လွတ်လပ်ရေးကို ခံစားလို၏
⛺⛺⛺⛺⛺⛺⛺⛺⛺⛺⛺
ဇန္နဝါရီလ ၄ ရက်ရောက်တိုင်း
ရင်ချိုင်းထဲ၌ မေးခွန်းတစ်ခုက
ပဟေဠိစုလို အဖြေမရဘဲ
အတွေးနဲ့ ခံစားချက်တွဲ
နပမ်းသတ်နေကြတယ်…။
(၂)
လွတ်လပ်ရေးဟာ ဘယ်လိုလဲ?
ဟော့ဒီမေးခွန်းရဲ့ ပဲ့တင်သံက
ကောင်းကင်ယံပေါ် ရိုက်ခတ်လျက်
ဗမာပြည်တဝိုက် လည်ပတ်ပြန်သော်လဲ
မျက်ရည်သွန်ကျ ကျောက်တိုင်မှအပ
အဖြေမတွေ့ အနန္တကိန်းလိုပဲ။
(၃)
သမိုင်းစာအုပ်မှာ ဖတ်ဖူးတာက
ဘာသာပေါင်းစုံ ဇာနည်ခေါင်းတွေ
အသက်သွေးချွေး စတေးကာ
ပြည်သူ့အတွက် ရယူနပ်တဲ့
လွတ်လပ်ရေးအောင်ပန်းတဲ့။
ကျွန်ဘဝမှ လွတ်မြောက်ခဲ့တဲ့နေ့တဲ့။
(၄)
အဆွေ!
ဗမာပြည်လွတ်မြောက်ပြီ ဆိုရင်
ရှမ်းပြည်မှာ စစ်လေသံ၊
ကရင်ပြည်မှာ သေကြေညံ
ကချင်ပြည်မှာ မုဒိမ်းကျင့်ခံ
ရခိုင်ပြည်မှာ မီးဟုန်းလျှံ
ပြည်လုံးကျွတ် ဒုက္ခသည်စခန်းသို့
တန်းပြောင်းနေတာ ဘာလဲ။
ဘာလဲဘယ်လဲ ဟိုဟိုဒီဒီ
နောက်စီရှေ့ဆက် အမေးခက်က
တစ္ဆေဇာတ်လို ခြောက်နေဆဲပဲ။
(၅)
သဇင်ပန်းဖူး ပွင့်ခဲ့ပြီးဆိုရင်
ခရစ်ယာန်၊ အိစ္စလာမ်၊ ဟိန္ဒူတွေကို
ကြေမွတာက ဘာပြောမလဲ။
ဆင်းရဲသားပြည်သူ့ လယ်မြေအိုးအိမ်
ပျက်သိမ်းတာကို ဘယ်လိုပြောမလဲ။
အိမ်ရှင်ရင်းကို သူခိုးဇာတ်သွင်း
နှင်ထုတ်နေတာကို ဘာပြောမလဲ။
ဒီမေးခွန်းတွေက ခံစားချက်ကမ်းကို
ဒလဟော တိုက်ဆော်သဖြင့်
ပိုမို၍တအံ့ အားငယ်စေတယ်။
(၆)
တစ်ခွန်ရှစ်လေးမှာ ကုန်းဘောင်ကျွန်
တစ်ရှစ်နှစ်လေးမှာ ကိုလိုနီပြန်
တစ်ကိုးလေးရှစ်မှာ လွတ်မြောက်ပြီလို့
သက်ပြင်းချပြုံး အားတင်းမျှော်လဲ
ယခင်ထက်ဆိုး ရက်စက်ကွင်းထဲ
ရှင်သန်လာရသူမို့
“လွတ်လပ်”ဆိုတဲ့ ပုဒ်ဆန်းဟာ
မျက်ကန်းကို ရုပ်သံပြသလို
ကြားရုံမျှသာ အရသာက
ဘယ်လိုလဲ ဘာလဲတော့
လက်တွေ့ခံစား လိုချင်သား။
-----------------------------------------------------------
ရိုဟင်လေး|
ဇန္နဝါရီလ (၄) ရက်၊ ၂၀၁၈|11:34 PM (Fri)
-----------------------------------------------------------
No comments:
Post a Comment