ဗိုလ်ချူပ်မှုးကြီးဟောင်း သန်းရွှေနှင့် ဒေါ်အောင်ဆန်းစုကြည် ထံသို့ အိတ်ဖွင့်ပေးစာ

 ဗိုလ်ချူပ်မှုးကြီးဟောင်း သန်းရွှေနှင့် ဒေါ်အောင်ဆန်းစုကြည် ထံသို့ အိတ်ဖွင့်ပေးစာ

အငြိမ်းစား ဗိုလ်ချုပ်မှူးကြီးဦးသန်းရွှေ
ဒေါ်အောင်ဆန်းစုကြည်
သမ္မတ ဦးသိန်းစိန်
တပ်ချုပ်ကြီး မင်းအောင်လှိုင်

ဒီဇင်ဘာလ (၇) ရက်၊ ၂ဝ၁၅

ခေါင်းဆောင်ကြီးများ ခင်ဗျား။

မင်္ဂလာပါ

ရာစုနှစ်ဝက်ကြာ အာဏာရှင် / စစ်အုပ်ချုပ်ရေး စနစ်ကနေ ဒီမိုကရေစီ စနစ်ပြောင်းဖို့ ခေါင်းဆောင်ကြီး (၄) ဦး ကိုယ်ဖိရင်ဖိ လုပ်ဆောင်မှုတွေကို ဖတ်ရကြားရလို့ မြန်မာတဦး အနေနဲ့ အထူးဝမ်းမြောက်မိပါတယ်။

အလားတူပဲ ရာစုနှစ်ပေါင်းများစွာ ရှင်သန်ခဲ့တဲ့ “ငါ့ခေါင်းစား၊ ငါတပါးမင်းဖြစ်” ဆိုတဲ့ မြန်မာ့ ပဒေသရာဇ် အစဉ်အလာဆိုးကြီးကို ပျောက်အောင်၊ အေးချမ်းစွာ တာဝန်နဲ့ အာဏာ (တချို့) လွှဲပေးမယ့် အစဉ်အလာသစ်ကြီးကို စတင် အကောင်အထည် ဖော်မယ့် လုပ်ရပ်တွေကိုလည်း ပြည်တွင်း ပြည်ပမှာ ရှိတဲ့ မြန်မာများက သြဘာပေးသံတွေ ဂုဏ်ယူစွာ ကြားမိပါတယ်။ 

ဒီလို မင်္ဂလာရှိတဲ့ မျှော်လင့်ချက် ရောင်ခြည်တွေ သန်းစပြုလာတဲ့ အခါသမယကြီးမှာ ကျွန်တော် မောင်ဇာနည် ပြည်သူတယောက်ရဲ့ လွတ်လပ်စွာ ပြောဆိုခွင့် အရသော်လည်းကောင်း၊ “ဆိုရေးရှိစ ဆိုခဲ့စေ” ဆိုတဲ့ မြန်မာ့ ဓလေ့အရသော်လည်းကောင်း တိုင်းရင်းသား ဘာသာစုံ လူထုကြီး တရပ်လုံးနဲ့ သက်ဆိုင်တဲ့ အမျိုးသားရေး ကိစ္စရပ်ကြီး (၂) ခုကို တင်ပြလိုက်ပါတယ်။ 

ကျွန်တော့်နောက်ခံကို တိုတိုတုတ်တုတ် ပြောရမယ်ဆိုရင် ၁၉၈၈ ခုနှစ်ကတည်းက ကျွန်တော်ဟာ နိုင်ငံရေး ရှင်ကြီးဝမ်းရော၊ ရှင်ငယ်ဝမ်းရော ဝင်ဖူးပါတယ်။ NLD ကို တစိုက်မတ်မတ် ၂ဝဝ၄ ခုနှစ်ထိ ထောက်ခံခဲ့ပြီး စီးပွားရေး သပိတ်မှောက်မှု၊ လူ့အခွင့်အရေး ချိုးဖောက်မှုတွေကို ကမ္ဘာသိအောင် လုပ်တဲ့ ကမ်ပိန်းတွေ ကြိုးစား ဦးဆောင်လုပ်ခဲ့ပါတယ်။ 

အနောက်နိုင်ငံ အစိုးရတွေရဲ့ မူဝါဒ မရိုးသားမှုတွေကို မြင်လာလို့ တပ်မတော် ခေါင်းဆောင်များနဲ့ လက်တွဲလုပ်ဖို့ လူမုန်းခံ၊ လူကဲ့ရဲ့ခံပြီး ပြောခဲ့၊ ဆိုခဲ့ လက်တွေ့လုပ်ခဲ့တဲ့ အထဲမှာလည်း ကျွန်တော် ရှေ့တန်းက ပါခဲ့ပါတယ်။ 

လတ်တလောမှာတော့ ဘယ်ဘက် ဘယ်အဖွဲ့အစည်းမှ အယုံအကြည် သိပ်မရှိတာမို့ ပြည်ပမှာဘဲ အခြေချပြီး ခေါင်းချဖို့ စဉ်းစားထားရာက အလွန်အရုပ်ဆိုးတဲ့ တမျိုးသားလုံး တိုင်းပြည်တပြည်လုံးနဲ့ ဆိုင်တဲ့ ကိစ္စကြီး (၂) ရပ်ကြောင့် နိုင်ငံရေးထဲမှာ ဆက်ပြီး ပတ်သက်နေရခြင်း ဖြစ်ပါတယ်။ 

ပထမ အကြောင်းအရာကြီး ကတော့ တပ်မတော်ရဲ့ ကြီးနိုင်ငယ်ညှဉ်း၊ ပြည်တွင်း ကိုလိုနီ စစ်ပွဲတွေကြောင့် ကချင်၊ ရှမ်း၊ ပအိုဝ်း၊ ရခိုင်၊ ကိုးကန့် စတဲ့ တရားဝင်လို့ သတ်မှတ်ထားတဲ့ တိုင်းရင်းသားတွေ သေကြေပျက်စီး၊ ဘဝတွေ အနာဂတ်မရှိ၊ သယံဇာတွေ ပြုန်းတီးမှုတွေကို ရပ်တန့်က ရပ်ဖို့ပါ။ 

ဒုတိယ အကြောင်းအရာကြီး ကတော့ လက်နက်ကိုင် တော်လှန်ရေးလည်း မလုပ်၊ ဘာအကြမ်းဖက်မှုမှလည်း မလုပ်၊ ဘာနိုင်ငံရေး ပြစ်မှုမှလည်း မကျူးလွန်ခဲ့တဲ့ ဘင်္ဂလားဒေ့ရ်ှနဲ့ ဗမာပြည် (ရခိုင်ပြည်) နယ်စပ်နေ ရိုဟင်ဂျာ မွတ်စလင် ဘာသာဝင် သန်းကျော်ကို အမြုံလိုက် ဘ၀ပျက်အောင်လုပ် ကာယဒုက္ခ၊ စိတ္တဒုက္ခ အမျိုးမျိုး္ခပေးနေ၊ ပါလီမန်ခေတ်၊ အိမ်စောင့်အစိုးရခေတ်နဲ့ တော်လှန်ရေးကောင်စီ ခေတ်ဦးပိုင်းက အသိအမှတ်ပြုထားခဲ့တဲ့ နိုင်ငံသား အခွင့်အရေး သာမက မြန်မာ ပြည်ထောင်စုသား (တစ်နည်း - တိုင်းရင်းသား) အဆင့်အတန်း၊ အသိအမှတ်ပြုမှုကိုပါ တရားဝင် ရုပ်သိမ်းပြီး နည်းမျိုးစုံနဲ့ ဒုက္ခပေးနေမှုကို ရပ်တန့်ဖို့ ဖြစ်ပါတယ်။ 

တကယ်တော့ မြန်မာနိုင်ငံ လွတ်လပ်ရေး ရပြီး တနှစ်အတွင်း ၁၉၄၈ ခုနှစ် ဒီဇင်ဘာလ (၉) ရက်နေ့ နေ့စွဲပါ စာနဲ့ ရိုဟင်ဂျာ ခေါင်းဆောင် အဖွဲ့အစည်းများက ၀န်ကြီးချုပ် ဦးနုဆီ စာတတန် ပေတတန်နဲ့ တရားဝင် - ၎င်းတို့သည် မြန်မာနိုင်ငံသားများ ဖြစ်ကြောင်း၊ အိမ်နီးချင်း ပါကစ္စတန်နိုင်ငံက မွတ်စလင် အများစု ဖြစ်ပေမယ့် မြန်မာပြည်သစ်ကိုပဲ သစ္စာရှိစွာ၊ ပြည်ချစ်စိတ်ရှိစွာနဲ့ နေဖို့ သန္နိဋ္ဌာန်ချထားကြောင်း၊ ရခိုင် ဗုဒ္ဓဘာသာ ညီအစ်ကို မောင်နှမများနဲ့လည်း ချစ်ချစ်ခင်ခင် အတူတကွ နေနိုင်ကြောင်းနဲ့ ရခိုင်မြောက်ပိုင်းစွန် ဒေသဖြစ်တဲ့ ဘူးသီးတောင်၊ မောင်တော၊ ရသေ့တောင် ဒေသကို အများစုက ရိုဟင်ဂျာလူမျိုးများ ဖြစ်တာမို့ မေယုခရိုင်ဆိုပြီး ရန်ကုန်အခြေစိုက် မြန်မာပြည် ဗဟိုအစိုးရက တိုက်ရိုက် အုပ်ချုပ်ပေးဖို့ မေတ္တာရပ်ခံခဲ့တာ သမိုင်း အထောက်အထား အခိုင်အလုံ ရှိပါတယ်။ နောက် တပ်မတော် စိတ်ဓာတ်စစ်ဆင်ရေး ဌာနက ဦးစောဦးနဲ့ ဗနသ ဦးချစ်လှိုင် ခေါ် စာရေးဆရာ ကိုကိုမောင်ကြီး တို့ ဦးစီးထုတ်ဝေတဲ့ ခေတ်ရေး စာစောင် (ဇူလိုင် ၁၉၆၁) မှာလည်း ရိုဟင်ဂျာများ မြန်မာ ပြည်ထောင်စုသားများ အနေနဲ့ သစ္စာဆိုကြ၊ ပြည်ချစ်စိတ်ပြကြတာ မှတ်တမ်းတင်ထားခဲ့ပါတယ်။ 

ဒီအမျိုးသား အကြောင်းကိစ္စကြီး (၂) ခုဟာ မြန်မာ နိုင်ငံရေး သမိုင်း အထောက်အထား အရရော၊ လွတ်လပ်ရေး ရပြီး နောက်ပိုင်းတက်ခဲ့တဲ့ အစိုးရတွေရဲ့ (ဗိုလ်ချုပ်ကြီးနေဝင်းရဲ့ တော်လှန်ရေး ကောင်စီ အပါအဝင်) တရားဝင် မှတ်တမ်းမှတ်ရာတွေ အရရော၊ ဗုဒ္ဓတရားတော် အရရော ပြောရမယ်ဆိုရင် မြန်မာနိုင်ငံရှိ စစ်ခေါင်းဆောင်များ၊ နိုင်ငံရေး ခေါင်းဆောင်များဟာ အမျိုးသားရေး ဒုစရိုက်တွေ အဓမ္မတွေ ကျူးလွန်နေတယ်ဆိုတာ ကျွန်တော် ဘွင်းဘွင်းပဲ ပြောချင်ပါတယ်။ 

မြန်မာမဟုတ်တဲ့ တိုင်းရင်းသားတွေ (ရှမ်း၊ ကချင်၊ ကရင်နီနဲ့ ချင်း) များကို ဗိုလ်ချုပ် / ဦးအောင်ဆန်းက “ကချင် တကျပ်၊ ဗမာ တကျပ်၊ ရှမ်း တကျပ်” ဆိုပြီး ကတိခံ၊ မိမိဆန္ဒအရ ဗမာ / မြန်မာတွေနဲ့ ပေါင်းပြီး အင်္ဂလိပ် ကိုလိုနီခေတ်လွန် ပြည်ထောင်စုကြီး ထူထောင်ဖို့ အောင်မြင်စွာ စည်းလုံးနိုင်ခဲ့လို့ ပြည်ထောင်စု မြန်မာနိုင်ငံတော်ကြီး ဆိုတာ ပေါ်ပေါက်ခဲ့တာ ဖြစ်ပါတယ်။ (၁ဝ) နှစ်ပေါင်းလုပ်၊ ပေါင်းနေပြီးလို့ ဗမာတွေ အနိုင်ကျင့်၊ နှိပ်စက်၊ ကတိဖျက်တယ် ဆိုရင် ပြည်ထောင်စုထဲက ခွဲထွက်နိုင်ခွင့်ဆိုတာကို ဗိုလ်ချုပ်အောင်ဆန်း ကိုယ်တိုင်ကတိပေးပြီး စာနဲ့ပေနဲ့ စာချုပ်ထဲမှာ ထည့်ခဲ့တာ ဖြစ်ပါတယ်။ 

သမ္မတ ဦးသိန်းစိန်နဲ့ အပစ်အခတ်ရပ်စဲရေး အကြံပေးလုပ်နေတဲ့ ဦးဟန်ညောင်ရွှေရဲ့ သွားလေသူ မိခင်ကြီး မဟာဒေဝီစဝ်ဟိန်ခမ်းရဲ့ ကိုယ်တိုင်ရေး လက်ရေးစာထဲမှာ (၁ဝ) နှစ်ကြာလို့ အဆင်မပြေရင် တိုင်းရင်းသားများ ခွဲထွက်ခွင့် ရှိရေးကို ဗိုလ်ချုပ်အောင်ဆန်း ကိုယ်တိုင် ယုံကြည်မှု တည်ဆောက်တဲ့ လုပ်ရပ်အနေနဲ့ ထည့်ပေးခဲ့တယ်လို့ ဆိုပါတယ်။ 

ဗိုလ်ချုပ်နဲ့ မွတ်စလင် ခေါင်းဆောင် ဆရာကြီး ဦးရာဇတ်အပါအဝင် တခြား အာဇာနည် ခေါင်းဆောင်ကြီးများ ကျဆုံးပြီးတာနဲ့ ဗိုလ်ချုပ်ရဲ့ ကတိစကားတွေကို သူ့အရိုက်အရာခံ ဗမာနိုင်ငံရေး၊ စစ်ရေး ခေါင်းဆောင်တွေက သဲထဲ ရေသွန်သလိုလုပ်၊ ကျွန်တော်တို့ ဗမာတွေက ကတိမတည်၊ မရိုးသားခဲ့လို့ တိုင်းရင်းသား အားလုံး လက်နက်ကိုင် တော်လှန်ရေးတွေ မှိုလို ပေါက်ခဲ့ရခြင်း၊ ပြည်တွင်း စစ်မီး တောက်လောင်ခဲ့ရ၊ တောက်လောင်နေဆဲ ဖြစ်ပါတယ်။ 

အလားတူစွာပဲ ရိုဟင်ဂျာလူမျိုး၊ လူ့အဖွဲ့အစည်း တပြုံလုံးကို လူမျိုး အမည်နာမက အစ စားဝတ်နေရေး၊ ပညာရေး၊ ကျန်းမာရေး၊ နိုင်ငံသား အရေးကို မူဝါဒချ၊ ဗျူဟာမျိုးစုံ၊ ဥာဏ်နီ ဥာဏ်နက်မျိုးစုံနဲ့ အစိုးရ စစ်တပ် ခေါင်းဆောင်များ၊ ရခိုင် အမျိုးသား အစွန်းရောက် ဝါဒီများ ပူးပေါင်းပြီး လုပ်နေတာ ဆယ်စုနှစ် (၄) ခုထဲကို ရောက်လာပါပြီ။ 

ဖယ်ဒရယ်မူနဲ့ အနှစ်သာရကို ဗိုလ်ချုပ်အောင်ဆန်း ကျဆုံးပြီးမှ သူ့အရိုက်အရာခံ ခေါင်းဆောင်တွေက ဖျက်ဆီးခဲ့ပေမယ့် ရိုဟင်ဂျာလို တမြုံလုံး ဘဝပျက်၊ နာမဖျက် လုပ်ငန်းတွေကိုတော့ တချိန်က တပ်မတော်ရဲ့ မွေးစားဖခင်ကြီး ဗိုလ်ချုပ်ကြီးနေဝင်း ကိုယ်တိုင် လုပ်သွားတာပါ။ သူ့လက်နဲ့ ရေးခဲ့တာကို သူ့ခြေနဲ့ ဖျက်ခဲ့တာပါ။ အိမ်စောင့်အစိုးရ ဝန်ကြီး ချုပ်အနေနဲ့ရော ကာကွယ်ရေး ဝန်ကြီး အနေနဲ့ပါ ဗိုလ်ချုပ်ကြီးနေဝင်း မီးစိမ်းပြခဲ့လို့ တချိန်က သူ့ညာလက်ရုံးကြီးများ ဖြစ်တဲ့ ဒုဦးစီးချုပ် ဗိုလ်မှူးချုပ်အောင်ကြီး၊ ဒုဗိုလ်မှူးကြီး ကျော်စိုး၊ ရခိုင်တပ်ပေါင်းစုမှူးချုပ် ဒုဗိုလ်မှူးကြီးရဲခေါင်နဲ့ ဒုတပ်ရင်းမှူး ဗိုလ်မှူးအံ့ကြွယ် အပါအဝင် တပ်မတော်အရာရှိကြီးများ ကိုယ်တိုင် ၁၉၆၁ မှာ ရိုဟင်ဂျာ လက်နက်ကိုင်တွေ [မူဂျာဟင်ဒင်း (သို့) စစ်သူရဲကြီးများ] လက်နက်ချ၊ အလင်းဝင်ပြီး ပြည်ထောင်စု နိုင်ငံသားများ၊ သစ္စာခံများ အနေနဲ့ တင်းပြည့် ကျပ်ပြည့် တိုင်းရင်းသား နိုင်ငံသား အနေနဲ့ ရိုဟင်ဂျာလူမျိုးစု တခုလုံးကို အသိအမှတ်ပြုပေး၊ မြန်မာ့အသံမှာ မွန်၊ ရှမ်း၊ လားဟူ တိုင်းရင်းသား ဘာသာစကားတွေနဲ့ တန်းတူ၊ ရိုဟင်ဂျာဘာသာ အသံလွှင့်ခွင့်ပေး၊ မြန်မာ့စွယ်စုံကျမ်း (၁၉၆၄) မှာ တရားဝင်ပဲ မေယုခရိုင်ရဲ့ ဘူးသီးတောင်၊ မောင်တောမြို့ကြီး (၂) မြို့နဲ့ အနီး ပတ်ဝန်းကျင် ကျေးလက်ဒေသ အားလုံးဟာ သမိုင်းအကြောင်းအရာ၊ ယဉ်ကျေးမှုအရာ ရိုဟင်ဂျာ လူမျိုးများရဲ့ ဘိုးစဉ်ဘောင်ဆက် ဇာတိချက်မြှုပ် ပထဝီဝင် ဒေသကြီး ဖြစ်တယ်လို့ အသိအမှတ် ပြုပေးခဲ့ပါတယ်။ 

ကျွန်တော့် အဖိုးလေး၊ ဗိုလ်မှူးအံ့ကြွယ် (ဇေယျကျော်ထင်၊ မော်ကွန်းဝင် ပထမအဆင့်) ကိုယ်တိုင် ၁၉၆၁ မှာ မေယုခရိုင်ရဲ့ ဒုတိယ အကြီးဆုံး စစ်အုပ်ချုပ်ရေးမှူး လုပ်ခဲ့တာ ဖြစ်ပါတယ်။ ရိုဟင်ဂျာ တိုင်းရင်းသားပြုမှု၊ အမည်နာမကို လက်ခံအသိအမှတ်ပြုမှု၊ ရိုဟင်ဂျာတွေရဲ့ မူလဘူတ ချက်မြှုပ်ရာ ပထဝီဒေသ သတ်မှတ်ဖွဲ့စည်းပေးမှုတွေကို ဗိုလ်မှူးချုပ်ဟောင်း ဦးအောင်ကြီး ကိုယ်တိုင် သူသက်ရှိထင်ရှားရှိစဉ်က “ဗိုလ်မှူးချုပ်ဟောင်းအောင်ကြီး” အမည်အရင်းနဲ့ တိုင်းပြည်သိအောင် သမိုင်းလိမ်လို့မရအောင် ရေးသားဖော်ထုတ်ထားပြီး ဖြစ်ပါတယ်။ 

ကျွန်တော့် အဖိုးလေး ဗိုလ်မှူးအံ့ကြွယ် (ကွယ်လွန်) ဆိုတာ တခြားသူ မဟုတ်ပါဘူး။ ဗိုလ်ချုပ်မှူးကြီး (အငြိမ်းစား) ဦးသန်းရွှေရဲ့ အထက်အရာရှိ ဖြစ်ပြီး ဗမာ့သေနတ်ကိုင်တပ်ရင်း (၁) က ဗိုလ်မှူးချုပ်စိန်ဝင်း (ကွယ်လွန်) [တော်လှန်ရေးကောင်စီဝင် မဆလ ခေတ်ဦး ဝန်ကြီးချုပ်ရဲ့ တပည့်] ဖြစ်ပါတယ်။ ၁၉၆၁ ခုနှစ် တပ်မတော် ခေါင်းဆောင်ကြီးများ အမြော်အမြင်ကြီးစွာ၊ ရိုဟင်ဂျာသူပုန်ကိစ္စကို ဖြေရှင်းစဉ်ကာလ၊ ယခုလက်ရှိ ဦးသိန်းစိန် (DSA အပတ်စဉ် ၉) နဲ့ တပ်ချုပ်ကြီး မင်းအောင်လှိုင် (DSA အပတ်စဉ် ၁၉) ဟာ အထက်တန်းကျောင်း၊ မူလတန်းကျောင်းတွေ တက်တဲ့ အရွယ်ပဲ ရှိပါဦးမယ်။ 

ဗိုလ်မှူးချုပ်ဟောင်း ဦးအောင်ကြီး ကိုယ်တိုင်ရေး ဆောင်းပါးထဲက သက်ဆိုင်တဲ့ ကောက်နှုတ်ချက်ကို တင်ပြပါရစေ။

“စစ်ရုံးချုပ်အနေနဲ့ ယခု ယိုးဒယား နယ်စပ် ကိစ္စကို စစ်ရုံးချုပ်က အမြဲ ဂရုစိုက်သလို ဘူးသီးတောင်၊ မောင်တော ကိစ္စကို ဂရုစိုက်ခဲ့ရပါသည်။ နောက်ပိုင်းတွင် မူဂျာဟစ်များ လက်နက်ချပါသည်။ ထိုလက်နက်ချပွဲတွင် ၎င်းတို့က ထိုနယ်သားများကို ခေါ်တောဟုလည်း မခေါ်ရန်၊ ဘင်္ဂလီဟုလည်း မခေါ်ရန်၊ စစ်တကောင်းကုလားများ ဟုလည်း မခေါ်ရန်၊ ရခိုင်မွတ်စလင် ဟူသော အမည်နာမကိုလည်း မလိုချင်၊ သူတို့ကို (ရိုဟင်ဂျာ) အရှေ့သားဟု အာရဗစ် စကားနှင့် အဓိပ္ပာယ်ရှိသော နာမည်ကို ခေါ်ရန် တင်ပြကြပါတယ်။ အုပ်ချုပ်ရေးရာတွင်လည်း ၎င်းတို့က အယူဝါဒအရ ဘာသာကို အစွဲမပြုဘဲ ဒေသကို အစွဲပြုသော ၎င်းတို့နာမည်ကို ရွေးချယ်တင်ပြရာ စစ်ဖက်ရုံးချုပ်မှ လူကြီးများ ဆွေးနွေးပြီး၊ ဥပမာ - မြန်မာပြည်တွင် မှီတင်းနေထိုင်၍ ရှေးယခင် အင်္ဂလိပ်တို့ အမည်ပေး ခေါ်ဝေါ်ခဲ့သော လဝ လူမျိုးကို ဝလူမျိုးဟု ခေါ်ဘိသကဲ့သို့ ကရင်နီဟု ခေါ်တွင်သော တောင်ပေါ် ကရင်လူမျိုးစုက ကယားလူမျိုးဟု ခေါ်ခြင်း၊ ယခင်က တလိုင်းဟု ခေါ်ကြသော ဝေါဟာရကို မွန်ဟု ပြောင်းခြင်းများကဲ့သို့ သဘောထား၍ ကိုးကန့်နယ်၊ ဝနယ်၊ မြစ်ကြီးနား၊ ပူတာအို၏ မြောက်ပိုင်းနှင့် အရှေ့ပိုင်း၊ ကျိုင်းတုံ မြောက်ပိုင်း ဒေသတို့ စုပေါင်း၍ စစ်ရုံးချုပ်အောက်တွင် နယ်စပ်ဒေသ အုပ်ချုပ်ရေး တခု ဖွင့်လှစ်၍ နယ်စပ်ဖွံ့ဖြိုးမှု ကျယ်ပြန့်စွာ လုပ်ရေး အစီအစဉ်တွင် ဘူးသီးတောင်၊ မောင်တော ဒေသကို မေယုဒေသဟု သတ်မှတ်ပြီး၊ စစ်ရုံးမှ အုပ်ချုပ်ရန် တင်ပြပြီး၊ အစိုးရ ကက်ဘိနက်မှ လက်ခံသဖြင့် ဗိုလ်မှူးကြီးစောမြင့်ကို ထိုဒေသများ အုပ်ချုပ်ရေးမှူးချုပ် ခန့်အပ်ခဲ့ပါတယ်။ နာမည်ကိုလည်း ရခိုင်မွတ်စလင်အစား ရိုဟင်ဂျာသုံးခွင့်ပြုခဲ့ပါသည်။” [စာညွန်း။ ဗိုလ်မှူးချုပ်ဟောင်းအောင်ကြီး “ကျွန်တော်ဖြေရှင်းခဲ့ရသော ရိုဟင်ဂျာ ပြဿနာ” - ကျွန်တော်သိသော ဘူးသီးတောင်၊ မောင်တော။ ပြည်ထောင်စု အမျိုးသားများ ဒီမိုကရေစီပါတီ (Union Nationals Democratic Party – UNDP) သတင်းလွှာ - ဖေဖော်ဝါရီလ ၁၉၉၂ စာမျက်နှာ ၈]

DSA ပထမဦးဆုံး အပတ်စဉ်က ဗိုလ်ဖြစ်တဲ့ မောင်သောင်း၊ မောင်အောင်၊ ထွန်းကြည်၊ ဥာဏ်လင်း စတဲ့ အထင်ကရ အရာရှိကြီးများတောင် ၁၉၆၁ ခုနှစ်မှာ (၂) ဘားတင် ဗိုလ်နုနု ဘဝပဲ ရှိပါသေးတယ်။ 

တပ်မတော် တခုလုံး၊ ကာကွယ်ရေးဝန်ကြီး ဌာနတခုလုံး၊ ဒုဦးစီးချုပ် အောင်ကြီးတို့ အပါအဝင် အရာရှိကြီးများ ငြိမ်းချမ်းစွာ ရိုဟင်ဂျာခေါင်းဆောင်များနဲ့ သဘောတူညီမှု တရားဝင်ရယူခဲ့တာတွေကို ၁၉၇ဝ ပြည့်နှစ် နောက်ပိုင်းမှာ ဦးနေဝင်းကြီး ကိုယ်တိုင် တရားပျက် ကတိပျက်လို့ ယနေ့ မျက်မှောက် ကမ္ဘာမှာ မြန်မာနိုင်ငံ အစိုးရနဲ့ ရခိုင်အမျိုးသားရေးဝါဒီတွေဟာ Genocide ခေါ် လူမျိုးစု အပြုံလိုက် ချေမှုန်းရေး၊ (သတ်တယ် အကြမ်းဖက်တယ် ဆိုတာ အမျိုးတုံး ချေမှုန်းရေး စီမံကိန်းရဲ့ ၅ ပုံ ၁ ပုံ သော အစိတ်အပိုင်းတခုပဲ ဖြစ်ပါတယ်။ ဒေါ်အောင်ဆန်းစုကြည်ရဲ့ New Delhi တက္ကသိုလ်က ဆရာဟောင်း တဦးနဲ့ ကွယ်လွန်သူ ခင်ပွန်း Dr. Michael Aris ရဲ့ မိတ်ဆွေရင်း ဖြစ်တဲ့ စီးပွားရေး နိုဗယ်လ်ဆုရှင် ပါမောက္ခ Amartya Sen ကိုယ်တိုင်က ရိုဟင်ဂျာမုန်းတီးရေး စိတ်တွေ မြန်မာပြည်သူလူထုထဲ ပြန့်ပွားအောင် မြန်မာစစ်အစိုးရတွေ လုပ်ခဲ့တဲ့ သက်သေ သက္ကာယတွေရှိကြောင်း၊ လူမျိုးတခုကို အပြုံလိုက် ချေမှုန်းတယ်ဆိုတာ ဓားနဲ့ထိုး၊ သေနတ်နဲ့ ပစ်ရုံမက အစာငတ်၊ ရေငတ်၊ ဆေးဝါးဖြတ်၊ အလုပ်ဖြတ် စတဲ့ နည်းမျိုးစုံနဲ့ မျှင်းပြီး ချေမှုန်း သတ်ဖြတ်လို့ ရကြောင်း၊ မြန်မာပြည်မှာ ဒီနည်းတွေကို သုံးနေကြောင်း Nov. 2014 Harvard တက္ကသိုလ် ကွန်ဖရင့်မှာ ကမ္ဘာသိအောင် ရှင်းလင်းပြသွားပြီးသားပါ။ 

ဒေါ်အောင်ဆန်းစုကြည်ကိုလည်း Harvard တက္ကသိုလ်လာလည်စဉ်ကာလ (၂ဝ၁၃ ခုနှစ်မှာ) ညစာစားရင်း ပညာရှိနည်းနဲ့ ရိုဟင်ဂျာများ ဒုက္ခ၊ သုက္ခရောက်တာ တိုင်းပြည်ခေါင်းဆောင် တဦးအနေနဲ့ လျစ်လျူရှုမထားဖို့ ပြောခဲ့ကြောင်း ပါမောက္ခ Sen က ကျွန်တော့်ကို ကိုယ်တိုင် ပြောခဲ့ဖူးပါတယ်။ 

ဇွန် ၁၂ ရခိုင်ပြည် အကြမ်းဖက်မှုစပြီး ဥရောပ ပထမ ခရီးစဉ်မှာ ဒေါ်အောင်ဆန်းစုကြည် ILO (ကမ္ဘာ့ အလုပ်သမား အဖွဲ့ချုပ်) - သတင်းစာ ရှင်းလင်းပွဲမှာ ရိုဟင်ဂျာ နှိပ်ကွပ်မှုနဲ့ ပတ်သက်တဲ့ မေးခွန်းတွေ အမေးခံခဲ့ရတာလည်း မှတ်မိမှာပါ။ ဂျနီဗာမှာ သတင်းစာဆရာများက “ရိုဟင်ဂျာလူမျိုးတွေက ခင်ဗျားတို့ မြန်မာပြည်သားတွေ ဆိုတာ ဟုတ်ပါသလား ကစပြီး အဖြေရကျပ်တဲ့ မေးခွန်းတွေ မေးတဲ့နောက် ရခိုင်အမျိုးသားပါတီက တိမွေးကု ဆရာဝန် ဒေါက်တာအေးမောင် တို့ကလည်း ရိုဟင်ဂျာဆိုတဲ့ စကား ဒေါ်အောင်ဆန်းစုကြည် ပါးစပ်က ထွက်ရင် ရခိုင်တွေ NLD ကို လုံးဝ မထောက်ခံဘူးလို့ အကျပ်ကိုင်တာတွေ လုပ်လာတာကို ရသေ့တောင် ရခိုင်ကွန်ဖရင့်မှာ ဒေါက်တာအေးမောင် ကိုယ်တိုင် ရခိုင်ပြည်သူတွေကို ဗြောင်ဖွင့်ချ ပြီးသားပါ။ ဒီလို အခြေအနေတွေထဲမှာ အပြည်ပြည်ဆိုင်ရာ သတင်း၊ ဂျာနယ်လစ်တွေ မေးတဲ့ ရိုဟင်ဂျာနဲ့ ဆိုင်တဲ့ မေးခွန်းမှန်သမျှ ဒေါ်အောင်ဆန်းစုကြည် မသိဘူး ဘူးခံ၊ ဒါမှမဟုတ် ဝေ့လည်ကြောင်ပတ် လုပ်ခဲ့တာ မှတ်တမ်းတင် ကမ္ဘာသိပါ။ 

ဒေါ်အောင်ဆန်းစုကြည်က LSE ခေါ် လန်ဒန်တက္ကသိုလ် စီးပွားရေးနဲ့ နိုင်ငံရေးသိပ္ပံကျောင်းမှာ ဇွန်လ (၁၈)၊ ၂ဝ၁၂ တုန်းက Rule of Law ဟောပြော ဆွေးနွေးပွဲ ပါဝင်ခဲ့တာကိုလည်း မှတ်မိမယ်လို့ ယုံကြည်ပါတယ်။ ဗြိတိသျှအစိုးရ နိုင်ငံခြားရေး ၀န်ကြီးဌာနက ဒေါ်အောင်ဆန်းစုကြည် “Listening mode” (သို့) နားပဲထောင်ချင်တဲ့ အာသီသ ပြင်းပြပြီး သိပ်မပြောချင်ဘူးလို့ ဆွေးနွေးပွဲ ဥက္ကဋ္ဌ ကျွန်တော့်မိတ်ဆွေ ပါမောက္ခ Mary Kaldor ကိုကြိုတင်အကြောင်းကြားလို့ ရိုဟင်ဂျာနဲ့ ပတ်သက်တဲ့ မေးခွန်းကို မင်းပဲဖြေပါလို့ ပရော်ဖက်ဆာ Kaldor က ကျွန်တော့်ကို ကြိုတင်တာဝန်ပေးထားခဲ့ပါတယ်။ နိုင်ငံရေး ခေါင်းဆောင်လည်း မဟုတ်၊ အစိုးရ တာဝန်ရှိသူတဦးလည်း မဟုတ်ပေမယ့် အပြည်ပြည်ဆိုင်ရာက စိုးရိမ်တကြီး စောင့်ကြည့်ပြီး ကျွန်တော်တို့ တတိုင်းပြည်လုံး တမျိုးသားလုံး အသရေပျက်စေပြီး ရိုဟင်ဂျာလူမျိုးစု တစုလုံး လူလုံးမလှ ဒုက္ခ သောင်းခြောက်ထောင် ရောက်ရတဲ့ ကိစ္စကို ကျွန်တော်ကိုယ်တိုင် ဥပဒေကြောင်းအရရော ဗုဒ္ဓဘာသာ အမြင် ရှုထောင့်ကပါ ပြောခဲ့တာ ဒေါ်အောင်ဆန်းစုကြည် ကိုယ်တွေ့မျက်မြင်ပါပဲ။ 

ယနေ့ မြန်မာပြည်သူတွေထဲမှာ အမှန်တရားဆိုပြီး လက်ခံ ယုံကြည်နေကြတာက “ရိုဟင်ဂျာဆိုတာ လံကြုတ်ခိုးဝင် ဘင်္ဂါလီတွေ” တကယ့် သမိုင်းအမှန် အဖြစ်အပျက်အမှန်က ရှေးပဝေသဏီကတည်းက ကျွန်တော်တို့နိုင်ငံရဲ့ နယ်ခြားဒေသတိုင်းမှာ နေတဲ့ တိုင်းရင်းသားအားလုံးဟာ ကိုလိုနီခေတ်လွန်ကာလမှာမှ ပေါ်ပေါက်လာတဲ့ နိုင်ငံသစ်များထဲမှာ ဟိုဘက်ရော ဒီဘက်ရော တွေ့ရတဲ့၊ နေထိုင်တဲ့ လူမျိုးစုတွေ ဖြစ်ပါတယ်။ ဒါကို နယ်ခြားဒေသတွေမှာ ကိုယ်တွေ့ သွားရောက်နေထိုင် တာဝန်ထမ်းဆောင်ခဲ့တဲ့ တပ်မတော် အရာရှိကြီးတွေ [ဥပမာ ဗိုလ်မှူးချုပ်ဟောင်း ဦးအောင်ကြီး (ကွယ်လွန်)] က ၁၉၅ဝ - ၁၉၆ဝ ခုနှစ်ကတည်းက သဘောပေါက် နားလည်ခဲ့သလို မနုဿဗေဒ ပညာရှင်တွေ အားလုံးကလည်း ပညာရှင် သုတေသီများ အနေနဲ့ သုတေသန ကွင်းဆင်းလေ့လာမှု အပေါ် အခြေခံပြီး “နယ်နိမိတ် လူမျိုးစုများ” (Borderland Peoples) ကို လက်ခံ အသိအမှတ် ပြုထားပြီး ဖြစ်ပါတယ်။ 

ဒီခိုးဝင်ဘဂါင်္လီများ ဆိုတဲ့ ပြည်သူ့အမြင် ဖန်တီးတာက တပ်မတော် ထောက်လှမ်းရေးနဲ့ နိုင်ငံတော် စစ်ခေါင်းဆောင်ကြီးတွေ ဖြစ်ပါတယ်။ 

၁၉၉၂ မှာ ထောင်ပြီး ၂၀၁၃ မှာမှ ပြန်လည်ဖွဲ့စည်းခဲ့တဲ့ “နစက” အဖွဲ့ရဲ့ တည်ထောင်သူလည်းဖြစ်၊ အကြီးအကဲလည်း ဖြစ်တဲ့ ဗိုလ်ချုပ်ကြီးဟောင်းခင်ညွန့် ကိုယ်တိုင်က မြန်မာနိုင်ငံ ကာကွယ်ရေး တက္ကသိုလ် (အဲဒီတုန်းကတော့ နိုင်ငံတော် ကာကွယ်ရေး ကောလိပ်ပေါ့) မှာ ၁၉၉ဝ အစောပိုင်းလောက်က ထိပ်တန်းလျှို့ဝှက် သတ်မှတ်တဲ့ ဟောပြောမှုမှာ “မြန်မာနိုင်ငံဘက်မှာ မွတ်စလင်ဘာသာဝင်များ” အိမ်နီးချင်း ဘင်္ဂလားဒေ့ရ်ှကို ထွက်ပြေးတာပဲ ရှိတယ်။ ဒါနဲ့ ပတ်သက်လို့ နှစ်နိုင်ငံ ဆက်ဆံရေး ခိုးလိုးခုလု ဖြစ်တယ်ဆိုတဲ့ အကြောင်း မျိုးဆက်သစ် စစ်ခေါင်းဆောင်တွေကို ရှင်းပြသွားခဲ့ပါတယ်။ [အညွန်း - (ဦးခင်ညွန့်နှင့် အင်တာဗျူး မြတ်ခိုင်) ဒုတိယအကြိမ် ဇန်န၀ါရီလ ၁၇၊ ၂ဝ၁၄၊ စာမျက်နှာ ၁၃၆]

ဗိုလ်ချုပ်ကြီးခင်ညွန့် ကိုယ်တိုင် ဗိုလ်မှူးချုပ်အဆင့် တက်မယ့် စစ်ဗိုလ်တွေကို ပေးတဲ့ ထိပ်တန်းလျှို့ဝှက် လက်ခြာ (Lecture) ထဲမှာ ရခိုင်ဘက်က မွတ်စလင်ကုလားတွေ ဘင်္ဂလားပြည်ကို ထွက်ပြေးနေတယ်လို့ တိုးတိုးတိတ်တိတ်ပြော - ပြည်သူလူထုကြားထဲမှာတော့ ဘင်္ဂါလီတွေ အနောက်တံခါးကြီး ပေါက်လို့ အစုလိုက် အပြုံလိုက် ခိုးဝင်နေကြတယ် ဆိုပြီး သတင်းမမှန်လွှင့်၊ ဖောင်ကြီး ၀န်ထမ်း တက္ကသိုလ်မှာ ဗိုလ်ချုပ်ကြီးခင်ညွန့်ရဲ့ တပည့်များဖြစ်တဲ့ - ခုထိထောင်ကျနေဆဲ - တန်ပြန်ထောက်လှမ်းရေးမှူးချုပ် ဗိုလ်မှူးချုပ်သန်းထွန်း (ဒေါ်စုရဲ့ contact ဟောင်း) နဲ့ ဝိုင်းတော်သားတွေက ဆရာ၊ ဆရာမများ၊ တခြား ဝန်ထမ်းများကို ဘင်္ဂါလီတွေ ဘယ်လိုခိုးဝင်နေကြောင်း မဟုတ်မမှန်သတင်းတွေ ရိုက်ထည့်ဆိုတော့ နှစ်ပေါင်းဆယ်စုနှစ် ကြာလာတဲ့ အခါမှာတော့ ရိုဟင်ဂျာအသံကြားရင် ခိုးဝင်ဘင်္ဂါလီလို့ လွယ်လွယ်ကူကူ လက်ခံကြတာပေါ့။ စစ်ခေါင်းဆောင်ကြီးတွေ ကိုယ်တိုင်က ရိုဟင်ဂျာမုန်းတီးရေး၊ ဆန့်ကျင်ရေးတွေကို စီမံကိန်းချပြီး လုပ်ခဲ့တာတွေ သက်သေ မှတ်တမ်းမှတ်တွေ တောင်လို ပုံလို့။

ဦးနေဝင်းကြီး စစ်အာဏာရှင် အနေနဲ့ တိုင်းပြည်အုပ်ချုပ်ခဲ့တဲ့ (၂၆) နှစ် ကာလအတွင်းမှာ တပ်မတော်ဖခင်ကြီး ဗိုလ်ချုပ်အောင်ဆန်းရဲ့ ကတိကဝတ် ပြုခဲ့တာတွေ၊ ပိုဆိုးတာက သူကိုယ်တိုင် ပါလီမန် ဒီမိုကရေစီ စနစ်နဲ့ နိုင်ငံတော်ရဲ့ မူလ ဖွဲ့စည်းပုံ အခြေခံ ဥပဒေကို စစ်သားတဦး အနေနဲ့ ဘယ်လို ဦးထိပ်ထားပြီး ကာကွယ်မယ် ပြောခဲ့တာ၊ ဥပဒေနဲ့မူကို လက်ဖမိုးလို့ မှောက်ချီလှန်ချီ လုပ်ခဲ့တာ တတိုင်းပြည်လုံး သိပါတယ်။

ဦးနေဝင်းကြီး အရိုက်အရာခံခဲ့တဲ့ ဦးသန်းရွှေ၊ ဦးမောင်အေး၊ ဦးခင်ညွန့်နဲ့ လက်ရှိ ဦးသိန်းစိန်၊ တပ်ချုပ်မှူးကြီး မင်းအောင်လှိုင်တို့လည်း မှောက်ချီလှန်ချီ သစ္စာမတည်ဆိုတဲ့ အစဉ်အလာဆိုးကြီးနဲ့ ဆက်လက် ချီတက်နေကြလို့ ကျွန်တော်တို့ အမိမြန်မာပြည်ကြီးလည်း ကမောက်ကမတွေဖြစ်၊ တိုင်းရင်းသား ပြည်သူတွေကလည်း ဘဝတွေ ကစဉ့်ကလျား၊ ရိုဟင်ဂျာတွေလည်း လူမျိုးတမြုံတသိုက်ကြီး ဒုက္ခပင်လယ်ဝေ၊ လယ်သမား၊ အလုပ်သမား၊ ကျောင်းသားတွေလည်း လယ်ပျက် ယာပျက် အလုပ်ပျက်၊ ဘဝပျက်။ 

အဓိကကတော့ စစ်ရေး၊ နိုင်ငံရေး ခေါင်းဆောင်ကြီးများ အတ္တစိတ်တွေ၊ မောဟစိတ်တွေ ရှေ့ထား အမှန်တရားကို အမှားတရားလုပ် အမှားတရားကို အမှန်လို ရေငုံနှုတ်ပိတ် နေခဲ့ကြလို့ ကျွန်တော်တို့ တိုင်းပြည်ကြီး ဝေသာလီ ပြည်ပျက်ကြီးလို စစ်မီး၊ လူမျိုးမီး၊ ဘာသာမီးတွေနဲ့ လွတ်လပ်ရေး ရကတည်းက ဒုက္ခပေါင်းစုံ ပြဿနာပေါင်း သောင်းခြောက်ထောင် ကြုံခဲ့ ကြုံရဆဲ ဖြစ်နေတာပါ။ 

ငြိမ်းချမ်းစွာ လုပ်ပိုင်ခွင့်၊ တာဝန်လွှဲပေးတာ တခုတည်းနဲ့ အမျိုးသားရေး ပြဿနာကြီး နှစ်ရပ် (၁) ပြည်တွင်း ကိုလိုနီစစ်နဲ့ (၂) ရိုဟင်ဂျာလူမျိုးတမြုံလုံး ချေမှုန်းမှု စီမံကိန်းကြီး ရပ်သွားဖို့ အလားအလာ မမြင်ပါ။ 

နောက်ဆုံး အနေနဲ့ ပြောချင်တာကတော့ မြန်မာတွေရဲ့ အမျိုးသားခေါင်းဆောင်ကြီး ဗိုလ်ချုပ်အောင်ဆန်းဟာ love of truth (အမှန်တရားကို ချစ်မြတ်နိုးခြင်း) ဆိုတဲ့ လူသား တန်ဖိုး စံနမူနာတခုလို သူ့သားသမီး သုံးယောက်လုံးကိုပါ အလွန်လိုက်နာ ကျင့်သုံးစေချင်ကြောင်း ရေးခဲ့ပြောခဲ့သလို လက်ရှိ စစ်ခေါင်းဆောင်များ ဗိုလ်လောင်းဘဝမှာ ဖတ်ခဲ့ရမယ့် စစ်တက္ကသိုလ်မှာ ပြဋ္ဌာန်းခဲ့တဲ့ “ဗိုလ်ချုပ်အောင်ဆန်း၏ အပြုအမူ၊ အကျင့်အကြံနှင့် အတွေးအခေါ်များ” ဆိုတဲ့ စာအုပ်အရဆိုရင်လည်း နောင်တခေတ်၏ အောင်စစ်သည်များဟာ အမှန်တရားကို ချစ်မြတ်နိုး၊ အမှန်တရားကို အခြေခံထားကျင့်တဲ့ လူကောင်းများ၊ နိုင်ငံခေါင်းဆောင်ကောင်းများ စစ်ရေးခေါင်းဆောင်ကောင်း များသာ ဖြစ်သင့်ပါတယ်။ 

“ရိုဟင်ဂျာဆိုတာ မြန်မာပြည်မှာ မရှိ” ဆိုပြီး အမှန်တရားကို ပဲကြီးလှော်လောက်တောင် တန်ဖိုးမထားတဲ့ ခေါင်းဆောင်တွေ၊ ဗိုလ်ချုပ် ကတိက၀တ်ပေးခဲ့တဲ့ “ဗမာ တကျပ်၊ ရှမ်း တကျပ်” ဆိုတဲ့ တိုင်းရင်းသား အားလုံး သာတူညီမျှရေး မူဝါဒကို နှစ်နှစ်ကာကာ အယုံအကြည် မထားတာ၊ ဟန်ဆောင် ဖယ်ဒရယ်မူ အော်ကြတာမျိုးတွေဟာ သွားလေသူ ဗိုလ်ချုပ်ကို နေ့စဉ် တံတွေးနဲ့ထွေး၊ မျက်နှာအိုးမဲ သုတ်တာနဲ့ အတူတူပါပဲ။ 

ဒီမိုကရစီ စနစ်၊ ဒီမိုကရေစီ နိုင်ငံတော်နဲ့ ဒီမိုကရေစီ လူ့ဘောင်သစ်ကို ကြွေးကြော်ပြီး ထူထောင်နေတဲ့ ကာလသစ်ကြီးမှာ နှစ်ပေါင်း ဆယ်စုနှစ်များစွာက အဘ-အဘများ အစဉ်ဆက်က ကျူးလွန်ခဲ့တဲ့ အမှားတရားများ၊ အမျိုးသား ဒုစရိုက်လုပ်ငန်းကြီးများ ဖြစ်တဲ့ ပြည်တွင်း ကိုလိုနီစနစ်နဲ့ စစ်ကိုသော်လည်းကောင်း၊ ရိုဟင်ဂျာ လူမျိုးစု အပြုံလိုက် ချေမှုန်းရေးကိုသော်လည်းကောင်း၊ ရပ်တန့်က ရပ်ကြဖို့၊ မြန်မာတဦး၊ ဗုဒ္ဓဘာသာဝင် တဦး တချိန်က တပ်မတော်ကို အလွန်လေးစား တပ်မတော် ခေါင်းဆောင်များကို အလွန်တန်ဖိုး ထားခဲ့ဖူးသူ တဦးအနေနဲ့ လူသိရှင်ကြား မေတ္တာရပ်ခံအပ်ပါတယ်။ 

နောက်ဆုံးအနေနဲ ပြောရရင်တော့ ကျွန်တော်တို့ ဆွေမျိုးသားချင်း အားလုံးက အမိမြန်မာပြည်ရဲ့ နိုင်ငံရေး၊ စစ်ရေးကို ကုန်းဘောင်ခေတ်၊ ပဒေသရာဇ် စနစ် လက်ထက်ကတည်းက ပါဝင်ပတ်သက်ခဲ့ကြတာပါ။ 

အဖိုးလေး တယောက်ဖြစ်တဲ့ ဦးအံ့ကြွယ် (ကွယ်လွန်) က ဗိုလ်ချုပ်မှူးကြီး (အငြိမ်းစား) ဦးသန်းရွှေနဲ့ ဇနီး ဒေါ်ကြိုင်ကြိုင်ကို သူကိုယ်တိုင် တပ်ရင်းမှူး ဘ၀က ကမကထလုပ်ပြီး လက်ထပ်ပေးခဲ့သူ ဖြစ်သလို နောက် အဖိုးလေး တဦးဖြစ်တဲ့ ကွယ်လွန်သူ ဦးဇန်ရင် (ဝဏ္ဏကျော်ထင်) က ဒေါ်စု ဖခင်ကြီး ဗိုလ်ချုပ်ကို ကျောင်းသား ကိုအောင်ဆန်း ဘ၀ကတည်းက ရန်ကုန်တက္ကသိုလ် ပဲခူးဆောင်မှာ အခန်းချင်းကပ်၊ အတူနေသူ သူငယ်ချင်းဖြစ်ပြီး ကိုအောင်ဆန်း အိပ်ရာထ နောက်ကျတိုင်း အဆောင်မှာ မျက်နှာသစ်စရာ ရေမရှိတဲ့ နေ့တွေမှာ သူခင်တဲ့ လေးစားတဲ့ ကိုအောင်ဆန်းကို သူ့သောက်ရေအတွက် သိမ်းထားတဲ့ ရေတကောင်းထဲက ရေနဲ့ နေ့စဉ်လိုလို မျက်နှာသစ်၊ သန့်ရှင်းစေခဲ့တဲ့ သူငယ်ချင်းမျိုး ဖြစ်ပါတယ်။ မဆလခေတ် ကျောင်းသား၊ ကျောင်းသူတိုင်း နှုတ်တိုက်ကျက် ရွတ်ဆိုခဲ့တဲ့ “မောင်တို့ကြားကုန်လော့ …” နဲ့ စချီတဲ့ “ရှေးခေတ် ပုဂံပြည်” ဆိုတဲ့ ကဗျာကြီးကို နေသူရိန် ညီလာခံကြီး မှာ သံချိုအနေနဲ့ ဆိုရင်း မျိုးချစ်စိတ်၊ တော်လှန်ရေးစိတ် ပြန့်ပွားအောင် တတပ်တအား ပါဝင်လှုပ်ရှားခဲ့ဖူးသူ ဖြစ်ပါတယ်။ 

၁၉၈၈ ရှစ်လေးလုံး အရေးအခင်း မဖြစ်ခင် ကျွန်တော် အမေရိကန်ကို ပုဂ္ဂလိက ပညာတော်သင်ဆုနဲ့ ကျောင်းသွားတက်ဖို့ ထွက်သွားရင်းက ကိုယ့်တိုင်းပြည်ကြီး ဘယ်လောက် ချွတ်ခြုံကျပြီး ပြာပုံတိုးနေတာ မနေနိုင်လို့ နိုင်ငံရေးနဲ့ဝင်ပြီး ပတ်သက်နေတာပါ။ တပ်ချုပ်ကြီး မင်းအောင်လှိုင်နဲ့ သမ္မတ ဦးသိန်းစိန်လည်း - စရဖချုပ် ကိုမြထွန်းဦးတို့၊ သူ့ဆရာ ယခင် စရဖချုပ် ဒုဗိုလ်ချုပ်ကြီးမြင့်ဆွေ (ရန်ကုန်တိုင်း ၀န်ကြီးချုပ်) တို့ကိုမေးပြီး ဒီဇာနည်ဆိုတာ ဘယ်လိုလူစားမျိုးလဲ ဆိုတာ မေးကြည့်ပါ။ 

အမတ်ကြီး ဦးပေါ်ဦး သာဓက ပေးခဲ့သလို ခေါင်းဆောင်ကြီးများ အားလုံးဟာလည်း အနိစ္စ သဘောနဲ့ တနေ့မှာ လက်ချည်းဗလာ သွားကြမယ့်သူတွေပဲ ဖြစ်ပါတယ်။ လူ့ဘဝ ရတောင့်ရခဲ တိုတိုလေး အချိန်လေးမှာ အမှန်တရားကို အခြေခံတဲ့ ဒီမိုကရေစီစနစ်၊ နိုင်ငံတော်နဲ့ လူ့ဘောင်သစ်ကြီးကို တည်ဆောက်ကြဖို့ အနူးအညွတ် တိုက်တွန်းအပ်ပါတယ်။ 

ခေါင်းဆောင်ကြီး (၄) ဦးလုံး ကာယသုခ၊ စိတ္တသုခနဲ့ ပြည့်စုံပြီး ဘေးဘယာ အပေါင်း ဝေးကြပါစေ။

စစ်ဒုက္ခခံ ကချင်၊ ရှမ်း၊ ပအိုဝ်း အပါအ၀င် တိုင်းရင်းသား အားလုံးနဲ့ ရိုဟင်ဂျာ လူမျိုးစုများလည်း နိုင်ငံတော်ရဲ့ ဒုက္ခပေးမှု၊ နှိပ်စက်မှု အဖုံဖုံမှ ကင်းဝေးကြပါစေ။

ကျွန်တော်တို့ ဗမာ့ တပ်မတော်နဲ့ ဗမာပြည်သူတွေက ပြည်ထောင်စု နိုင်ငံကြီးဆိုပြီး ထူထောင်နေတာကို တိုင်းရင်းသား လူမျိုးတွေကတော့ သူတို့ကို ဗြိတိသျှတွေ နယ်ချဲ့သိမ်းပိုက်ခဲ့သလို မျိုး ကိုလိုနီလက်သစ်လုပ်တာလို့ မြင်ပါတယ်။

ကျွန်တော်တို့ ဗမာတွေက အမျိုးသားနေ့၊ အမျိုးသားခေါင်းဆောင်ကြီးတွေ ဆိုပြီး ကိုယ့်ဘာသာသတ်မှတ် ဂုဏ်ပြုနေကြပေမယ့် တိုင်းရင်းသားတွေမှာလည်း သူတို့ကိုယ်တိုင်သတ်မှတ်ထားတဲ့ အမျိုးသားနေ့ရက်တွေ၊ ခေါင်းဆောင်တွေ ရှိပါတယ်။ ဒါတွေကို ခုထိ အသိအမှတ်ပြု မခံရဘဲ ဖိနှိပ်ချုပ်ချယ်တာတွေ လုပ်နေလို့ ကျွန်တော်တို့ မြန်မာပြည် လွတ်လပ်ရေးရတာ အနှစ် ၇ဝ ရှိတော့မယ်၊ ခုထိ ပြည်ထောင်စု တဝှမ်းလုံးက တိုင်းရင်းသားတွေနဲ့ ဘာသာပေါင်းစုံ ကိုးကွယ်သူတွေ နားလည် လက်ခံနိုင်မယ့် ပြည်ထောင်စုသား အားလုံးနဲ့ ဆိုင်တဲ့ ယုံကြည်ယူဆချက်၊ မျှဝေခံယူချက် ဆိုတာတွေ မရှိဘဲ မအေးချမ်းနိုင်တာတွေ ဖြစ်နေရတာလို့ ကျွန်တော် ယုံကြည်ပါတယ်။ 

အဝေးရောက်မြန်မာပြည်သား

မောင်ဇာနည်