Oñl-or Nam Ókkol {The Names of Fingers in Rohingya Zuban}

Lekóyá 🔰 Kuwáiccórjjá |
🚵🚵🚵🚵🚵🚵🚵🚵🚵🚵

1. KINNA OÑL       [လက္သန္း/     Pinkie]
2. GÍNNÁ OÑL       [လက္သူႂကြယ္/Ring-Finger]
3. MAIJJÁ OÑL     [လက္ခလယ္/  Middle-Finger]
4. CÁDULLÁ OÑL  [လက္ညိွဳး/       Index-Finger]
5. BUIJJÁ OÑL      [လက္မ/         Thumb]

1. KINNA OÑL

Oñlor ókkolor mazé ebbe gura oñl wáré Kinna oñl boli hoó. ‘Kinna’ maáni gurá, komzur. ‘Kinna Oñl’ maáni ‘beggúnor túaró gura/cóñro oñl’ hoói maáni uré. 

2. GÍNNÁ OÑL

Kinna oñlor bazáiyá asédé oñl wá ré Gínná oñl boli hoó. Gínná lofzó ibá arobittú ainné dé fallua lofzó (adopted word). ‘Goni’ hodé lofzó báñggi boni accé dé bolí zanaza. ‘Goni’r maáni ‘Tuwangor’. Toilé,  ‘Gínná oñl’ maáni ‘Tuwangoijja Oñl’. 

E oñl ibáré tuwangoijjá oñl kiyollá ho boli hoilé, mancé oñl ibat mazé cúna, rufa, híra, muktá r óñçi okkól finé. Étolla ibaré tuwangoijja oñl yá Gínná oñl boli ho.

3. MAIJJÁ OÑL

Gínná oñlor bazáiyá asé dé, oñlor bútoré ebbe lamba oñl wáré Maijjá oñl boli hoó. ‘Maijjá’ lofzo ibá ‘maz/mazé’ hoóde lofzórttú boni accé. Maijjá oñl maáni oñl ókkol or ebbe mazé tákedé óñl yá Maijjáli/ Sordari goré dé oñl’ hoói uçé. Muth maáni oildé ‘Mazór Oñl’ yá ‘Soddar Oñl’.

4. CÁDULLÁ OÑL

Maijjá oñl ar Bujjá oñlor mazé asé dé oñl wáré Cádullá oñl boli hoó. ‘Cádullá’ lofzó wá Arobi báñgá fallua lofzó. “Cáhadot Allah” hodé Arobi lofzó bodoli óré Cádullá boni giyé gói boli zanoya ókkol e hoó. Maáni Allah ek oré gobá duoya.

 Allah uore imaan ainné dé mancé ‘Allah ek’ dé dehai báiccót oñl íbaré tulí dé há. Nomasót tochúd forí baiccót ó oñl íbaré tulí Allah ek de gobá dé. Fuwain óré cíkai baiccót ó oñl ibá tuli déhai. É tólla, oñl íbaré Cádullá oñl boli hoó. 

Hót: Kessú Arobi Zanoya okkól é Cáhadotór Oñl hoói soyi góri dhake. Kintu Rohingyá zubanór foth mozin Cádullá oñl sóyi boli becá bicí boic wala murobbi ókkol e ekerar goijjé, ar ek hotát asé.

5. BUJJÁ OÑL

Hátor téñgor ebbe hañsat bazáiyá doñr oñl wáré Bujjá oñl boli hoó. Bujjár maáni ‘Bocé doñr’,‘ buzát baarík oon’, ‘murobbi’. Oñl ibá hátor téñgór oñl ókkol bútoré gaá-guttara doñr dé étolla Bujjá oñl boli hoó. Maáni murobbi óñl hoi ijjotor sáñte dhake. 

Hót: [Kinna, Gínná, Maijjá, Cádullá, Bujjá]