Síra Oibár Nái (မခြဲေၾကး)

Síra Oibár Nái

Hañsé taki óiye duré,
Dahá nofai fet fure.
Háñsá hoilé nái síra óibar 
Fírit gorí fissá zai bar.
Háñsa adorór rasta behañ,
Huwa asé burá-burír hotá.

Kuwal ot hát di báfi sailé,
Aññár vuk gán dóme.
Hóñl faki torloi taile duré
Morizayum vuk or zalaye.
Kiyólla aññárá duizon oré,
Kiyá síra gorér, aññí zainle yó…
Añártú hoité himmot e node.

Tui yó feccanit  mui buzómor,
Maa-bab ar mor mazé toró mug cóñro. 
Ek din Maa-bab e buzí aibo, 
mor báfa tor loi milibo.
Aññár dillan bazí nofaré fán súta fai,
Ze honó baána yé hárai bar nái.

Hoilla duddufaní barar zala, 
aññí yó fool boinni ebela,
Akhéri niyaic fán ador goitto dooná.

Hañsé taki óiye duré,
Deha nofai fet fure.
Soyi hoile nái síra oibar 
Fírit gorí fissá zai bar.
Háñsá adorór rasta behañ,
Huwa asé bura-burir hotá.

Biccáic gor, gor biccáic,
Dil besara dukfa de 
hotá ek fúrá hoibisaic.
Adoror rastat keñra uját taile yó 
fissá maaná mumé zaic. 

✂✂✂✂✂✂✂✂✂✂✂✂
Fáida Halu

April 14, 2018 (sat)
💺💺💺💺💺💺💺💺💺💺💺💺