Rizúk Bóra Cúnar Moñgdú
O… holla thani so…
Bolibazaror Doi góra góra,
Hási borí Foirá baijja Miçá,
Baárgori loizar zaimai raza
Tin mailor Tham,
Gañrat billá Badam
Buñda baní sohat banai
Hálor agar Fan ot
Hawarbillá Súwari sabai
Berató zár Ourót zamai ……
Razar billá Bayoun di
Bakka rata rainní
Hatsuratár Moris báñgí
Kéma no ór gal furani
Cúwaiggá Órí lalon gorí
Fátanzár Nun hábái di
Fíri ailó zamair háñcaní……
Aiñossoror Alur moza
Zamaiye hái oiyé biyulá
Dené bamé háñla hañlí
Meittha forothar Mockari
Zaito nosaár toggórí……
O…bái, hanlagai fúno…
Aarkanoró hoillár ború
Rizúk bóra cúnar Moñgdú……
29 Dec, 2018 , 8:48 (Fri)
🍏🍏🍏🍏🍏🍏🍏🍏🍏🍏🍏🍏🍏🍏🍏
No comments:
Post a Comment