ရှေးစကာရွှေအလား (6)
“Nir gun e daru, súré Ferainna zadu.”
ဤဆိုရိုးစကားသည် ရှေးအမှောင်ခေတ်က ရိုဟင်ဂျာတို့၏ အယူအဆဓလေ့တစ်ခုကို ဖော်ပြနေသည်။ ဆေးဝါးအစွမ်းမတက်သော ကလေးကို စွန့်၍ ပြန်ကောက်ယူလာခြင်းဖြင့် ရောဂါဘယ သက်သာစေသည်ဟု ဆိုလိုသည်။ ရှေးပဝေသဏီက ရိုဟင်ဂျာတို့သည် ဤသို့ ယူဆခဲ့ကြသည်။
ရောဂါဘယ မကင်းသော ကလေးသူငယ်များဖြစ်စေ၊ စုံလတွင် သွားပေါက်သော ကလေးသူငယ်များကို ဖြစ်စေ ဤဓလေ့ဖြင့် ကုသလေ့ရှိသည်။ ဆရာသမားတော်များ ထံတွင် အကြိမ်ကြိမ်အထပ်ထပ် ကုသ၍ ရောဂါမပျောက်နိုင်သော ကလေးများကို ဤနည်းကို သုံးကြသည်။ စုံလတွင်သွားပေါက်သော ကလေးသည် ရောဂါမကင်း ဖြစ်သည်ဟု ယူဆကြသည်။ ထို့ကြောင့် စုံလသွားပေါက်သောကလေးကိုလည်း ဤဓလေ့ကို သုံးကြသည်။
လုပ်သည့်နည်းကတော့ ကလေးငယ်ကို အမိဖြစ်သူက သုံးခွလမ်းဆုံတွင် ပစ်ချရသည်။ ထိုပစ်ချထားသော ကလေးကို အခြားမိန်းမ တစ်ဦးမှ ပြန်ကောက်ယူရသည်။ ထိုကောက်ယူထံမှ ပြန်တောင်းယူရသည်။ ထိုမိန်းမက တောင်းခံသော ငွေကို ပေးချေကာ ကလေးကို ပြန်လည်လက်ခံယူရသည်။
ထိုကောက်ယူသော သားသမီး နာမည်များကိုတောင် “ဖေရိုင်န္နာ၊ ဖေရာန်အလီ၊ ဖေရိုင်န္နီ” စသည်ဖြင့် ပြောင်းလဲ ခေါ်ဝေါ်ခဲ့ကြသည်။ ယခုထက်တိုင် ထိုနာမည်မျိုးများ အာရ်ကာန်ပြည် တစ်ဝိုက်တွင် တွေ့ရှိရသည်။
သို့သော် ဤဓလေ့သည် အီစ္စလာမ်တရားတော်၏ ပညတ်ချက် လုံးဝ လုံးဝ မဟုတ်ပါ။ ရိုဟင်ဂျာလူမျိုးတို့၏ ရှေးခေတ် ဓလေ့ထုံးတစ်ခုသာ ဖြစ်ပေသည်။
ရှေးခေတ်တွင် ရောဂါဘယများကို အမျိုးမျိုးသော ဒေသထွက် အပင်အမြစ်များ၊ အပြားပြားသော ယုံကြည်ချက်တို့ဖြင့် ကုသလေ့ရှိခဲ့သည်။ ယင်းကုသမှုတို့သည် သူတို့၏ အားကိုးရာဖြစ်ခဲ့သည်။ လူတို့၏ အသိတရား တိုးတက်လာသည်နှင့်အမျှ အမှောင်ခေတ်က ယုတ္တိမဲ့သော၊ အယူသည်းသော အယူအဆ ဓလေ့ထုံးစံများလည်း တဖြေးဖြေး ကွယ်ပျောက်လာလေသည်။ ယနေ့ခေတ်တွင်မူ လုံးဝ ပျောက်ကွယ်သွားသည်။
ရှေးခေတ်က ရိုဟင်ဂျာတို့၏ နေထိုင်မှုဓလေ့ထုံးစံများ တစ်စိတ်တစ်ဒေသကို ယနေ့ခေတ်က လူငယ်များ လေ့လာသိရှိနိုင်ရန် တင်ပြပေးခြင်းဖြစ်ပါသည်။
No comments:
Post a Comment