No_tákibó

 

No-tákibó 

No-tákibo tuwanggori

No-tákibo zomidari

Ar hotó din  no-buzibá zobinor ufor.

Suk hárilé baraidibo hoboror bútor.

Sina zuri dhuñwar bol

No-tákibo zonom bór

Ar hotó din  no-buzibá duniyar ufor.

Támi, sulí, matár hor

Fosón goillá fatol hor

Cirík, guná hoto goillá duniyar ufor.

Guná gorós fokhór gorí

No-tákibo baháduri

Ar hotó khál  no-buzibá duniyar ufor.

Mari háilí foror hóq

Ek cér ottín faba dos

Lakó kosóm hái besos bazaror ufor.

Lac córomor hañsa nái

boro cóñror sinno nái

Imaan hárai lenda beros duniyar ufor.

Suk hárilé barai dibo khoboror bútor.

-Moshorof Jamal, Arakan.

Ref: Rohingya Tarana book.