"တူလာတူလီ (မင်းကြီးရွာ) အစုလိုက်အပြုံလိုက် သတ်ဖြတ်မှု"

 "တူလာတူလီ (မင်းကြီးရွာ) အစုလိုက်အပြုံလိုက် သတ်ဖြတ်မှု"

၂၀၁၇ ခု၊ သြဂုတ်လ ၃၀ ရက်နေ့ ညသန်းခေါင် အချိန်တွင် မြန်မာ့စစ်တပ်က မောင်တောမြို့နယ် တူလာတူလီ ရိုဟင်ဂျာ ကျေးရွာသို့ စီးနင်းဝင်ရောက်ပြီး ကလေးသူငယ်အပါအဝင် အပြစ်မဲ့ရွာသားအားလုံးကို အစုလိုက်အပြုံလိုက် သတ်ဖြတ်မီးရှို့ခဲ့ကြောင်း "တူလာ အစုလိုက်အပြုံလိုက်သတ်ဖြတ်မှု" မှ လွှတ်မြောက်လာသည့် မျက်မြင် သက်သေ ဦးမောင်ဘ အပါအဝင် အခြားမျက်မြင် သက်သေတွေမှ ထုတ်ဖော်ပြောဆိုခဲ့တယ်။ 

မည်သို့ပင် ကလိမ်စေ့ ငြမ်းစင် လိမ်ကြစေကာမူ အမှန်တရားက အနှေးနှင့် အမြန်ဆိုသလို ပေါ်ပေါက်လာစမြဲပါ။ ၁၉၆၂ ခုနှစ် စစ်အာဏာသိမ်းပြီးကထဲက စစ်တပ် လိမ်လည်သမျှ မပေါ်ခဲ့တာလည်း မရှိသလို ယခု ရခိုင်ဒေသက လုပ်ကြံမှုတွေအားလုံး နည်းပညာ အကူအညီကြောင့် ယခင်တုန်းကလို မကြန့်ကြာတော့ပဲ လျင်မြန်စွာ အလိမ်ပေါ်ခဲ့ရပြီး ကမ္ဘ္ဘာကြီး တခုလုံးသို့လည်း အချိန်နှင့် တပြေးညီ သတင်းတွေ စီးဆင်းသွားခဲ့ပါတယ်။ သိရှိကြရပါတယ်၊ ကြေကွဲကြရပါတယ်။

တူလာတူလီ ဟာ ရိုဟင်ဂျာနှင့် အခြားလူမျိုးစုတွေ အစဉ်အဆက် ရောနှောနေထိုင်လာခဲ့တဲ့ ရွာတစ်ရွာဖြစ်တယ်။ ဟိုးအရင်ကဆိုရင် ရိုဟင်ဂျာရွာသက်သက်ဖြစ်ပါတယ်။ အခြားလူမျိုးစု မရှိခဲ့ပါဘူး။  ၁၉၇၀ နောက်ပိုင်း နတလ (နယ်စပ်ဒေသ တိုင်းရင်းသားလူမျိုးစု) ကျေးရွာတွေကို မဆလအစိုးရက တည်ပေးလိုက်ခြင်းဖြင့် အခြားလူမျိုးစုလည်း ရောလာတာဖြစ်တယ်။ ပြီးတော့ ရိုဟင်ဂျာတွေရဲ့ လယ်မြေသိမ်းပြီးတော့ စစ်တပ်က ဘုရားပုထိုး တည်ပေးခဲ့တယ်။ ဝက်ကျိန်းဘုရားလို့ နာမည်ပေးခဲ့တယ်။ အခုဆို သမိုင်းဝင် ဝက်ကျိန်းဘုရားတဲ့။ 

တူလာတူလီ ရိုဟင်ဂျာ ကျေးရွာဟာ တစ်ဖက်က ပြူးမချောင်း၊ တစ်ဖက်က တောင်ကုန်း၊ တစ်ဖက်က မင်းကြီး နတလရွာဟောင်းနဲ့ တောင်ကျော်တစ်ဖက်ကမ်းမှာ တရိန်းနတလရွာ တို့နဲ့ ဝန်းရံနေတဲ့ ရွာတစ်ရွာဖြစ်တယ်။ ပြူးမချောင်းတစ်ဖက်ကမ်းမှာ ဆာဒူလ္လာဆောရ်နဲ့ ဒီဝါလ်တောလီ ရွာတည်ရှိတယ်။ သို့ပေမဲ့ ပြူးမချောင်းက ကန့်လန့်ကားထားပါတယ်။ လွတ်မြောက်ဖို့ ဆိုလို့ ချောင်းကူးနိုင်မှ အဆင်ပြေမှာပါ။ 

တူလာတူလီ အစုလိုက်အပြုံလိုက် သတ်ဖြတ်မှုကို (၂၁) ရာစု၏ အဆိုးဝါးဆုံး အစုလိုက်အပြုံလိုက် သတ်ဖြတ်ခံရခြင်းလို့လည်း ပြောစမှတ်ပြု စုတ်တသတ်သတ် ရှိကုန်ကြပါတယ်။

ဟိန္ဒူတွေကို ရခိုင် အစွန်းရောက်တွေနှင့်ပေါင်းပြီး တပ်က နှုတ်ပိတ် သတ်ဖြတ်မှုတွေ၊ တူလာတူလီ (ခ) မင်းကြီးရွာက မွတ်စလင်တွေကို ရွာလုံးကျွတ် သတ်ဖြတ်ကျူးလွန်ခဲ့တာတွေလည်း မကြာမီ ပေါ်ပေါက်လာမှာ အမှန်ပါ။

'တူလာတူလီ အစုလိုက်အပြုံလိုက် သတ်ဖြတ်ခြင်း (Tula Toli Massacre)' လို့ ကမ္ဘ္ဘာ့က ဒီကိစ္စကို မှတ်တမ်းတင်ထားရှိပါတယ်။ မွတ်စလင် (၅၀၀) ကျော်နှင့် ၎င်းတို့၏ ကလေးသူငယ် (၃၀၀) ကျော်၊ ရွာလုံးကျွတ်နီးပါး အသတ်ခံခဲ့ရတဲ့ ဒီရွာကလေးဟာ ဘင်္ဂလားဒေ့ရ်ှနိုင်ငံနှင့် လွန်စွာ နီးကပ်စွာရှိတဲ့ ရွာလေးတရွာ ဖြစ်ပါတယ်။

ထိုရွာကနေ လှမ်းမြင်နေရတဲ့ 'Dual Toli' ရွာကို ဗမာ စစ်သားတွေက အရင်ဝင်တိုက်ပြီး ရှိသမျှ ရွာသားတွေကိုသတ်ကာ တရွာလုံးကို မီးလောင်တိုက် သွင်းလိုက်ပါတယ်။ 'Dual Toli' မြစ်ကို ကူးပြီး အသက်ဘေးလွတ်အောင် ရေကူးပြေးနေတဲ့ သူတွေကိုလည်း အလွတ်မပေး သတ်ဖြတ်ခြင်းခံရသလို အဆက်မပြတ် ပစ်ခတ်နေတဲ့ ကျည်ဆံအောက်မှာ ခေါင်းမဖော်နိုင်အောင် ရေကူးနေရတာမို့ ရေနှစ်ပြီး သေဆုံးသူ (၁၀) ဦးထက်မနည်း ရှိခဲ့တယ်လို့ မှတ်တမ်းက ဆိုပါတယ်။

တူလာတူလီရွာမှာတော့ မသတ်ခင် တစ်ရက်အလိုမှာ ရွာထဲရှိ မွတ်စလင်အားလုံး ရွာပြင်ထွက် ငါးဖမ်းခြင်း၊ စိုက်ပျိုးခြင်း မပြုရဟု အမိန့်အရင်ထုတ်ကာ ၎င်းတို့ပိုင် တန်ဘိုး ရှိသမျှ ပစ္စည်း၊ ချွန်ချွန်ဟူသမျှ အားလုံးကြက်သွန်လှီးဓားပါအကုန် တစ်အိမ်တက်ဆင်း လုယက် ယူငင်ပြီးမှ ရွာရဲ့ ထွက်ပေါက်မှန်သမျှ လေးဘက်လေးတန်ကို ပိတ်ဆီးထားလိုက်ပါတယ်။ စစ်တပ်က အိမ်တွေကိုပဲ မီးတိုက်ရှို့မှာ တခြား ဘာအန္တရာယ်မှပြုမှာမဟုတ်ဘူး လို့ ရခိုင်ကျေးရွာအုပ်ချုပ်ရေးမှူးက ရွာသားတွေကို လာရောက်အသိပေးတယ်။ တခြား လုံခြုံနေရာတစ်နေရာမှာ စုဝေးနေဖို့လဲ ပြောသွားတယ်။

နံဘေးပတ်လည် မြစ်ရေတွေ တသွင်သွင်စီးဆင်း ဖြတ်သန်းနေပြီး လရောင်အောက်မှာ ကျီးလန့်စာစား သေမိန့်ကျနေတဲ့ ရွာကလေးကို ဗမာ စစ်သားတွေက ဩဂုတ်လ (၃၀) ရက်နေ့ ညသန်းကောင် အချိန်မှာ ဘီလူးဆိုင်းတီးပြီး စတင် တိုက်ခိုက်ကာမဲမဲ မြင်သမျှ အကုန် ပစ်သတ်ပါတော့တယ်။

နံနက်စောင်းချိန်လောက်တွင် ရွာတစ်ခုလုံးကို စစ်တပ်က မီးရှို့ဖျက်ဆီးလိုက်လေတယ်။ နတလ အိမ်တွေကျတော့ ဘာတစ်ခုမှ မဖြစ်ခဲ့ဘူး။ နဂိုအတိုင်း ကောင်းကောင်းမွန်မွန်ပဲ။

အမျိုးသမီးတွေနဲ့ ကလေးသူငယ်တွေကို စုဝေးနေတဲ့ လူအုပ်ထဲကနေ ဦးစွာ ခွဲထုတ်လိုက်ခဲ့တယ်။ ချောင်းကမ်းပါးမှာ အမျိုးသမီးတွေကို တန်းစီပြီးတော့ ထိုင်စေတယ်။ အချိန်အနည်းငယ်ကြာပြီးတော့ ထ၊ ထိုင်လုပ်ခိုင်းတယ်။ တစ်ခါထ၊ ပြန်ထိုင်ပေါ့။ နောက်ဆုံးတွင် အမျိုးသမီးတွေကို ထ… ပြေး ဆိုလို့ ဟစ်အော် အမိန့်ပေးလိုက်တယ်။ သူတို့လည်း တကြောက်တလန့် ထပြေးတော့ နောက်ကနေ ဘီးလူးစစ်တပ်တွေက ဒိုင်းဒိုင်း သေနတ်ပစ် သတ်လိုက်ကြတယ်။ တစ်ချို့ အမျိုးသမီးတွေဟာ ရမ်းရမ်းကားကား သေနတ်ပစ်ကွင်းနေ လွတ်မြောက်ကာ ချောင်းထဲ ခုန်ဆင်းခဲ့ပေမဲ့ အသက်မကယ်နိုင်ခဲ့ချေ။ ဒီရေတက်နေတဲ့ ရေစီးအလျင်မှာ ရေနစ်သေသူသေ၊ ပြန်ပေါ်လာသူကို သေနတ်ပစ်လို့ သတ်ဖြတ်လိုက်လေတယ်။ ကလေးနဲ့ လူငယ်တွေကို ချောင်းထဲ ဝေးပစ်ကာ သေစေတယ်။ မသေမချင်း စောင့်ကြည့်တယ်။ မသေရင် ကျည်ဆံပေါက် သတ်တယ်။ 

လွတ်မြောက်လာသူတွေရဲ့ သက်သေခံချက်အရ အမျိုးသားတွေကို ချောင်းကမ်းပါးတစ်လျှောက် ဒူးတောက်တန်းစီစေတယ်။ နောက်ကနေ အောတိုရိုက်ဖယ်နဲ့ တန်း ပစ်သတ်ခဲ့တယ်။ အချို့ကို လည်ပင်းလှီး သတ်တယ်။ အချို့ကို မော်တာတွေနဲ့ ချိန်းကာ ပစ်သတ်တယ်။ အချို့ကို အိမ်ထဲ အရှင် ကြိုးတုပ် ချည်နှောင်ထားကာ အိမ်ကိုပါ မီးရှို့ကာ အရှင်လတ်လတ် မီးရှို့သတ်တယ်။ 

လူအစုတစ်စုကို ပစ်သတ်ပြီးရင် စစ်တပ်တွေက အတန်ငယ် စောင့်ကြည့်တယ်။ ပိုပြီးသေချာအောင် အလောင်းတွေကို ပြန်သေနတ်ပစ်တယ်။ 

အလောင်းတွေကို ချောင်းကမ်းပါးအနီမှာ တွင်းကျင်းတူးကာ တွင်းထဲပုံချတယ်။ ပြီးတော့ သက်သေခံအထောက်အထား ဖျောက်အောင် မီးရှို့ဖျက်ဆီးပစ်တယ်။ 

တစ်ရွာလုံး တစ်ယောက်မှ မကျန်တော့ဘူးဆိုတာ သေချာမှ သတ်ဖြတ်ခြင်းကို ရပ်စဲလိုက်ကြပြီး တစ်ရွာလုံးကို မီးတင်ရှို့လိုက်ကြပါတော့တယ်။ ဒီအစုလိုက်အပြုံလိုက် သတ်ဖြတ်ခြင်းမှာ ဒေသခံ ရခိုင်၊ ဟိန္ဒူနှင့် ဗုဒ္ဓဘာသာဝင်တွေလည်း ပူးပေါင်းပါရှိတယ်လို့ ဂါးဒီးယန်း သတင်းမှတ်တမ်းမှာ ဖော်ပြပါရှိပါတယ်။

ဂါးဒီးယန်း သတင်းစာက ဒီအစုလိုက်အပြုံလိုက် သတ်ဖြတ်မှုကို ၂၀၁၇ ခု၊ စက်တင်ဘာလ (၇) ရက်မှာ Massacre at Tula Toli: Rohingya recall horror of Myanmar army attack သတင်းဆောင်းပါး ခေါင်းစဉ်ဖြင့် ကမ္ဘ္ဘာကို တင်ပြခဲ့ပါတယ်။

'လူ့အခွင့်အရေး စောင့်ကြည့်ရေးအဖွဲ့ (Amnesty International) ကလည်း ထိုသတ်ဖြတ်မှုကြီးကို အတည်ပြုသလို 'ဂြိုဟ်တု (Satellite)'က ရိုက်ကူးထားတဲ့ ဓာတ်ပုံတွေနဲ့ (satellite imagery confirms Rohingya village of Tula Toli razed) ကမ္ဘ္ဘာကို တင်ပြခဲ့ပါတယ်။

https://www.theguardian.com/world/2017/sep/19/myanmar-satellite-imagery-confirms-rohingya-village-of-tula-toli-razed

'Dhaka Tribune' အင်္ဂလိပ်သတင်းစာကလည်း (၉) ရက်၊ စက်တင်ဘာမှာ ‘There is no Rohingya left in Tulatoli’ ခေါင်းစဉ်ဖြင့် ဒီ တူလာတူလီအစုလိုက်အပြုံလိုက် သတ်ဖြတ်မှုကို အတည်ပြု ရေးသားထားသလို အမေရိကန် သတင်းစာ အချို့ကလည်း (၁၈) ရက်၊ စက်တင်ဘာမှာ အတည်ပြုရေးသားပါတယ်။

CNN က Friends turn on friends ခေါင်းစဉ်အောက်မှာ

"စစ်တပ်ရဲ့ စစ်ရဟတ်ယာဉ်တွေ တူလာတူလီကို ဆင်းပြီးတော့ လက်နက်ခဲယဉ်းတွေ ဝေတာကို ကျနော်မြင်တယ်။ သူတို့ဟာ မဂ်၊ ဟိန္ဒူ၊ မြို နဲ့ အခြား ဗုဒ္ဓဘာသာဝင်တွေ အားလုံးကို လက်နက်ခဲယဉ်း ပေးတယ်။ ချက်ချင်းပဲဆိုသလို သူတို့ဟာ စစ်သားဝတ်စုံ၊ ဓား၊ တုတ်၊ လက်နက်တွေနဲ့ ထွက်လာကြတယ်။ ကျနော်ရဲ့ ဘာသာခြား သူငယ်ချင်းတွေကို စစ်သားဝတ်စုံနဲ့ လက်နက်တွေ ကိုင်စွဲလျက် မြင်ခဲ့တယ်။ သူတို့ဟာ ကျနော်ရဲ့ ငယ်ဘဝဖော် အတူတူ ကစားခဲ့တဲ့ သူငယ်ချင်းတွေ ဖြစ်ပါတယ်။" လို့ လွတ်မြောက်ခဲ့သူ အူမောရ်အာလီက ဆိုတယ်လို့ မျက်မြင်သက်သေတွေရဲ ထွက်ဆိုချက်တွေ ရေးသားတင်ပြခဲ့တယ်။ 

https://indiatribune.com/adults-were-shot-babies-thrown-into-water-rohingya-refugees-recall-horror-of-myanmar-army-attack/

https://www.irishtimes.com/news/world/asia-pacific/massacre-at-tula-toli-rohingya-recall-horror-of-myanmar-army-attack-1.3214365

Human Rights Watch ရဲ့ လွတ်မြောက်လာသူ ဒေါ်ဟာဆီနာနဲ့ အင်တာဗျူးတစ်ခုတွင် 

"ဟာဆီနာဟာ သူရဲ့ တစ်နှစ်သားအရွယ် သမီးငယ် ဆူဟိုက်ဖာကို ဝတ်ရုံအောက်တွင် ပုန်းချီလျက် ပုန်းခိုဖို့ ကြိုးစားချိန် စစ်သားတစ်ယောက်က ရိပ်မိခဲ့ပြီးတော့ လိုက်ကာ ဖမ်းဆီပြီးတော့ သမီးငယ်ကို ရင်ခွင်မှ ဆွဲယူကာ မီးလောင်နေတဲ့ အိမ်ထဲကို အရှင်လတ်လတ် ပိုက်ချလိုက်လေတယ်။ စစ်သား ၅ ယောက်က ဟာဆီနာ၊ သူရဲ့ယောက္ခမ ဖာတေမာ (၃၅ နှစ်)၊ သူ့ယောက်ျားရဲ့ ညီမ အစ်မာ (၁၈နှစ်) နဲ့ ဖာတောရဲ့ သားသုံးယောက်ကိုလည်း အတူ ချောင်းစပ်ရေတိမ်မှာ ပုန်းနေရာကနေ ဖမ်းဆီးပြီးတော့ မနီးမဝေးရှိ တဲအိမ် တစ်ခုသို့ ခေါ်ဆောင်သွားတယ်။ တဲအိမ်ကို ရောက်တာနဲ့ ရခိုင်အကြမ်းဖက်သမားတသ်စုက လူငယ် ၃ ယောက်ကို သူတို့ရှေ့မှာပင်  ရိုက်နက်ထိုးသတ် သတ်ဖြတ်လိုက်တယ်။ စစ်သားတွေက ဟာဆီနာနဲ့ အခြားအမျိုးသမီးတွေကို အိမ်ထဲမှာ အတင်အဓမ္မ ပြုကျင့်တယ်။ ဖာတေမာက ခုခံတဲ့အခါ ဖာတေမာကို တစ်ချိန်တည်းနဲ့ သတ်ဖြတ်လိုက်တယ်။ တခြား အမျိုးသမီးတွေကို သတိမေ့အောင် မရိုက်ပုတ်မီ ဟာဆီနာကို ဓားမြောင်နဲ့ ထိုးလိုက်တယ်။ 

စစ်သားတွေက သတိမေ့နေတဲ့ အမျိုးသမီးတွေနဲ့ သေနေတဲ့အလောင်းတွေကို အိမ်ထဲထားကာ အိမ်တံခါးတွေကို သော့ခတ်ချည်နောင်ထားကာ အိမ်ကို မီးရှို့ပြီးတော့ ထွက်သွားတယ်။ ဟာဆီနာနဲ့ အစ်မာတို့ဟာ သူတို့ရဲ့ အဝတ်လောင်နေတဲ့ချိန်မှာ သတိပြန်ရလာခဲ့တယ်။ သူတို့ဟာ မီးလောင်နေတဲ့ ဝါးထရံကို ချိုးဖောက်ကာ ထွက်လာခဲ့တယ်။ အဲဒီအိမ်မှ သူတို့သာ လွတ်မြောက်လာနိုင်ခဲ့သူဖြစ်ပါတယ်။ အင်တာဗျူလုပ်နေချိန်တွင် သူတို့ရရှိထားတဲ့ ဓားဒဏ်ရာ၊ မီးလောင်ဒဏ်ရာတွေကိုလည်း ပြသခဲ့တယ်။" လို့ မြစ်ကမ်းဘေးက သတ်ဖြတ်ပွဲ (Massacre by the river) ခေါင်းစဉ်နဲ့ သတင်းဆောင်ပါးတွင် အခြား လွတ်မြောက်လာသော မျက်မြင်တွေရဲ့ သက်သေခံချက်တွေနဲ့ ရေးသားဖော်ပြထားတယ်။

ဒုက္ခသည်စခန်းကို ကိုယ်တိုင်လာရောက် လေ့လာခဲ့သည့် ရုပ်ရှင်ထုတ်လုပ်သူ Shifaur Rahman က ဘီဘီစီ မေးမြန်းခန်းတစ်ခုတွင် တူလာတူလီလူသတ်မှု၏ ကြောက်မက်ဖွယ်ဖြစ်ရပ်ကို တင်ပြခဲ့တယ်။

ဒီကိစ္စ စဖြစ်ခါစကထဲက ရွာထဲကို အဝင်မခံလို့ တဖက်နိုင်ငံရောက် ကမ္ဘ္ဘာ့သတင်းထောက်တွေက မောင်းသူမဲ့ယာဉ်ငယ် 'ဒရုန်း (Drone)' တွေနှင့် ဂြိုဟ်တုနဲ့ မှတ်တမ်းတင်နေကြောင်း၊ ကြိတ်သတ်လို့ မရကြောင်း ရေးတဲ့အခါ နွားတွေက နွားလိုတွေးပြီး ရယ်ကြတာ မှတ်မိကြမယ်ထင်ပါတယ်။

ထို တူလာတူလီ အစုလိုက်အပြုံလိုက် သတ်ဖြတ်မှုကို ဩဂုတ် (၃၀) ရက်ကနေ စက်တင်ဘာ (၁) ရက်နေ့အထိ (၃) ရက်ကြာ မနားမနေ ရက်ရက်စက်စက် သတ်ဖြတ်ကြခြင်း ဖြစ်ပါတယ်။ မွတ်စလင် အမျိုးသား အများစုကို ခေါင်းဖြတ်သတ်၊ သူတို့အိမ်ကို မီးရှို့ပြီး မီးပုံထဲပစ်ထည့် အစဖျောက်ပါတယ်။ ထိုအထဲတွင် မောင်တောဒေသရဲ့ အကြည်အညိုအရှိဆုံး သူတော်စင် သာသနာ့ပညာရှင် ဘူရဟူးဇူရ် ခေါ် ဟူးစိန်အမတ်သခင် လည်း လူသတ်သမားတွေရဲ့ ရက်စက်မှုမှ မလွတ်မြောက်နိုင်ခဲ့ချေ။ ရဟီးဒ်ဖြစ်သွားရှာလေတယ်။ 

အမျိုးသမီးတွေနှင့် ကလေးငယ်တွေကို အမျိုးသားတွေနှင့် သီးခြား ခွဲထုတ်ပြီး မြစ်နံဘေးမှာ မတ်တပ်ရပ်ခိုင်းထားကာ သူတို့ နေအိမ်များကို စတင် မီးရှို့ပါတယ်။ ပြီးနောက် ကလေး၊ အမျိုးသမီး နှင့် အမျိုးသား အားလုံးကို မြစ်ကမ်းဘောင်ပေါ် သီးခြားစီတန်းစီခိုင်းထားပြီး မြစ်ထဲ ပြေးဆင်းရန် ညာသံပေးပြီးမှ ရှုပ်ပွနေတဲ့ ဆံပင်ကို ဝက်မှင်ဘီးနှင့် ဖီး၍ သပ်ချလိုက်သလို အော်တိုမက်တစ် မောင်းပြန် ရိုင်ဖယ် သေနတ်တွေနဲ့ နောက်ကျောဖက်ကနေ အဆက်မပြတ် ပစ်သတ်ပါတော့တယ်။ အတုံးအရုန်း လဲပြိုကာ သေပွဲဝင်ခဲ့ကြရပါတယ်။

အမျိုးသမီးတွေကို မညှာမတာ အတောမသတ် ပစ်သတ်နေစဉ် သတ္တိအနည်းငယ်ရှိတဲ့သူတွေက ကြိုးစားပမ်းစား လွတ်အောင် ရေကူး ပြေးသော်လည်း တဒိုင်းဒိုင်း ပစ်နေတဲ့ ကျည်ဆံမိုးအောက်မှာ ကျည်ထိပြီး ရေနစ် သေဆုံးကြရပါတယ်။ 

ကလေးငယ်အားလုံးလိုလို ကျည်ထိပြီး သေရင်သေ မသေရင်လည်း ရေနစ်သေဆုံးရသလို သေဆုံးတာ သေချာမှု ရှိစေရန် သေနတ်နှင့် ထိုးဆွကြည့်ရင်း သေနတ်ဒဏ်ရာကြောင့် အော်သံ ငြီးငြူသံကြားရင် အသံတိတ်သွားတဲ့အထိ သေချာအောင် ထပ်မံ ပစ်သတ်ပြန်ပါတယ်။ ကြည့်ကောင်းတဲ့ အမျိုးသမီးငယ်မှန်သမျှ မတရားပြုကျင့်တာ ခံရပါတယ်။

ထိုအထဲမှ အပုန်းကောင်းလို့၊ သေပြီထင်ပြီးစွန့်ပစ်ထားလို့ လွတ်မြောက်လာသူအချို့ ဘင်္ဂလားဒေ့ရ်ှဖက်က ဒုက္ခသည် စခန်းတွေထဲမှာ ယခုအထိ ရှိနေပါတယ်။

အနှစ်ချုပ်ရရင် တူလာတူလီ သတ်ဖြတ်ပွဲသည် မြႏ်မာ့သမိုင်းတွင် အမည်းစက် တဈခု သဖွယ် ကန္ရိတေမာ့ယ်။

ကိုးကား- 

Andrew Soe's    post

Tula Toli Massacre

https://en.m.wikipedia.org/wiki/Tula_Toli_massacre

Massacre by the River

https://www.hrw.org/report/2017/12/19/massacre-river/burmese-army-crimes-against-humanity-tula-toli