BURÁ BURÍ HOTÁ: Rohíngyár Fot

1. Nun sára sálon
    Arang sára mal
    Murula ola faní
    Dan sára zat
    Hóq nosinédé mia
    Fókkor bicí fara
    Nitti goré éckéra.

2. Futzii sára beri
    Cárit sára ustat
    Sáñti sára mia
    Dheil Fata sára gas
    Andha nofarede faik
    Kodor nogoré bec mancé.

3. Feith feíttha zóre 

    rasta hóraf goré,

    Fúic fuiccá hotá yé 

    mon hóraf goré,

    Báca mancé 

    dec hóraf goré.

4. Hákem sará dec,
     Acámi sára insaf
     Fondit noodé ukil
     Bail nozanéde gótok
     Kitaab nozanede fir,
     Gobá sára foótiwala
     Mouddima bekar za.

5. Baf-maa sára fuwa
    Bou sára bera
    Girós sára gulam
    Bouta sára real
    Fáida node mocúr noo.

6. Dón lailé dan goró.
    Cántí lailé ebadot goró.
    Bíyosto lailé Allah hókum mano.

7. Baicá yo ádama gorí nodiyó
    Oin oré yó baki noraikkó.
    Ádama gorí baicá dilé duk fafore,
    Biki oin rakílé baré.

8. Nodi óre noloíc,
    Fusár noloilé nohoíc
    Nodaki oré nozaic
    Galot nodi nohaíc
    No fagi té nosiríc
    Doró noilé nofiníc.

9.Mancór re zat
   Gúrare legam
   No ré fasá
   Sal oré dañcá.

10. Norom ot fáiyoñg
    Añçát gozzóñg
    Dorót luwá
    Waát zónná
    Bútat furan do
    Berát lota
    Fatolot baáñc
    Mone mone monot raic.

11. Bab-maar hotár baáror fua
      Ukil sára moddima
      Kún or baáror háñti
      Hañsa síra luñgi
      Sók no boiyé dé ara
      Legam sára gúra
     Ail sára kuñrá
     Hañsa sira lai dikká
     Betor billa.

12. Kuñir e gagguai san no áñzé
       Takká boyare tóm no lore
       Tel mazi lé murá no éle
       Bus dilé feth no bóre.

13. Háile boré feth,
      Nam fárile fúne bec,
      Tuwailé faá lot,
      Dekilé fare siní
      Noiya óile o sáf
      Tani le neale
      Zailé sine foñt.


14. Warinna dhol ot áñsúra duk
      Ducmon taile táka duk
      Gorba nici ailé gúmza duk
      Balur sorot haiñ mara duk
      Fut zii horaf sára duk
      Hala manuic háñza duk
      Hala haittiá nisá duk
      Di baáde luwa duk
      Báñga hoñot façá duk
      Nam farilé búza duk


Collected. By RohangKing