" ရှင်သန်ခွင့်ပေးပါ "
အို ရှုကြလော့
ပန်းဥယျာဉ်မှာ နှင်းဆီပွင့်လေး
စီရရီ ဖူးပွင့်နေတယ်
ဖူးပွင့်ခွင့်ပေးပါလော့။
ကြိုးဖြတ်စွန် ရောင်စုံနောက်
ကလေး ပြေးတမ်းနေကြတယ်
ပြေးလွှားခွင့်ပေးပါလော့။
ကောင်းကင်ပြာမှာ ရွှေစွန်ရဲ
တောင်ပံဆန့်ဝဲနေတယ်
ဆန့်ခွင့်ပေးပါလော့။
ပိုးစုန်းကြူးငယ် ညမှောင်ဝယ်
မီးထွန်းပွဲ ကစားနေတယ်
ကစားခွင့်ပေးပါလော့။
နေ့လယ်လယ်မှာ ချုံပုတ်က
ချိုးမလေးကူနေတယ်
ကူခွင့်ပေးပါလော့။
သဲသောင်ပြင်မှာ လူကလေး
အရုပ်တွေဆွဲနေတယ်
ဆွဲခွင့်ပေးပါလော့။
ရေပြင်သာမှာ စင်ရော်ငှက်လေး
မြူးထူး ရေချိုးနေတယ်
ရေချိုးခွင့်ပေးပါလော့။
မြစ်ကြီးနက်မှာ လှေသမား
လှေထိုးနေတယ်
ထိုးခွင့်ပေးပါလော့။
နေရောင်ပျော့ပျ ချေမာငှက်
ခုန်ဆွဆွ ကနေတယ်
ကခွင့်ပေးပါလော့။
ကျေးငှက်၊ လူငယ် ပန်းပွင့်တွေ
မြေကြီးအမွေခံ ခပ်သိမ်းကို
ဒီနေ့… ရှင်သန်ခွင့်ပေးပါလော့။
#ရိုဟင်လေး
Note- ဘင်္ဂါလီစာဆို ရှောမ်ရှူရ် ရာဟမာန် ၏ Bastedao ကဗျာကို တိုက်ရိုက်ပြန်ဆိုသည်။
#RKPoetry
No comments:
Post a Comment