Bainyonor Durús (ခရမ်းသီးနှပ်)
ရေးသား- ရိုဟင်လေး
အမျိုးအစား- ရိုဟင်ဂျာ ရိုးရာအစားအစာ |
Bainyonor Durús (ခရမ်းသီးနှပ်) ဟာ ရိုဟင်ဂျာ ရိုးရာအစားအစာ တစ်မျိုးဖြစ်ပါတယ်။ ဘိုက်ယောင်ဒူရုစ် လို့ အသံထွက် Bainyon က ခရမ်းသီး၊ Durus ကတော့ အလုံးလိုက်၊ အကောင်လိုက် အကြော် ဖြစ်ပါတယ်။ ဒီခရမ်းသီးနှပ်ဟာ အရသာ အလွန်ကောင်းပါတယ်။ ခရမ်းသီးကြိုက်တဲ့ လူတွေ အတွက်ဆိုရင် အကြိုက်ဆုံးပါပဲ။
ဒီခရမ်းသီးနှပ်ဟာ မြန်မာပြည်မှာ တခြားလူမျိုးတွေကလည်း သူတို့ စိတ်ကြိုက်ပြုလုပ်ကာ ထမင်းနဲ့တို့ စားကြပါတယ်။ မြန်မာအစားအစာလို့ ဆိုရင်လည် မမှားပါဘူး။ တစ်မြေနေ၊ တစ်ရေသောက် လူမျိုးတွေဖြစ်တာကြောင့် အစားအသောက်များ တူညီကြတာလည်း များပါတယ်။
ဘိုက်ယောင်ဒူရုစ် လုပ်ရတာတော့ သိပ် မခက်ပါဘူး။ လိုအပ်တဲ့ ပစ္စည်းတွေက ခရမ်းသီရယ်၊ ငရုတ်ကြိတ်ရယ်၊ အသားခြောက် ဒါမှမဟုတ် ငါးခြောက်၊ ကြက်သွန်နီ၊ ကြက်သွန်ဖြူ၊ ဆီ၊ ဆား၊ စတဲ့ဟာတွေ ဖြစ်တယ်။
အသားခြောက် (ဝါ) ငါးခြောက်မှုန့်ကို ငရုတ်ကြိတ်၊ ကြက်သွန်၊ ဆား၊ ဆီတွေနဲ့ သမပြီးတော့ ကြော်ရတယ်။ ငါးခြောက်မှုန့်နဲ့ ပုဇွန်ခြောက်တွေနဲ့ လုပ်ရင် အဲလောက်ကြော်စရာ မလိုပါဘူး။ သမလိုက်ရင် ရတယ်။ ရုတ်ပမာဏတော့ နဲနဲများရတာပေါ့။ အစပ်ကြိုက်တဲ့မိသားစုတွေဆိုရင် ငရုတ်ကောင်းပါ ထည့်တယ်။ အစာ အသင့်ဖြစ်ပြီဆိုရင် နောက်တဆင့် ပြင်ဆင်ရတယ်။
အလုံးကောင်းတဲ့ ခရမ်းသီးတွေကို ရွေးယူပြီးတော့ အပေါ်ပိုင်းချန်၍ အောက်ဘက်ကို လေးခြမ်း ခြမ်းရတယ်။ သတိထားရမှာက အပြီးမဖြတ်ရဘူး။ အစိတ်လေးကြားမှ အသားခြောက်မှုန့်နှဲ့ သပ်ထားတဲ့ အသုပ်ကြော်ကို ထည့်ပေးရတယ်။ ပြီးတော့ ရေအနည်းငယ်နဲ့ မီးသေးသေးမှာ နှပ်ရတယ်။ ခရမ်းသီးပျော့လာပြီဆိုရင် စားဖို့ အသင့်ဖြစ်သွားပြီ။
ဒါနဲ့ မိသားစုဝိုင်းမှာ မြိန်ရေရှက်ရေနဲ့ တို့စားပေါ့။ စားဖူးသူတိုင်း မေ့မှာမဟုတ်ဘူး။ တစ်ခါတည်း အသည်းစွဲသွားမှာ ဖြစ်ပါတယ်။ ရိုဟင်ဂျာအစားအစာနဲ့ ပျော်ရွှင်နိုင်ပါစေ။
ဆက်လက် အခြား အစားအစာ အကြောင်း ဖော်ပြပါမယ်။
ပုံတွေကို အင်တာနက်နေ ကူးယူထားတာဖြစ်ပါတယ်။ .......
No comments:
Post a Comment