Some Traditional Poems of Rohingya (ေက်းလက္႐ိုးရားေတး)

႐ိုဟင္ဂ်ာ ေက်းလက္႐ိုးရာေတးမ်ား စုစည္းမႈ

1. Oní Báiyór Thoóni

Oní báiyór thoóni, 

Añrgua gasór boiróni 

Are hawa aré zaa, 

Maar hawa dud bát há, 

Ooré hawá…Leikká fuissá, 

hartú asé hartú nái, 

Hoiféla hawar maa.

💢➖➖➖➖➖➖➖➖➖➖➖➖➖➖💢

2. Fainná Gula Gasót Nái

Ázara hatu bazarot zaa, 

Zuúra hatu górot zaa, 

Roóimá hátu fua dhúla zaa. 

Tollá ainnúm fainná gula. 

Fainná gula gasót nái, 

Fua dhúlai tou monot nái.

💢 ➖➖➖➖➖➖➖➖➖➖➖➖💢

3. Taa Taa 

Taa… Taa…, Taa…Taa… 

Nana ró barit záa ….  

Tor nana ye diye honla mula 

duwarot boci ha. 

Tor nanattun tiyan foica   

hodún asé saa …. 

💢➖➖➖➖➖➖➖➖➖➖➖➖➖➖💢

4. Bakkúm Bakkúm

Bakkúm bakkúm kiáñra 

Muicé báiñggé thiañra. 

Muic maittou gilám dé, 

Keça fúçi moillám dé. 

Bóuzi re bóuzi suñra duf, 

Suñrat kiállá dán, sulot dóri an. 

Sul ká hala,Nak haçi féla .

Nak ot ká lou,Borbái or bou. 

Borbái borbái gozzon tole, 

Cóñço bái cóñço bái tetói gasór tole. 

Tetói faittou gilám dé, 

Áff e sótor dóijje dé. 

Elóm fath, delóm fath, 

Haçi féla cúnar hát.

💢➖➖➖➖➖➖➖➖➖➖➖➖➖➖➖💢

 5. Tippír Tippír Ocántíye

Géca géccá dheilor uoré bouga 

Bouga kiyólla boiccé,  

Mas deki boiccé, 

Mas kiyólla bacce, 

Fanír muisale baiccé. 

Fani kiyólla muisaillé, 

Muicé derá foijjé dé, 

Muic kiyólla derát foijjé, 

Fukor hoñraniye derat foijjé. 

Fuke kiyólla hoñillode, 

Zóror zala hoiñrlo de. 

Zór kiyólla dilode, 

Buñá beñg mata ye, 

beñg kiyólla matté de, 

Aff e dori gillé de. 

Aff e kiyóllá gililó, 

Tippír tippír ocántíyé  

Gili feillé ek niyaic e.

💢➖➖➖➖➖➖➖➖➖➖➖➖💢

6. Jivá

         Sorí

         añri

         duñri

         kuri.

        Oti,

        furi,

        bati,

        burí.

💢➖➖➖➖➖➖➖➖➖➖➖➖💢

7. Saná Mamu

Saná mamu ai ai 

Dud di keñla di 

Bát ha gái.  

Añár Nunu yé 

keén háñcér 

Saa gái. 

💢➖➖➖➖➖➖➖➖➖💢

 8. Soler sakka gurgurai

Gur Gur soler lé sakkai mor foranor relgari, 

Zur zur sola ré sakka beák or age zai foóñsi, 

Búñ…Buñ… 

Foñt de, zurde de aró de rasta 

Deneré bame ré saitó aiyér fajja 

Mothór rastar hañsa hansa 

Báriyábón gañ uñtha 

Uzu sola dañri dóri 

Fur accé hañsé nóné. 

Buñ…Buñ… 

Dólabi, lalúní, aró accé gulafi, 

Goto hailla técarail dé tortú monot aséní. 

Haillar córom fírai dite, duñrai sola fur hañsaiyé. 

Buñ… buñ… 

💢➖➖➖➖➖➖➖➖➖➖➖➖💢

9. Kissá Fún

      "Ek cér Moris

      Kissá doric

      Ek cér nun

      Kissá fun

      Ek cé teel

      Kissá gel."

💢➖➖➖➖➖➖➖➖➖➖➖➖💢

 10. Kissá Misá

Kissá Misá,  

najjolor sessua, 

Bab no oité  

fuwa mussá.  

💢➖➖➖➖➖➖➖➖➖➖➖➖💢

11. Horé Du Du

Horé dudu bakká, 

Naric ór aga 

Naric haile 

Niyáic lagáa… 

💢➖➖➖➖➖➖➖➖➖➖➖➖💢

12. Ek súwari

Ek súwari, 

Fan besoni, 

Cuú gula haitúm, 

Naikur zaitúm,

        Boilfúl aintam 

        Bolor zoñk,

Allah douk, 

Ek gás ouk.  

💢➖➖➖➖➖➖➖➖➖➖➖➖💢

13. Oli

       Olire oli
       nocca fúlor holi
       kela gasót boicce bulbuli
       gumzaré fori.

💢➖➖➖➖➖➖➖➖➖➖➖➖💢

14. Egol Behol 

         Egol behol

         Toraturi

         Haitta ciñgor

         Bicthi mari

         Soun mela

         Añiththa keñla

         Beñgor andha

         Duc.

💢➖➖➖➖➖➖➖➖➖➖➖➖💢

15.

        Ekulor diya fosímor diya

        Corgúa najjol zuta diya

        Zutar uore bainnar gór

        Hoñlá fúl ór biyar gór.

💢➖➖➖➖➖➖➖➖➖➖➖➖💢

16. Cém Kalá

Eppara maiya,

Cém kalá bací

Meazub…

Hawar maa leñg théñg.

💢➖➖➖➖➖➖➖➖➖➖➖➖💢

17. Fúad Nái

Atá háilam fata háilam

Bátor fúat nái.

Foror maa ré maa matailám

Mator fúat nái.

 💢➖➖➖➖➖➖➖➖➖➖➖➖💢

18. San Uillé

" San uillé san uillé, 

doin mikká hait oiyé, 

bodda lá bou aner dé 

bicí rait óiye.  

💢➖➖➖➖➖➖➖➖➖➖➖➖💢

 19. Eid

" Ajja ruza, hailla Eid, 

Tor maa hañder fiñt fiñt"

💢➖➖➖➖➖➖➖➖➖➖➖➖💢

20. Cútki

"Moloisáb zé egana

Búk laiggedé begana

Cútki hára doona."

 💢➖➖➖➖➖➖➖➖➖➖➖➖💢

Collected by Rohangking