမှာကိုး။ စားတော်ဟင်းထမင်း ပွဲတော်အုပ်ချက်ပြုတ်တဲ့ စားဖိုဆောင်က သီးသန့်ရေနွေး တည်မနေအားဘူး။ ရေနွေးဆိုတာလည်း သာမန်စားတော်ကဲ ပို့တာဆို မယုံကြည်ဘူးလေ။ ဦးပုညလို ယုံကြည်သူသာထားတာပေါ့။ စောင်းပညာရှင်ကြီး ဒေဝဣန္ဒြာ မောင်မောင်ကြီးတို့လည်း လက်ဖက်ရည်တော်ဘက်မှာပဲ တာဝန်ယူ ခစားတာမို့ လက်ဖက်ရည်တော်ဘက်ဆိုတာ စာပေဂီတပညာရှင်တွေကို အလိုရှိသလို ဆင့်ခေါ်နိုင်ဖို့ ရည်ရွယ်ထားလားတောင် တွေးဖို့ ကောင်းပါ့ဗျား။
_____________
သီတင်းကျွတ်ကျောင်းပိတ်တော့ ဖတ်ပေါ့။

ကိုးကား

မြန်မာအဘိဓာန်
ရွှေနန်းသုံးဝေါဟာရအဘိဓာန်
ဦးချမ်းမြရေး အချုပ်တန်းဆရာဖေ
မြကေတု နန်းဓလေ့မှတ်တမ်းများ
လက်ဖက်ရည်တော်ဆောင်ပုံ ကိုတမာ (မန်းလေး)

စေတနာဖြူဖြင့်
ကံ့ကော်ကောင်းကင် မြန်မာစာ