AYYUB POIKAMBOR or KISSÁ

Ayyub Poikambor or Kissá

Ayyub (a.s) ugguá Allah ye diferáiye dé Isáráil zatir Poikambor accíl. Íbar tún fuwain cúwain, dón combóttí, gór duwar arde zaga zobin mancá máik beggún bóraiya accíl. Mogor íbar ekkán taajufi accíldé ki bouli hoilé, íba hámicá bicí ebadot guzar arde cúkur mondi bonda accíl.


Ekdin, Iblis (Satan) e Ayyub (a.s) oré emtán gorí bóllá fáisela goijjé. Toi, Iblis e Allahr hañsé fóriyad goijjé de ki hoilé, Aññáré Ayyub (a.s) oré hóti gorí farifán takot do” hoi fóriyad goijjé. Kiyól hoilé te tuwangor de yían orlá bicí ebadot guzar arde cúkur mondi de hoi elzam lagai yé.

Toilé, Allah ye Cótan oré cókti diyé, baade te Ayyub (a.s) oré duk diya cúru goijjé. Foilár cúrut, ekdin Ayyub (a.s) or fuain górot gúm giyé de ottót górot tháral mari fuain beggún mori giyé gói.

Ayyub( a.s) e sobóror sáñté nizám mari hoor dé “Allah ye diyé, ar Allah ye loi giyédé. Haar ekkán or girós Allah artaaké aññí oddó Allahr.

Baade, ket holát oin dóri kule hale fána oigíyói. Foribar, fuwáijja dustó, ugguá bibi baade ar beggúne Ayyub (a.s) oré félai giyé gói.

Ahérottú, Cótan e íba ré bicí hótara samor biyaram fargerái diyé. Ziyan or Ayyub (a.s) e gom goríbar honó suurot nai. Manúic ókkole Ayyub oré dekílé dáito goi. Mogor, íbayé sobór goitto ar Allah taalar cúkuria goríto.

Ek din, Ayyub (a.s)or bibi ye Ayyub (a.s) oré hoór dé “O Ayyub! Taré gorédde ínnór tui Allah ré bisar kiya no door.” “Añnár tú kiyólla diya forer. Allah ye moré dón combóttí arde beggún diyé dé loti ya fán aññí honó otté hóraf bisar noodi. Te sobór or sáñte accíl. Aró hoordé eendilla nacúkúr hotá hoiyé yian óllá bibi ré sáñza dibo boli hoiyé.

Íbar sobóror notiza ísafe Allah subahanahu wataala ye ókkol ekkán cis oré dui gunna gorí barái diyé. Merit mazé téñg bajjonor daara zobinottú faní nealai diyé. Efaní loi zehón gaa dúilo kulle biyaram gom óigiyé goi.