ခေတ်အဆက်ဆက် အဖက်ဖက်မှ ရက်စက်မှုများစွာ ခံစားနေရသော ရိုဟင်ဂျာတို့သည် မိမိတို့ လူမျိုးအကျိုး၊ တိုင်းပြည်အကျိုးကို သယ်ပိုးနေလျက်ရှိသည်။ ယခုဤ စာအုပ်သည်လည်း သာသနာ့စာပေ အခြေခံဖြစ်သော အာရဗီစာပေကို ဌာန်မှန် ကရိုဏ်းမှန် ရွတ်ဆိုနိုင်ရန် ရည်ရွယ်၍ အခြေခံသာသနာ့ မူကြိူကျောင်းများအတွက် ရေးသားထုတ်ဝေခြင်းဖြစ်သည်။ စာရေးဆရာမှာ ဂျမီယာတုလ် အီစ္စလာမီယာ မီယာဂျာန်ပူ ဘာသာရေး တက္ကသိုလ်၊ မောင်တောမြောက်ပိုင်း၊ အာရ်ကာန် မှ ကာရီ မော်လနာ နူရုလ်ဟောက် လာမ်ဘာဂုနား ဖြစ်သည်။
ဤသဒ္ဒာစာအုပ်သည် မူကြိုကျောင်းများအတွက် အလွန်အရေးပါသော စာအုပ်တစ်အုပ်ဖြစ်သည်။ ဆယ်စုနှစ် (၂) လောက်က ရေးသားထုတ်ဝေခဲ့သည်ဟု သိရသည်။ အာရ်ကာန်ပြည်၏ သာသနာ့ မူကြိုကျောင်း အားလုံးနီးပါးတွင် သင်ကြားလျက်ရှိသည်။ အာရ်ကာန်ပြည်သာမက မြန်မာနိုင်ငံ အခြားပြည်နယ်နှင့် တိုင်းဒေသကြီး အချို့၌လည်း သင်ကြားလျက်ရှိကြောင်း တွေ့ရှိရသည်။
ရိုဟင်ဂျာအမျိုးသားတို့၏ လက်ရာမွန် အမြူတေစ်ခုအဖြစ် မှတ်တမ်းတင်လိုသော ရည်ရွယ်ချက်ဖြင့် မှတ်တမ်းတင် ဖော်ပြပေးခြင်းဖြစ်သည်။
အခြားပြည်တွင်းပြည်ပ ရိုဟင်ဂျာအမျိုးသား စာရေးဆရာများနှင့် စာအုပ်များကိုလည်း ဆက်လက်တင်ပြပေးပါမည်။
NOORANI QUAIDA by Kuwaiccorjja on Scribd
No comments:
Post a Comment