Beça kualórdé! (RK Poem)

____________________

Beça kualórdé!

____________________

(Murobbi) 
Kií…
Tui yó kualór beça,
Hotár matát boór icára…
Ajó…
Hodin óiyé bafí soi..

Hóñlar sákki hátot loi
Cíyoin e tíyoine rastat boi
Lenda funa duiñr ti goi
Dudór khucbó galot mazé
Ajó asé fúñi soi.

(Fuwa) 
O wá…
Hale gura, hale beça
Hone goré mazír forba
Zergua kéti fore há
Gura gura baiyinor horá
Bab maa táité biyá gorá.

(Murobbi) 
Aindar sinta bekufe nogorí
Zodi goré gor girísti
Añçur loot añçu yé no faibi
Boór háibi mug bíyáñni
Naándá beça górot guzi
Buo solai bí keén gorí.

(Fuwa) 
Hakkú…
Zobana giyói bodoli
Hoiyáñ dóre uottú urí
Biyat mazé borkot bicí
dui matáyé soilum báfi
Vukor ador beggún di
Buóré raikkúm kúcí háñcí.

(Murobbi) 
Zobana bodoli kual fáiçló
Goru besar toñcá ailó
Kuñrí kurá bagde guzori
Ratar kimot giyé áñzi
Ourór thiyáñ loi thoin mari
Buo fuwa ré gúm niyáití...

(Fuwa) 
Mas foñsilé dhulat mazé
Ek zone gorí doc zon foñse
Burá burír doc hotá
Mani loilám tuáñr hotá
Meittha gudam soun or sani
Touba touba foror hamani
Añçúr dukkór amodoni
niriccá háiyúm fúwaidda gori.

(Murobbi) 
Cabaic dilam o báina,
Holi zibon kucíc e haça
Dón commán goór cíkka
Taime hoibo biyá gorá.
Ainda tor asmanor tara
Duniyai bodole juwaingga tará.


-Kuwáiccójjá
July 26, 2027(1:16)