Diindahání

Drop Down MenusCSS Drop Down MenuPure CSS Dropdown Menu

Wednesday, December 11, 2019

ရက္ခိုသှ်ျ (သို့) ဘီလူးကျက်စားခဲ့တဲ့ပြည်

ရက္ခိုသှ်ျ (သို့) ဘီလူးကျက်စားခဲ့တဲ့ပြည်



သမိုင်းဦးခေတ်၌ ဘီလူးဆိုသော လူရိုင်းများကို  ကမ္ဘာတစ်ဝှမ်း နေရာအများအပြားတွင် ရှိနေကြသည်ကို သမိုင်းစာအုပ်များ၌ တွေ့ရှိရသည်။

ထို့အတူ ကိုယ့်ထီးကိုယ့်နန်းနှင့် ဘုန်းမီးနေလဝင်းပြောင်ခဲ့သည့် အာရ်ကာန်ပြည်၏ သမိုင်းဦး တစ်ချိန်က ကျောက်ခေတ်လူ မျိုးဆက်ဟု ယူဆရသော လူရိုင်း ဘီလူးတစ်မျိုး ကျက်စားခဲ့သည်မှာလည်း  ထူးထူးခြားခြား မဟုတ်ပေ။

ဤအကြောင်းကို ပထမဦးဆုံး မှတ်တမ်းတင်ခဲ့သူမှာ အေဒီ (၇) ရာစု အာရပ်ကုန်သည်များ ဖြစ်ကြသည်။ အာရပ်များသည် အာရှတစ်ခွင် ကုန်သွယ်ရေးခရီးထွက်စဉ် အာရ်ကာန်ပြည်ကိုလည်း မကြာခဏ လာရောက်ကြသည်။ သူတို့ မှတ်တမ်းတင်ထားသည့် အာရ်ကာန်ပြည်အကြောင်းအရာမှ လူသားစား ဘီလူးအကြောင်းကို  (၁၆) ရာစုတွင် စာအုပ်ရေးသား ထုတ်ဝေခဲ့ပါသည်။ 

အေဒီ ၆၈၀ ခန့် ကာရ်ဘာလ္လာစစ်ပွဲကြီး (ကူဖာ)တွင် အရေးနိမ့်၍ သေနာပတိ မိုဟာမတ်ဟာနီဖ် နဲ့ ရဲမက်ဗိုလ်ပါတို့သည် အိန္ဒိယဘက်သို့ ထွက်လာခဲ့သည်။ ထို့မှတဆင့် ယနေ့ ရခိုင်ပြည်မြောက်ပိုင်း မောင်းတောမြို့အနီး အာရပ်ရှားရွာတွင် ပြောင်းရွေ့လာခဲ့သည်။ ထိုအချိန်တွင် ကာယာပူရီဆိုတဲ့ ဘီလူးဘုရင်မနှင့် နောက်လိုက် တစ်စုသည် ဒေသခံတို့ကို  လုယက်တိုက်ခိုက် ညှဉ်းပန်းကြသည်။ ထိုအကြောင်းကို မိုဟာမတ်ဟာနီဖ်က သိရှိသွားသော်အခါ ကာယာပူရီ ဘုရင်မကို တိုက်ခိုက် သိမ်းပိုက်ခဲ့သည်။  ကာယာပူရီလည်း အိစ္စလာမ်ဘာသာ လက်ခံယုံကြည်လာပြီး မိုဟာမတ်ဟာနီဖ်နှင့် ထိမ်းမြားခဲ့သည်။ ဘာသာမဲ့ လူရိုင်းမျိုးဖြစ်တဲ့ ကာယာပူရီဘုရင်မရဲ့ နောက်လိုက်နောက်ပါတွေလဲ ရှေ့ကနွာလားဖြောင့်ဖြောင့်သွား၊ နောက်နွား…သကဲ့သို့ အိစ္စလာမ်ဘာသာ အရိပ်ကို တစုတဝေးတည်း ခိုဝင်ခဲ့ကြသည်။ လူ့ယဉ်ကျေးမှုနဲ့ မိတ်ဆက်ပေးခဲ့တယ်။ ထိုစဉ် ကူဝိုက်ရှော့လို့ အမည်ပေးခံထားရသည့် ဤဒေသသည်  အေးချမ်းသွား၍ လူရိုင်းတို့လည်း တဖြည်းဖြည်း ယဉ်ကျေးလိမ္မာလာခဲ့သည်။ မိုဟာမတ်ဟာနီဖ်နဲ့ ကာယာပူရီ တို့ နတ်ရွာစံတဲ့အခါ မယုတောင်တန်းရှိ တောင်ထွတ်နှစ်ခုမှာ မြေချသင်္ဂြိုဟ်ခဲ့သည်။  မိုဟာမတ်ဟာနီဖ်နဲ့ ကာယာပူရီ တို့ကို အစွဲပြု၍ ထိုတောင်ထွတ်နှစ်ခုကို ကာယာပူရီ တောင်ထွတ် [Kayapuri Tonki] နှင့် ဟာနီဖာ့ တောင်ထွတ် [Hanifa Tonki] လို့ ခေါ်ကြပါတယ် လို့ ဖော်ပြထားပါတယ်။ 

အာရ်ကာန်ဘုရင်များနှင့် လူရိုင်းတို့ တိုက်ခိုက်ထိတွေ့မှုကို သမိုင်းစာအုပ်များတွင် တွေ့ရပါသည်။
 တစ်ချို့ပုံပြင်များတွင် `အုလ်ဒါမာနုသှ်ျ´ ဟုလည်းကောင်း၊ တစ်ချို့တွင် ရက္ခိုသှ်ျဟုလည်းကောင်း တွေ့ရပါသည်။ စိုင်းဒေါင် တောင်ပေါ် လူရိုင်းအကြောင်းကလည်း ရိုပုံပြင်များတွင် မကြာခဏ တွေ့ရပါသည်။ 

၁၈၄၇ ခုလောက်က ခရစ်ယာန် သာသနာပြုဆရာတော်ရဲ့ မှတ်တမ်းအရ ရခိုင်ဆိုသည် ရက္ခသျှ (Rakshasas) မှ `ရက္ခိုက်´ `ရက္ခိုင်´ `ရခိုင်´ အဆင့်ဆင့် ဆင်းသက်လာခဲ့သည်။ အဓိပ္ပာယ်က အသားစား လူရိုင်းဖြစ်သည်။ အသားစား လူရိုင်းမှ ဆင်းသက်လာ၍ လူမျိုးကို ရခိုင်လူမျိုး ဟု နာမည်တွင်ခြင်း ဖြစ်သည် စသည်ဖြင့် မှတ်တမ်းများကို တွေ့ရပါတယ်။ ဤကိုးကားချက်ကို ရာဇဝင်လင်္ကာ၌လည်း စပ်ဆိုဖော်ပြထားသည်။

ဤအာရ်ကာန်ဒေသသို့ ရှေးနှစ်ရာစုများစွာက ပြောင်းရွှေ့ဝင်ရောက်လာသူများ နှင့် လူရိုင်းတို့သည် အကြိမ်ကြိမ် တိုက်ခိုက်မှုများဖြစ်ခဲ့ကြောင်း ရိုရာဇဝင်နှင့် ရခိုင်ရာဇဝင်တို့မှာ တစ်ထပ်တည်း ကျနေပါသတည်း။  

  (လူထုဝဏ္ဏ- ရေးသည်။)

ကိုးကား-

၁။ Traditional Cannibalism in Southeast Asia and Beyond 
By Joachim Schliesinger
၂။ The Spread of Islam
By Abu Al Faz
၃။ ရခိုင်ရှေးဟောင်းမြို့တော်များ
ထွန်းရွှေခိုင် (စစ်တွေကောလိပ်)



No comments:

Post a Comment