Añárar Rosóm

Añárar Rosóm

Lekóya: Maung Maung Tin ( ရိုပုတၱ)

Añára óilam Ruáinga zati 

Añára Arakan decór báci

Añárar asé rosóm kúci

Mocuur aiccíl vesalir age lóti.

Dec bidec é duñri duñri

Ói gilám boí dukkór báci

Rosóm rewajor kiyál felí

Añára foóráir nizór zatir sabí

Boraigorír foror rosóm loi

Búzai felír nizor báca golti hoi.

Gura hálor kessú cizór yaad gorí

moól-kuthót zaitám gúddí gúddí

Dhañg kálaitám sáb bañdí.

Moris kálat ek dhuf mari

Gaa dhuitám kúci kúci.

Báricár cúru zóror fini

Áillá mózúr rákí dórdár gorí

Áillá súañ háçi aní

Fuáiñtta uçí áal loi dúwadi 

Isamas loi Kelagás torhari 

feçor cánti fúra gorí.

Zaálar báçi búiyót loizai 

Ruwa ruitám cáiri gai gai

Dánor sóra ai-lé fagi

Hosur sóra, esamas di 

feth-musa ré bóra gorí.

Dánor tara hólat aní

Fara maittam suk fore-fán gorí

Cída goru móiyya dí

Dán uñráitam lele didi

Kulat tulí dan futtani, 

doloin loiloi doli doli

Kúñtór sáinná foin-ot tulí

Ratasó loi durús gorí

Áillá báiyain bida oíza 

muulot gorí háñci háñcí.

Gas siné bahole, zat siné rosóme 

Bogar zákot hawwa ailé, boga nobone

Bab-dadar dinna silsiláré añárá noforí

Zodi zagoi rosóm búzi 

Zat áñzibó beéñt beéñt gorí.

(29-6-2020)

Ref: TheArtGardenRohingya