သူယုတ်ဓားအောက်က ရိုပန်းပွင့်ကလေး (၁)

ပံု Information comittee FB page မွ 17. 11. 2016 ေန႔ ဟန္ျပအင္တာဗ်ဴး

ပုံပါ အင်တာဗျူး နေသည့် သူငယ်သည် မည်သည့် အဖွဲ့အစည်း၏ အကြီးအကဲမဟုတ်ပါ။ တက်ကြွ လှုပ်ရှားသူလဲ မဟုတ်။ နိုင်ငံရေးသမားလည်း မဟုတ်ပါ။ ဟန်ပြအင်တာဗျူးလုပ်နေသော သူလေးကား ကံကျားကွက်ကျ၍ ပူးပေါင်းတပ်ရဲ့ ကျော့ကွင်းမိသည့်  ဘောလီဘာဇား (ကြိမ်ချောင်း) ရွာသား ကွမ်းယာဆိုင်သည် နိုရုလ်အာမိန် (ဘ) အဒူလ်အာလီ ပင်ဖြစ်သည်။ အသက် (၁၆) နှစ်သားခန့် အရွယ်ရှိသော ဤ ဆယ်ကျော်သက်သည် မိသားစု စီးပွားရေး မပြေလည်မှုကြောင့် ကျောင်းမနေနိုင်ခဲ့ချေ။ သူ့အဖေ အဒူလ်အာလီမှာ ဘော်လီဈေး၌ ဝန်တင်ဝန်ချ အလုပ်ဖြင့် အသက်မွေးရ၍ သားမှာ ဘုန်းကြီးကျောင်း ခြံဝင်းထောင့်တွင် ကွမ်းယာဆိုင်ငယ်နှင့် မိဘကို ပံ့ပိုးခဲ့ရ၏။ 

၂၀၁၆ ခု၊ နိုဝင်ဘာလ (၁၂) ရက်နေ့ ညနေ (၄) နာရီခန့်တွင် လောင်းဒုံကျေးရွာအုပ်စု၊ ကြိုက်ချောင်းရွာရှိ သင်္ချိုင်း အရှေ့ဘက် ကားလမ်းပေါ်တွင် ကြိမ်ချောင်းသို့ သွားနေသည့် စစ်ကားတစ်စီးမှ နောက်ဘီးတစ်လုံး အလိုအလျောက် ပေါက်သွားခဲ့ပြီးနောက် စစ်သားများက  တစ်နာရီကျော်ကျော် ခြောက်လှန့် သေနတ် ပစ်ခတ်ခဲ့သည်။ ထိုသို့ အကြောင်းမဲ့ ပစ်ခတ်မှုကြောင့် အနီးရှိ လောင်းဒုံးကျေးရွာအုပ်စု ကြိုက်ချောင်း၊ ဖော်ကီတောင်ရွာနှင့် ကြိမ်ချောင်းကျေးရွာအုပ်စု အလယ်ရွာတို့မှ ရွာသူရွာသားများ အထိတ်တလန့် ဖြစ်ကြပြီး ဝရုန်းသုန်းကား ထွက်ပြေးခဲ့ကြသည်။  ညနေ (၅) နာရီခွဲခန့်တွင် သေနတ် ပစ်ခတ်မှု ရပ်တန့်သွားသည်။ 

နိုဝင်ဘာလ (၁၃) ရက်နေ့တွင် ကြိမ်ချောင်းကျေးရွာရှိ နယ်ခြားစောင့်ရဲတပ်ဖွဲ့ စခန်း (၂၄) နှင့် ရဲစခန်းသို့ ခမောင်းဆိပ် တပ်ရင်း၊ တောင်ပြိုတပ်ရင်းမှ  စစ်သားများ ရောက်ရှိလာခြင်း၊ မောင်တော တောင်ပိုင်းရှိ မောရဝတီတပ်ရင်းမှ လက်နက်ကြီးငယ်များကို ရဟတ်ယာဉ်ဖြင့် သယ်ဆောင်လာခြင်း စသော အစိုးရ စစ်တပ်သားများ၏ ထူးခြားသော လှုပ်ရှားမှုများကို အနီးအနားရှိ ရွာသားရွာသားများ မြင်ပြီးနောက် ယင်းနေ့ ညနေ၌ နီးစပ်ရာ ကျေးရွာများသို့ ထွက်ပြေး တိမ်းရှောင်ခဲ့ကြသည်။

အလားတူ ကြိမ်ချောင်းမှ ရွာသူ/သားများသည်လည်း တောင်ရွာနှင့် ပြူးမချောင်း၏ တစ်ဖက်ကမ်းရှိ မြို့မိချောင်းရွာသို့ တိမ်းရှောင်ခဲ့သည်။ ယင်းနေ့ ညနေ (၅) နာရီခွဲခန့်တွင် စစ်သားများသည် ကြိမ်ချောင်း စခန်းမှ ရုတ်တရက် ထွက်လာပြီး သေနတ်များ အဆက်မပြတ် ပစ်ဖောက်ခဲ့သဖြင့်   ရွာသူရွာသားများမှာ ပိုမို အထိတ်တလန့် ဖြစ်ကြခဲ့ပြီး ရွာလုံးကျွတ်နီးပါး ထွက်ပြေး တိမ်းရှောင်ခဲ့ရသည်။ ယင်းနေ့ ညပိုင်းတွင် ကြိမ်ချောင်းကျေးရွာ၌ မည်သည့် ဆူပူမှုများ မဖြစ်ခဲ့ချေ။  

နိုဝင်ဘာလ (၁၄) ရက်နေ့ နံနက်ပိုင်းတွင် ကြိမ်ချောင်း ကျေးရွာအုပ်ချုပ်ရေးမှူး ဦးကိုကိုအောင်က ရွာသားများကို ရွာထဲပြန်ဝင်လာရန် စိုးရိမ်စရာမရှိကြောင်း နှိုးဆော်ခဲ့ရာ ထွက်ပြေး တိမ်းရှောင်ခဲ့သည့်  ရွာသူ/သားများသည် မိမိတို့၏ နေရပ်သို့ ပြန်လာခဲ့ကြသည်။ 

ယင်းနေ့ နံနက်ပိုင်းတွင် ကြိမ်ချောင်းစခန်းမှ စစ်သားများသည် လောင်းဒုံ၊ မျာဇင်ရွာသို့ စီးနင်းဝင်ပြီး အပြစ်မဲ့ ဒေသခံ (၁၅) ဦးကို ဖမ်းဆီးခဲ့သည်။ ထိုထဲတွင် လောင်းဒုံ မျာဇင်မှ (၇) ဦး၊ ဖော်ကီတောင်မှ (၂) ဦး၊ ကြိုက်ချောင်းမှ (၁)ဦး ဖြစ်ပြီး ကျန် (၃) ဦးမှာ ၎င်းရွာတွင် တိမ်းရှောင် နေသည့် ကြိမ်ချောင်းရွာသားများ အလယ်ရွာမှ ဦးဘော်ရှိရ်၊ (အသက် ၅၂)နှစ် နှင့် မြောက်ရွာမှ လူငယ် (၂) ဦး၊ လမ်းတဝက်တွင် တွေ့ရှိသည့် ကြိမ်ချောင်း အလယ်ရွာမှ ဦးနူရ်အာလောမ် (အသက် ၅၆ ) နှစ်တို့ ဖြစ်ကြသည်။

ထို  ဗရမ်းဗတာ အပြစ်မဲ့ဖမ်းဆီးခံခဲ့ရသူ ကြိမ်ချောင်း မြောက်ရွာသား နှစ်ဦးထဲမှာ တစ်ဦးက  အဘိုးအိမ်၌ တိမ်းရှောင်နေသည့် ဆယ်ကျော်သက်  ကွမ်းယာဆိုင်သည် နိုရုလ်အာမိန် ပင်ဖြစ်သည်။ မျှဇင်ရွာနေ သူ့ဦးလေး အရင်း (၂)ဦးနှင့်အတူ မတရား ဖမ်းဆီးလိုက်ခြင်းဖြစ်သည်။ 

တစ်ပတ်အကြာတွင် ထွက်ပေါ်လာသော ဟန်ပြအင်တာဗျူးလုပ်သည့် ရုပ်သံဖိုင်မှာ သူ့ ဘုမသိဘမသိ သက်သေထွက်ဆိုခိုင်းသည်ကို တွေ့ရ၍ ဖခင်ဖြစ်သူမှာ သား အသက်ရှင်လျက်ရှိနေသေးသည်ကို သိ၍ သေးဆုံးသွားသည့် သား ပြန်အသက်ရှင်လာသည့်ပမာ ဝမ်းသာမဆုံးဖြစ်ခဲ့သည်။ 

ထို့နောက် သားနှင့်တွေ့ရန် အကြိမ်ကြိမ် ကြိုးစားကြည့်သော်လည်း အချည်းနှီး ဖြစ်ခဲ့သည်။ မည်သည့်တရားရင်ဆိုင်ခွင့်မှ မရခဲ့ချေ။  မရှိသည့်ကြားက ငွေသာအဆုံးခံခဲ့ရသည်။ 

လာမယ့် နိုဝင်ဘာ (၁၄) ရက်ရောက်လျှင် (၂)နှစ် ပြည့်သွားမည်။ “မိမိတို့ဘဝက ပျက်စီးသွားလေပြီ။ ကျုပ်မသေမီ သားကို တစ်ကြိမ်မျှလောက် ဖက်နိုင်ခဲ့လျှင် စိတ်အေးကျေနပ်ပါလိမ့်မည်။” ဟု အဖေဖြစ်သူ အဗ္ဗဒူလ်အာလီက တညည်းတညူ ပြောခဲ့သည်။ "တို့ ရိုဟင်ဂျာ သားသမီးတွေကို ကယ်တော်မူပါ” ဟု  အလ္လာဟ်သျှင်မြတ်တော်ထံ အသနားခံရင်း မျက်ရည်လည်ရွဲခဲ့သည်။ သူတို့အမိအဖသည် ကျန်ရှိနေသမျှကို မျက်ရည်ချောင်းကျ ဖြတ်သန်းနေလေသည်။ 

၂၀၁၂ မှ စ၍ ဤသို့ အပြစ်မဲ့ ရာနှင့်ချီသော ရိုဟင်ဂျာ ဆယ်ကျော်သက်များကို ထောင်၌ ထိန်းသိမ်း ချုပ်နှောင်ထားလျက်ရှိသည်။ အဘယ်မျှလောက် သေကြေပျက်စီးရှင်းလင်းပစ်သည်ကိုမူ ပြောရန် ခက်ခဲလှသည်။ ပွင်းလင်းမြင်သာမူနဲ့ တရားစီရင် မဏ္ဍပ်ကို လူယုတ်တွေက စိုးမိုးလို့သာတည်း။ 

✂✂✂✂✂✂✂✂✂✂✂✂✂✂✂✂✂✂✂✂✂

http://burmese.rohingyablogger.com/2016/11/blog-post_53.html?m=1

Massenger တဆင့္ ပို႔ထားေသာ စာမူ