Diindahání

Drop Down MenusCSS Drop Down MenuPure CSS Dropdown Menu

Thursday, March 29, 2018

အာင္ခ်ီး (Añgcí) စားၾကမယ္!

ေရးသား        🌺 ႐ိုဟင္ေလး
အမ်ဳိးအစား     🌿 Rohingya Traditional Foods |

🍍အာင္ခ်ီး (Añgcí)🍍


အမ်ဳိးသမီးေတြရဲ႕ အသည္းခိုက္ျဖစ္ အခ်ဥ္ယိုဟာ ႐ိုဟင္ဂ်ာ အစားအစာထဲ  ေနရာ တစ္စိတ္တစ္ေဒသ ပိုင္ဆိုင္ထားပါတယ္။ အခ်ဥ္ယိုကို ႐ိုဟင္ဂ်ာ စကားမွာ အံာဆာရ္ Añsar/ ေဟာေရာ္ အံာဆာရ္ Hóro Añsar လို႔ေခၚၾကတယ္။ သရက္သီး၊ ဆီးသီး၊ မန္းက်ည္းသီး စတဲ့ ရာသီေပၚ အသီးအႏွံေတြကို ပ်စ္ပ်စ္က်ဳိခ်က္ကာ ယိုသနပ္စံု စားဖြယ္ ျပဳလုပ္ စားသံုးျခင္းျဖစ္တယ္။ အဲ့ထဲမွာ အာင္ခ်ီး ဆိုတဲ့ ယိုက သိပ္ကို ထင္ရွားတယ္။ အခ်ဥ္ခ်ဳိကို ေယဘုယ်အားျဖင့္ အာင္ခ်ီးလို႔လဲ ေခၚၾကတယ္။   အင္ခ်ီးဆိုတာက သရက္နဲ႔ လုပ္ထားတဲ့ သရက္သီးယို ျဖစ္ပါတယ္။ အင္ခ်ီး စကားလံုးဟာ အာမ္ခ်ီး ဆိုတဲ့ ႐ိုဟင္ဂ်ာ စကားႏွင့္ ဗမာစကား ေပါင္းစပ္ၿပီးေတာ့ အသံေျပာင္းျဖစ္လာတဲ့ စကားလံုး ျဖစ္တယ္။ ‘အာမ္’ဆိုတာက သရက္သီး၊ ‘ခ်ီး’ ဆိုတာက ဗမာစကား ‘သီး’ မွ အသံေျပာင္းတာ ျဖစ္တယ္။ အဲ့ေတာ့ ‘အာင္ခ်ီး’ စကားလံုးအနက္က သရက္သီး လို႔ အဓိပၸာယ္ရပါတယ္။ 

႐ိုဟင္ဂ်ာ လူမ်ဳိးတို႔သည္ အာင္ခ်ီးကို  သရက္သီးေပၚခ်ိန္၌ ျပဳလုပ္သိမ္းဆည္းတာျဖစ္တယ္။ အဲ့ဒါကို တစ္ႏွစ္ပတ္လံုး နည္းအမ်ဳိးမ်ဳိးနဲ႔ သံုးေဆာင္ၾကတာေပါ့။ ေကာင္းေကာင္းမြန္မြန္ ျပဳလုပ္ထားတဲ့ အာင္ခ်ီး ယိုကို ၂ ႏွစ္ ၃ ႏွစ္တာင္ ထားႏိုင္ပါတယ္။ ခြၽတ္ယြင္းခ်က္မကင္းျဖစ္ေနတဲ့ အာင္ခ်ီး ယိုကိုမူ တစ္လေတာင္ ၾကာၾကာ မထားႏိုင္ပါဘူး။ မိႈတက္ၿပီး စားမရ ျဖစ္သြားတယ္။ 

အာင္ခ်ီးယို ဟာ အခန္းက႑မ်ားစြာ၌ ပါဝင္ၾကတယ္။ ငါးဟင္း ခ်က္တဲ့ခါ ဟင္းထဲ နည္းနည္းထည့္ေပးကာ ဟင္းအရသာကို ထူးကဲေစတယ္။ ထမင္းနဲ႔လဲ ဟင္းအျဖစ္ တို႔စားၾကတယ္။ ေခါင္းမူး၊ ေခါင္းကိုက္ျခင္း၊ ေသြးတိုးျခင္း၊ ေအာ့အန္ျခင္း စသည္တို႔တြင္ သရက္သီးယိုကို ေဆးအျဖစ္သံုးေဆာင္ၾကတယ္။ တကယ့္ အစြမ္းတက္တယ္လို႔ ေျပာၾကတယ္။ ေႏြရာသီ စကားဝိုင္းေတြမွာလဲ မုန္႔ပဲသေရစာ အျဖစ္ အိမ္ရွင္က အာင္ခ်ီးယိုနဲ႔ ဧည့္ခံတဲ့ ဓေလ့ရိွပါတယ္။ မဂၤလာပြဲတြင္ သတို႔သမီးကို မိဘထံမွ  အခ်ဥ္ယိုဘူးမ်ဳိးစံု ခန္းဝင္ ပစၥည္းအျဖစ္ ေပး႐ိုးရိွပါတယ္။ 

လိုအပ္တဲ့ပစၥည္းမ်ား
၁) သရက္သီးစိမ္း   (Aam)
၂) ဆီ                     (Tel)
၃) င႐ုတ္ေကာင္း   (Gul Moris)
၄) ၾကက္သြန္ျဖဴ      (Ruon)
၅) ဆား                  (Nun)
၆) င႐ုပ္သီးေျခာက္ (Fúwana Moris)

အာင္ခ်ီးျပဳလုပ္နည္း (၁)

ဦးစြာ သရက္သီးကို အစိတ္စိတ္ ပိုင္းျဖတ္ရတယ္။ ၿပီးေတာ့ ဆားလူးၿပီး သို႔တည္းမဟုတ္ ဆားရည္ထဲ သံုးေလးရက္ေလာက္ စိမ့္ထားရတယ္။  ၿပီးရင္ သံုးေလးရက္ေလာက္ ေနပူလွန္လိုက္ေတာ့။ တေျခာက္ေျခာက္ျဖစ္လာတာနဲ႔  တျခား ပစၥည္းေတြကို ဆီမ်ားမ်ားထဲ ေၾကာ္ရပါတယ္။  ၾကက္သြန္ျဖဴေတြ လံုးဝႂကြပ္ႂကြပ္ျဖစ္သြားေအာင္ ေၾကာ္ရတယ္။ သရက္သီးအစိတ္ေတြ ဆီထဲလံုးဝနစ္သြားေအာင္ ဆီထဲရပါမယ္။ ၿပီးရင္ အေအးခံထားရမယ္။ ေအးသြားလွ်င္ သံုးေဆာင္လို႔ရၿပီ။ ဘူးထဲသိမ္းထားေတာ့…။ တႏွစ္ ႏွႏွစ္အာမခံတယ္။ စားခ်င္စိတ္ရိွတဲ့ခါ စိတ္တိုင္းက်စားေပါ့။ 

အာင္ခ်ီးျပဳလုပ္နည္း (၂)

လံုးဝေျခာက္သြားေအာင္ ေကာင္းေကာင္း ေနပူလွန္ရတယ္။ ေျခာက္တေခါက္ေခါက္ျဖစ္သြားတဲ့ သရက္သီးစိတ္ေျခာက္ေတြကို အေပါင္ခံရပါတယ္။ ဆီနဲ႔ င႐ုတ္ေကာင္း၊ ၾကက္သြန္ျဖဴ၊ င႐ုတ္သီးေျခာက္ မဆလာ ေတြ ေၾကာ္ထားရမယ္။ ၿပီးရင္ အေပါင္ခံထားတဲ့ သရက္သီးစိတ္နဲ႔ ေၾကာ္ထားတဲ့ ဆီေတြကို သမေအာင္ ေရာစပ္ရပါတယ္။ လုပ္ၿပီးရင္ အေအးခံေပါ့။ ဘူးထည့္ၿပီး သိမ္းထားေလေတာ့။

အာင္ခ်ီး အရသာ ခံစားရေအာင္ ႐ိုစတိုင္လ္က်က် လုပ္ၾကည့္ၾကစို႔…။ 

🍏🍎🍈🍇🍅🍎🍏🍄🍋🍊 🍓🍒🍑🍐🍍🌰🍈

Thursday, March 15, 2018

မုစ္လင္မ့္ ဝတၱရားမ်ား


မုစ္လင္မ့္ ဝတၱရားမ်ား

🍃🍃🍃🍃🍃🍃🍃

၁ ။ မုစ္လင္မ္တစ္ေယာက္၏ အမွားအေပၚ ခြင့္လႊတ္ေပးပါ။
၂ ။ သူငိုေနလ်ွင္ သနားပါ။
၃ ။ သူ၏အျပစ္ကို ဖုံးထားပါ။
၄ ။ သူ၏ ေတာင္းပန္မႈကို လက္ခံပါ။
၅ ။ သူ၏ ဒုကၡကို ကူညီဖယ္႐ွားေပးပါ။
၆ ။ သူ၏အေပၚ အစဥ္ေကာင္းပါ။
၇ ။ သူ႔အခ်စ္ကို အစဥ္ထိန္းသိမ္ပါ။
၈ ။ သူ႔ကိုေပးထားေသာ ကတိတည္ပါေစ။
၉ ။ သူနာမက်န္းျဖစ္ေနက သြားေရာက္အားေပးပါ။
၁၀ ။ သူကြယ္လြန္က ဒုအာျပဳပို႔ပါ။
၁၁ ။ သူဖိတ္ၾကားက လက္ခံသြားေရာက္ပါ။
၁၂ ။ သူ႔လက္ေဆာင္ကို လက္ခံပါ။
၁၃ ။ သူျပဳလာေသာ ေက်းဇူးအတြက္ ေက်းဇူးတုန္႔ျပန္ပါ။
၁၄ ။ သူ၏ကူညီ႐ိုင္းပင္းမႈမ်ားကို ေက်းဇူးတင္ တန္ဖိုးထားပါ။
၁၅ ။ သူ႔ကိုလိုအပ္လ်ွင္ ကူညီပါ။
၁၆ ။ သူ႔မိသားစုကိုလည္း ဂ႐ုစိုက္ပါ။
၁၇ ။ သူ၏လုပ္ငန္းေဆာင္တာမ်ားတြင္ ပါဝင္ကူညီပါ။
၁၈ ။ သူ႔အၾကံဥာဏ္ကို နာယူပါ။
၁၉ ။ သူေမတၱာရပ္ခံလ်ွင္ မျငင္းဆန္ပါႏွင့္။
၂၀ ။ သူ႔ရည္မွန္းခ်က္ကို စိတ္ပ်က္ေအာင္ မလုပ္မိပါေစႏွင့္။
၂၁ ။ သူႏွာေခ်၍ ” အလ္ဟမ္ဒုလိလႅာဟ္ ” ဆိုလ်ွင္ ” ယရ္ဟမုကလႅာဟ္ ” ဆိုကာ ျပန္ၾကားပါ။
၂၂ ။ သူ၏ေပ်ာက္႐ွပစၥည္းေတြ႔ရိွမိက သူ႔ထံအေရာက္ပို႔ေပးပါ။
၂၃ ။ သူစလာမ္ေပး ႏႈတ္ဆက္လာက စလာမ္ျပန္ၾကားႏႈတ္ဆက္ပါ။
၂၄ ။ သူႏွင့္ စကားေျပာဆိုတိုင္း သိမ္ေမြ႔ယဥ္ေက်းႏူးညံ့ပါ။
၂၅ ။ သူ႔ကို ေကာင္းက်ိဳးျပဳပါ။
၂၆ ။ သူယုံ၍ က်ိန္ဆိုမိလ်ွင္ တတ္ႏိုင္သေရြ႕ လိုက္ေလ်ာ့လိုက္ပါ။
၂၇ ။ သူ႔ကို တစ္ေယာက္ေယာက္က ဗိုလ္က်စိုးမိုးလာလ်ွင္ ကာကြယ္ေပးပါ။ သူက ဗိုလ္က်စိုးမိုးေရးလုပ္လ်ွင္ တားျမစ္ပိတ္ပင္ပါ။
၂၈ ။ သူ႔ကို မိတ္ဖက္လုပ္ပါ။ မိတ္ဖ်က္မျဖစ္ပါေစႏွင့္။
၂၉ ။ သူ႔ကို အပုပ္မခ်ပါႏွင့္။
၃၀ ။ ကိုယ္ႀကိဳက္သည္ကို သူ႔အတြက္ ႀကိဳက္ပါ။
၃၁ ။ သူႏွင့္ေတြ႔တိုင္း စလာမ္ေပးႏႈတ္ဆက္ပါ။ အမ်ိဳးသားခ်င္း ၊ အမ်ိဳးသမီးခ်င္း လက္ဆြဲႏႈတ္ဆက္ျခင္းသည္ ေကာင္းလွသည္။
၃၂ ။ သူႏွင့္ရန္ျဖစ္မိက သုံးရက္ထက္ပို၍ အဆက္မျဖတ္ပါႏွင့္။
၃၃ ။ သူ႔အေပၚ မေကာင္းမျမင္ပါႏွင့္။
၃၄ ။ သူ႔အေပၚ မနာလိုဝန္တိုမျဖစ္ပါႏွင့္။ မုန္းမာန္မပြားပါႏွင့္။
၃၅ ။ သူ႔ကို ေကာင္းမႈေကာင္းရာလုပ္ဖို႔ တိုက္တြန္းေနပါ။ မေကာင္းမႈ မေကာင္းရာမလုပ္ဖို႔ တားျမစ္ေနပါ။
၃၆ ။ ႀကီးသူကို ႐ိုေသပါ။ ငယ္သူကို သနားပါ။
၃၇ ။ မုစ္လင္မ္ႏွစ္ေယာက္ ကေတာက္ကဆျဖစ္ေနက ျဖန္ေျဖေပးပါ။
၃၈ ။ သူ႔ေနာက္ကြယ္ သူ႔အတင္းအဖ်င္းမေျပာပါႏွင့္။
၃၉ ။ သူ႔သိကၡာ ႏွင့္ သူ႔ရိကၡာ တိမ္းပါးဆုံး႐ႈံးေအာင္ မလုပ္မိပါေစႏွင့္။
၄၀ ။ သူ႔ကို ထခိုင္းလိုက္ၿပီး ကိုယ္က အဲဒီေနရာမွာ မထိုင္လိုက္ပါႏွင့္။

( ဗဟ႐ွ္သီေဇဝရ္က်မ္း )
̲Ⓐ̲ⓑ̲ⓤ̲ ̲Ⓐ̲ⓓ̲ⓔ̲ⓔ̲ⓑ̲ⓐ̲ⓗ̲

႐ွမ္းျပည္သားေလး sai hak khay
အလ္အာလင္မ္ ဝိုင္းေတာ္သားမ်ား

📆 ဟိဂ်္ရီ ၁၄၃၉ ၊ မုဟရ္ရမ္လ ( ၁၇ )ရက္📆
📆 ၈ . ၁၀ . ၂၀၁၇ ( တနဂၤေႏြေန႔)

ရဂ်ဗ္လျမတ္အေၾကာင္း



❇ ရဂ်ဗ္လျမတ္အေၾကာင္း ❇

                ဒီရဂ်ဗ္လျမတ္န႔ဲပတ္သက္ျပီး မွန္ကန္ျပည့္စုံတ့ဲ စနဒ္ ဆင့္ျပန္ခ်က္န႔ဲတကြ တမန္ေတာ္ျမတ္ ( صلی اللّہ علیہ وسلم ) မိန္႔ဆိုခ့ဲတာကေတာ့ ဒီရဂ်ဗ္လရဲ႕ ဆန္းဦးစလကို ျမင္တာန႔ဲတစ္ျပိဳင္နက္ ကိုယ္ေတာ္ျမတ္ ( صلی اللّہ علیہ وسلم )က ဒီလိုဒုအာလုပ္ေတာ္မူတယ္။

(( أَللّهُمَّ بَارِكْ لَنَا فِىْ رَجَبَ وَ شَعْبَانَ وَ بَلِّغْنَا رَمَضَانَ ))

" အို အလႅာဟ္အရွင္ျမတ္ ကြ်န္ေတာ္မ်ိဳးတို႔အား ရဂ်ဗ္လႏွင့္ယွအ္ဗာန္လမ်ားတြင္ ဗရ္ကသ္မဂၤလာ ခ်ီးျမွင့္ေတာ္မူပါ။ ျပီးေနာက္ ရမသြာန္လျမတ္ကိုပါ ခ်ီးျမွင့္ေတာ္မူပါ " လို႔ဆိုတယ္။ 

ဆိုလိုတာက ကြ်န္ေတာ္မ်ိဳး၏ သက္တမ္းကို ရမသြာန္လကုန္သည္အထိ ထားေပးပါ။ တနည္းအားျဖင့္ ရမသြာန္လမေရာက္မီအလ်င္ အဲဒီလျမတ္ကို ၾကိဳဆိုျခင္း ျဖစ္တယ္။ ဒီဒုအာဟာ ခိုင္လုံတ့ဲ စနဒ္န႔ဲတကြ ဆင့္ျပန္လာျခင္းျဖစ္တယ္။ ဒါေၾကာင့္ ဒီအေပၚ အမလ္လုပ္ျခင္းဟာ စုႏၷသ္ ျဖစ္တယ္။ 

ယွရီအသ္တရားေတာ္မွာ ဒီအခ်က္ထက္ ပိုထင္ရွားတ့ဲ ဆင့္ဆိုခ်က္ လူအမ်ားၾကားမွာ ျပဳလုပ္ေနၾကတ့ဲ အျခားက်င့္စဥ္မ်ားအားလုံးန႔ဲ ပတ္သက္ျပီး ယွရီအသ္မွာ ထင္ရွားတ့ဲ ဆင့္ဆိုခ်က္ေတြ ဘာမွမရွိဘူး။
ဥပမာ ရဂ်ဗ္လ ( ၂၇ )ရက္ေန႔ညန႔ဲပတ္သက္ျပီး မဲအ့္ရာဂ်္လို႔သတ္မွတ္ၾကတယ္။ အဲဒီညမွာ ကဒရ္ညျမတ္ က့ဲသို႔ တန္ဖိုးရွိစြာန႔ဲ ကုန္ဆုံးေစလိုၾကတယ္။ ကဒရ္ညက့ဲသို႔ဘဲ ထူးျမတ္တ့ဲည ၊ အက်ိဳးရွိတ့ဲ ညလို႔ ယူဆေန ၾကတယ္။ ကြ်ႏ္ုပ္ ( မုဖ္သီသကီး ) တစ္ေနရာမွာ ဒီလိုေရးထားတာ ေတြ႔လိုက္ရတယ္။ မဲအ့္ရာဂ်္ညက ကဒရ္ညထက္ ထူးျမတ္ျမင့္ျမတ္မႈမွာ သာလြန္ေသးတယ္လို႔ ေရးထားတာ ေတြ႔ရတယ္။ အဲဒီညမွာ လူေတြက သီးျခားေသာ နမားဇ္မ်ားန႔ဲ ေက်ာ္ၾကားေအာင္ျပလာၾကတယ္။ ဒီညမ်ိဳးမွာ နမားဇ္ကို ဘာနိယသ္န႔ဲ ဘယ္ႏွစ္ ရကအသ္ ဖတ္ရမယ္။ ဘာစူရဟ္ေတြ တြဲရမယ္ ဆိုတာကအစ သတ္မွတ္လာၾကတယ္။ အလႅာဟ္ အရွင္ျမတ္သာ သိေတာ့တယ္။ မွတ္ထားပါ မိတ္ေဆြတို႔ ! ဒီလိုနမားဇ္မ်ိဳးေတြကို ဒီလိုသတ္မွတ္မႈမ်ိဳးေတြန႔ဲ ပတ္သက္ျပီး ခိုင္လုံတ့ဲ သက္ေသအေထာက္အထား ယွရီအသ္တရားေတာ္မွာ မရွိဘူး။

ပထမဦးဆုံးအခ်က္က ရဂ်ဗ္လ ( ၂၇ ) ရက္မွာ ကိုယ္ေတာ္ျမတ္ ( صلی اللّہ علیہ وسلم ) မဲအ့္ရာဂ်္ ေကာင္းကင္ခရီး ၾကြျမန္းသြားတယ္ဆိုတာန႔ဲပတ္သက္ျပီး ခိုင္လုံတ့ဲ အေထာက္အထားမရွိဘူး။ တခ်ိဳ႕က ရဗီအုလ္ေအာဝ္ဝလ္လမွာ ကိုယ္ေတာ္ျမတ္ ( صلی اللّہ علیہ وسلم ) မဲအ့္ရာဂ်္ခရီး ၾကြျမန္းတယ္လို႔ ဆိုၾကေပမယ့္ တခ်ိဳ႕က ရဂ်ဗ္လလို႔ ဆင့္ျပန္ျပီး တခ်ိဳ႕ကေတာ့ တျခားလလို႔ ဆင့္ျပန္ၾကတယ္။

 ျခံဳၾကည့္လိုက္ရင္ တမန္ေတာ္ျမတ္ ( صلی اللّہ علیہ وسلم ) မဲအ့္ရာဂ်္ခရီး ၾကြျမန္းတဲ့ရက္ကို အတိအက် ဆင့္ျပန္ထားျခင္း မရွိဘူး။ ဒါန႔ဲပတ္သက္ျပီး စဥ္းစားစရာ အခ်က္တစ္ခုက ဒီညဟာ အလြန္မြန္ျမတ္တ့ဲ ယွဗၺိကဒရ္ညက့ဲသို႔ပင္ ထူးျမတ္တ့ဲည ျဖစ္ရိုးမွန္ရင္ ေႏွာင္းေခတ္လူေတြက ဒီညကို အတိအက် သတ္မွတ္ ဆင့္ျပန္ခ့ဲမွာဘဲ။ တကယ္ေတာ့ ဒီညကို ယခုတိုင္ တိက်တ့ဲ ဆင့္ျပန္ခ်က္ေတြ၊ ခိုင္လုံတ့ဲဆင့္ျပန္ခ်က္ေတြ မရွိတ့ဲအတြက္ ဒီရဂ်ဗ္လ ( ၂၇ )ရက္ညဟာ မဲအ့္ရာဂ်္ညအျဖစ္ တိတိက်က် မသတ္မွတ္ႏိုင္ဘူး။

အကယ္၍ ဒီရဂ်ဗ္လ ( ၂၇ )ရက္ညမွာဘဲ တမန္ေတာ္ျမတ္ ( صلی اللّہ علیہ وسلم ) မဲအ့္ရာဂ်္ ေကာင္းကင္ ခရီး ၾကြျမန္းေတာ္မူခ့ဲတယ္ထားပါဦး။ အဲဒီခရီးစဥ္မွာ အလြန္ၾကီးက်ယ္ မြန္ျမတ္တ့ဲ ျဖစ္စဥ္ေတြ ျဖစ္ပ်က္ခ့ဲ တယ္။ ပထမတစ္ခ်က္က တမန္ေတာ္ျမတ္ ( صلی اللّہ علیہ وسلم ) ကိုယ္ေတာ္တိုင္ အလႅာဟ္အရွင္ျမတ္န႔ဲ အနီးဆုံးေနရာအထိ ခစားခြင့္ရခ့ဲတယ္။ ၎ေနာက္ အလႅာဟ္အရွင္ျမတ္ကို " ဒီဒါရ္ " ဖူးေျမွာ္ခြင့္ရခ့ဲတယ္။ ဒုတိယတစ္ခ်က္က ကိုယ္ေတာ္ျမတ္ ( صلی اللّہ علیہ وسلم )န႔ဲ အုမၼသ္သားမ်ားအတြက္ နမားဇ္ ( ၅ ) ၾကိမ္ကို လက္ေဆာင္ေတာ္အျဖစ္ ခ်ီးျမွင့္ျခင္းခံခ့ဲရတယ္။ ဒီကိစၥန႔ဲပတ္သက္ျပီး ဘယ္အီမာန္ရွင္ မုစ္လင္မ္မွ မျငင္းႏိုင္ဘူး။

ဒီအျဖစ္အပ်က္က နဗဝီ ( ၅ ) ခုႏွစ္မွာ ျဖစ္ပ်က္ခ့ဲတယ္။ ဒီအျဖစ္အပ်က္မ်ား ျဖစ္ပ်က္ခ့ဲျပီးေနာက္ ႏွစ္ေပါင္း ( ၁၈ )ႏွစ္တိုင္တိုင္ ကိုယ္ေတာ္ျမတ္ ( صلی اللّہ علیہ وسلم ) သက္ရွိထင္ရွားေနထိုင္ေတာ္မူခ့ဲတယ္။ အဲဒီ ( ၁၈ )ႏွစ္ကာလအတြင္းမွာ တမန္ေတာ္ျမတ္ ( صلی اللّہ علیہ وسلم )က ကိုယ္တိုင္ ဒီမဲအ့္ရာဂ်္န႔ဲပတ္သက္ျပီး ဘာအမိန္႔မွ ေပးထားတ့ဲ အေထာက္အထားေတြ မေတြ႔ရဘူး။ အဲဒီညမွာ သီးသန္႔ အစီအစဥ္နဲ႔ အိဗာဒသ္ လုပ္ဖို႔ အမိန္႔ေတာ္လည္း မေပးခ့ဲဘူး။ ဒီညဟာ ကဒရ္ညက့ဲသို႔ စဝါးဗ္ရေစေအာင္၊ အက်ိဳးျဖစ္ထြန္းေစတ့ဲည ျဖစ္ေသာေၾကာင့္ ႏိုးႏိုးၾကားၾကား ဝိရိယန႔ဲ အမလ္ထဲေနဖို႔ တိုက္တြန္းခ့ဲတ့ဲ အေထာက္အထား အမိန္႔ၾသဝါဒ လည္း ဘာတစ္ခြန္းမွ မမိန္႔ခ့ဲဘူး။ ကိုယ္ေတာ္ျမတ္ ( صلی اللّہ علیہ وسلم ) ေခတ္မွာလည္း ဒီညမွာ သီးသန္႔ ႏိုးၾကားလ်က္ ဘာမွမလုပ္ခ့ဲသလို ဆြဟာဗဟ္သာဝကေတြကလည္း ဒီညန႔ဲပတ္သက္ျပီး ဘာမွ ႏိုးေဆာ္ တိုက္တြန္းမႈမ်ိဳး ဒါမွမဟုတ္ ကိုယ္တိုင္ အဲဒီညမွာ ႏိုးၾကားလ်က္ သီးသန္႔ အမလ္အိဗာဒသ္လုပ္ခ့ဲတာမ်ိဳးေတြ မေတြ႔ရဘူး။

တမန္ေတာ္ျမတ္ ( صلی اللّہ علیہ وسلم ) ဝဖွာသ္ျဖစ္ ကြယ္လြန္ေတာ္မူသြားျပီးေနာက္ ႏွစ္ေပါင္း ( ၁၀၀ ) တိုင္တိုင္ ဆြဟာဗဟ္မ်ား ဒီဒုႏၷယာေလာကမွာ သက္ရွိထင္ရွားေနထိုင္ခ့ဲၾကတယ္။ အဲဒီႏွစ္ေပါင္း ( ၁၀၀ ) အတြင္းမွာ ဆြဟာဗဟ္မ်ားက ဒီ မဲအ့္ရာဂ်္န႔ဲပတ္သက္ျပီး ရဂ်ဗ္လ ( ၂၇ )ရက္ညမွာ သီးသန္႔ အမလ္ အိဗာဒသ္ရဲ႕အစီအစဥ္ အခမ္းအနားမ်ိဳး ျပဳလုပ္ခ့ဲေၾကာင္း ခိုင္လုံတ့ဲ သက္ေသအေထာက္အထား ဘာမွ မေတြ႔ခ့ဲရဘူး။ ဒါေၾကာင့္ တမန္ေတာ္ျမတ္ ( صلی اللّہ علیہ وسلم ) ကိုယ္တိုင္ မလုပ္ခ့ဲတ့ဲကိစၥ၊ ဆြဟာဗဟ္မ်ားလည္း မလုပ္ခ့ဲတ့ဲ ကိစၥရပ္ကို ဒီးန္သာသနာေတာ္ရဲ႕ အစိတ္အပိုင္းတစ္ခုအျဖစ္ သတ္မွတ္ျခင္း၊ ဒါမွမဟုတ္ စုႏၷသ္တစ္ခုလို႔ သတ္မွတ္လုပ္ကိုင္ျခင္း၊ ဒါမွမဟုတ္ စုႏၷသ္တစ္ခုလိုမ်ိဳး အမလ္လုပ္ျခင္း စတ့ဲအရာအားလုံးဟာ " ဗိဒ္အသ္ " တရားသစ္တီထြင္ျခင္း ျဖစ္တယ္။ အကယ္၍ တစ္ဦးတစ္ေယာက္က ( معاذاللّه အရွင္ျမတ္ထံခိုလႈံပါ၏ ) ဒီလိုဆိုခ့ဲမယ္။ " ကြ်န္ေတာ္ကေတာ့ျဖင့္ တမန္ေတာ္ျမတ္ ( صلی اللّہ علیہ وسلم )ထက္ ပိုျပီး တတ္သိနားလည္လို႔ပါ။ ဒါမွမဟုတ္ ကြ်န္ေတာ္ ကေတာ့ျဖင့္ ဆြဟာဗဟ္မ်ားထက္ သာပိုျပီး ဒီးန္သာသနာေတာ္ကို ခ်စ္ျမတ္ႏိုးလို႔ပါ။ ဒါေၾကာင့္ သူတို႔မလုပ္လည္း ကြ်န္ေတာ္ကေတာ့ လုပ္မွာဘဲ " လို႔ဆိုခ့ဲရင္ေတာ့ ဒီလူထက္ပိုျပီး မိုက္မဲသူ၊ အသိဥာဏ္ ကင္းမ့ဲတ့ဲသူ ဒီဒုႏၷယာေလာကထဲ ရွိမွာမဟုတ္ေတာ့ဘူး။

ကြ်ႏ္ုပ္တို႔ ဒီးန္သာသနာေရးန႔ဲ ဘယ္ေလာက္ႏႈိက္ႏႈိက္ခြ်တ္ခြ်တ္ ပတ္သက္ဆက္စပ္ေနျငားလည္း တကယ္တမ္းမွာေတာ့ ဆြဟာဗဟ္မ်ား၊ သာဗိအီးန္မ်ား၊ သဗသာဗိအီးန္မ်ားသာလ်ွင္ အားလုံးထက္ ပိုျပီး ဒီးန္သာသနာကို သိခ့ဲၾကသူေတြ၊ ဒီးန္သာသနာကို နားလည္ခ့ဲၾကသူေတြ၊ ဒီးန္သာသနာေတာ္အေပၚ ခ်စ္ျမတ္ႏိုးခ့ဲၾကသူေတြ၊ ဒီးန္သာသနာေတာ္အေပၚ နာခံက်င့္သုံးၾကသူေတြ ျဖစ္ခ့ဲၾကတယ္။ ယခု လူတစ္ေယာက္က ေျပာမယ္။ " ကြ်န္ေတာ္ကေတာ့ သူတို႔ထက္ပိုျပီး နားလည္ပါတယ္။ သူတို႔ထက္ပိုျပီး ဒီးန္သာသနာေတာ္ကို လိုလားစိတ္ ရွိသူပါ။ ဒါမွမဟုတ္ သူတို႔ထက္ပိုျပီး ဒီးန္သာသနာအေပၚ နာခံက်င့္သုံးတ့ဲသူပါ " လို႔ ေျပာရင္ေတာ့ ဒီလူဟာ နလဗိန္းတုံးလူ ၊ တကယ္တမ္း ဒီးန္သာသနာေတာ္ကို ဘာမွမသိတ့ဲ လူတစ္ေယာက္လို႔ သတ္မွတ္ရံုေပါ့။

ဒါေၾကာင့္ ဒီ ရဂ်ဗ္လ ( ၂၇ )ရက္ညမွာ သီးသန္႔ အမလ္တစ္စုံတစ္ရာလုပ္ျခင္း " ဗိဒ္အသ္ " ျဖစ္တယ္။ အကယ္၍ ဒီညလိုဘဲ တျခားညေတြမွာ အမလ္လုပ္ေနမယ္။ ေန႔စဥ္ ဒါမွမဟုတ္ အစဥ္ျပဳေနက် အမလ္အျဖစ္န႔ဲ ဒီ ( ၂၇ ) ရက္ညမွာလည္း ဆက္လက္ျပဳလုပ္ျမဲ လုပ္ေနမယ္ဆိုရင္ေတာ့ အေကာင္းဆုံးေပါ့။
ဒီလိုဘဲ ရဂ်ဗ္လ ( ၂၇ )ရက္ေန႔မွာ တခ်ိဳ႕က ရိုဇဟ္ထားၾကတယ္။ အာယွဴရဟ္ရိုဇဟ္တို႔ ၊ အရဖွသ္ေန႔ရဲ႕ ရိုဇဟ္တို႔လို မြန္ျမတ္ထူးကဲတ့ဲ ရိုဇဟ္လို သတ္မွတ္ ယုံၾကည္ေနၾကတယ္။ မွတ္ထားရမွာက ဒီရိုဇဟ္န႔ဲပတ္သက္ျပီး မခိုင္မာတ့ဲ အဆိုတစ္ခုႏွစ္ခုေတာ့ရွိတယ္။ ခိုင္မာတ့ဲ ဆင့္ျပန္ခ်က္ကေတာ့ တစ္ခုမွ မရွိဘူး။

ဟဇ္ရသ္ အုမရ္ ( رضی اللّہ عنہ )သခင္ရဲ႕ ခိလာဖွသ္ေခတ္မွာ လူတခ်ိဳ႕က ဒီရဂ်ဗ္လ ( ၂၇ )ရက္ေန႔မွာ သီးသန္႔ရိုဇဟ္ ထားၾကတယ္။ ဟဇ္ရသ္ အုမရ္ ( رضی اللّہ عنہ ) သခင္ကလည္း သူ႔ေခတ္မွာ သူသက္ရွိ ထင္ရွားရွိေနစဥ္အတြင္းမွာ ဒီးန္သာသနာေတာ္န႔ဲပတ္သက္ျပီး အနည္းငယ္ မွားယြင္းမႈမ်ိဳးပင္ျဖစ္ေစ လက္မခံႏိုင္ဘူး။ ဒါ့ေၾကာင့္ ဒီစကားၾကားတာန႔ဲခ်က္ခ်င္း အိမ္ကေနထြက္ျပီး အဲဒီလူေတြထံသြားေတြ႔တယ္။ ေနာက္ျပီး အတင္းအဓမၼ လူေတြကို အစားအေသာက္ တစ္စုံတစ္ရာ စားခိုင္းတယ္။ " အသင္တို႔ ရိုဇဟ္မထားၾကပါဘူးဆိုတ့ဲ အေထာက္အထားျပႏိုင္ဖို႔ ငါ အုမရ္ ေရွ႕မွာ စားေသာက္ျပရမယ္ " လို႔ ခိုင္းတယ္။ ဒါမွလူေတြရဲ႕အထင္မွာ ဒီရိုဇဟ္ဟာ ဘာမွထူးျခားတ့ဲ ရိုဇဟ္မဟုတ္ဘူးဆိုတာကို အထင္အရွား သိလာမွာ ျဖစ္တယ္။ တျခား နဖိလ္ရိုဇဟ္မ်ားက့ဲသို႔ နဖိလ္ရိုဇဟ္အဆင့္မ်ွသာရွိတယ္။ တျခားေန႔ေတြန႔ဲ ဘာမွမကြာဘူး။ ဟဇ္ရသ္ အုမရ္ ( رضی اللّہ عنہ ) သခင္ၾကီးက ဒီကိစၥကို " ဗိဒ္အသ္ " ျဖစ္လို႔ အင္အားသုံးျပီး ပိတ္ပင္တားျမစ္ခ့ဲတယ္။ ဒီးန္သာသနာေတာ္ထဲမွာ ဘာမွ အတိုးအေလ်ာ့လုပ္တာကို မၾကိဳက္ဘူး။

အကယ္၍ တစ္စုံတစ္ေယာက္က " ဘာလဲ ? ကြ်န္ေတာ္တို႔ ဒီညမွာ တစ္ညလုံး ႏိုးၾကားလ်က္ အမလ္အိဗာဒသ္လုပ္မယ္။ ေန႔မွာ ရိုဇဟ္ထားၾကမယ္ဆိုရင္ ဒါဟာ မေကာင္းမႈအလုပ္လား? သူခိုး ဓါးျပ အလုပ္ျဖစ္လို႔လား ? မူးယစ္ရမ္းကားတ့ဲ အလုပ္ျဖစ္လို႔လား ? ဒါကို ဘာ့ေၾကာင့္ မေကာင္းတ့ဲအလုပ္လို႔ သတ္မွတ္ရတာလဲ ? လို႔ ေစာဒကတက္ခ့ဲမယ္ဆိုရင္ေတာ့ ...
ဟဇ္ရသ္ အုမရ္ ( رضی اللّہ عنہ ) သခင္ဆိုတ့ဲ ဆြဟာဗဟ္ၾကီးက ဘာ့ေၾကာင့္တားျမစ္ရတာလဲဆိုတာ စဥ္းစားၾကည့္ပါ။

အဲဒီေန႔မွာ သီးသန္႔ရိုဇဟ္ထားဖို႔ အလႅာဟ္အရွင္ျမတ္က အမိန္႔မေပးထားဘူး။ ဒါကို မိမိဘက္က အသစ္ထြင္ျပီး ကိုယ့္သေဘာန႔ဲ ဓေလ့ထုံးစံ အစဥ္အလာတစ္ခုအျဖစ္ လက္ခံက်င့္သုံးျခင္းကပင္လ်ွင္ အျပစ္ထိုက္ေနတယ္။ ကြ်ႏ္ုပ္ ( မုဖ္သီသကီး ) အၾကိမ္ၾကိမ္ တင္ျပခ့ဲဘူးပါတယ္။ ဒီးန္သာသနာေတာ္ရဲ႕ ထူးျခားတ့ဲ ဝိေသသကိုက နာခံျခင္း ျဖစ္တယ္။ " ငါအရွင္ျမတ္ရဲ႕အမိန္႔ေတာ္ကို နာခံၾက။ ငါအရွင့္ ရစူလ္ရဲ႕ အမိန္႔ကို နာခံၾက " လို႔ဆိုထားတယ္။ အကယ္၍ အရွင္ျမတ္က နမားဇ္ဖတ္ၾကလို႔ အမိန္႔ေပးတ့ဲအခါ နမားဇ္ဖတ္ျခင္းဟာလည္း အိဗာဒသ္ ျဖစ္တယ္။ အကယ္၍ အရွင္ျမတ္က နမားဇ္မဖတ္န႔ဲလို႔ အမိန္႔ေပးတ့ဲ အခါ နမားဇ္မဖတ္ျခင္းဟာလည္း အိဗာဒသ္ျဖစ္တယ္။ ဒီလိုဘဲ ရိုဇဟ္ထားလို႔ အမိန္႔ေပးတ့ဲအခါ ရိုဇဟ္ ထားျခင္းဟာလည္း အိဗာဒသ္ ျဖစ္တယ္။ ရိုဇဟ္မထားဖို႔ အမိန္႔ေပးတ့ဲအခါ ရိုဇဟ္ မထားျခင္းဟာ လည္း အိဗာဒသ္ ျဖစ္တယ္။ အကယ္၍ တားျမစ္ထားတ့ဲအခ်ိန္မွာ ရိုဇဟ္ထားခ့ဲရင္ ဒီးန္သာသနာ့အမိန္႔ကို ခ်ိဳးေဖါက္ရာက်တယ္။ ဒီးန္သာသနာေတာ္ကို ဆန္႔က်င္ရာေရာက္တယ္။ ဒီးန္သာသနာ့ရဲ႕အလုပ္တာဝန္ဝတၱရားအားလုံးဟာ အမိန္႔နာခံျခင္းပဲ ျဖစ္တယ္။

အကယ္၍ တစ္ဦးတစ္ေယာက္က ဒီရဂ်ဗ္လ ( ၂၇ ) ရက္ေန႔မွာ ထူးထူးျခားျခား ရိုဇဟ္ထားခ့ဲမယ္ဆိုရင္ေတာ့ ဒီလူဟာ ဒီးန္သာသနာေတာ္မွာ အပိုခ်ဲ႕ထြင္ျခင္းပဲေပါ့။ ဒီလို ထူးထူးျခားျခားသတ္မွတ္ျပီး ရိုဇဟ္ထားျခင္းဟာ မပိုင္ဘူး။ အကယ္၍ တျခားရက္ေတြမွာ ဒီလိုဘဲ ဒီရက္မွာလည္း ရိုဇဟ္ထားခ့ဲရင္ေတာ့ အေၾကာင္း မဟုတ္ဘူး။ တားျမစ္ခ်က္လည္း မရွိပါဘူး။ ဒီလိုမဟုတ္ဘဲ ဒီရဂ်ဗ္လ ( ၂၇ )ရက္ေန႔မွာဘဲ ထူးထူးျခားျခား စဝါးဗ္ပိုရတ့ဲ စုႏၷသ္ရိုဇဟ္အျဖစ္ သီးျခားသတ္မွတ္ျပီး ညမွာ အမလ္အိဗာဒသ္လုပ္ျခင္း၊ ေန႔မွာ ရိုဇဟ္ထားျခင္း အစရွိသည္မ်ားကေတာ့ " ဗိဒ္အသ္ " တရားသစ္တီထြင္ျခင္းျဖစ္တယ္။ မလုပ္ပိုင္ဘူး။
မဲအ့္ရာဂ်္ညဟာ အလြန္ထင္ရွားခ့ဲတ့ဲ ညတစ္ည ျဖစ္တယ္။ အဲဒီညမွာ တမန္ေတာ္ျမတ္ ( صلی اللّہ علیہ وسلم ) မိုးေကာင္းကင္ခရီးကို ၾကြျမန္းေတာ္မူခ့ဲတယ္။ သို႔ေသာ္လည္း ဒီေန႔ အစၥလာမ့္အသိုင္းအဝိုင္းမွာ ဒီ့ထက္ပိုျပီး ၾကီးက်ယ္အေရးပါတ့ဲ အလုပ္တစ္ခုျဖစ္ေနျပီး ဒီးန္သာသနာေတာ္က သတ္မွတ္ထားတ့ဲ ဖြရ္သြ္တာဝန္၊ ဝါဂ်ိဗ္တာဝန္ေတြထက္ပိုျပီး အၾကီးအက်ယ္အေရးပါတ့ဲ အလုပ္တစ္ခုျဖစ္ေနျပီ။ အဲ့ဒါကေတာ့ ရဂ်ဗ္လ ( ၂၇ )ရက္ေန႔ညမွာ မုန္႔အခ်ိဳလုပ္ျခင္းန႔ဲေဝငွျခင္း ျဖစ္တယ္။ အကယ္၍ တစ္ဦးတစ္ေယာက္က ဒီလူဟာ နမားဇ္ဖတ္သည္ျဖစ္ေစ၊ မဖတ္သည္ျဖစ္ေစ၊ ရိုဇဟ္ထားသည္ျဖစ္ေစ၊ မထားသည္ျဖစ္ေစ၊ အျပစ္ဂုနာဟ္ဒုစရိုက္ကေန ေရွာင္ၾကဥ္သည္ျဖစ္ေစ၊ မေရွာင္ၾကဥ္သည္ျဖစ္ေစေပါ့ ဒါေပမယ့္ အဲဒီေန႔မွာ ဒီလို မုန္႔အခ်ိဳ မလုပ္ေတာ့ဘူးဆိုရင္ ဒီလူဟာ မုစ္လင္မ္ မဟုတ္ေတာ့ဘူး။ (( တခ်ိဳ႕ေနရာေဒသမွာ မဲအ္ရာဂ်္ည အထိမ္းအမွတ္န႔ဲ ေမာဝ္လူးဒ္ယွရီးဖ္ဖတ္ၾကတယ္။ ကိယာမ္ေတြ ရပ္ၾကတယ္။ အဲဒီ အခမ္းအနားမွာ မပါဝင္ရင္ တမန္ေတာ္ျမတ္ ( صلی اللّہ علیہ وسلم )ကို မခ်စ္တ့ဲသူ ၊ မုစ္လင္မ္ မပီသသလိုလို ၾကည့္တာခံရတယ္။)) အကယ္၍ တစ္ဦးတစ္ေယာက္က ဒီဓေလ့ထုံးစံန႔ဲပတ္သက္ျပီး ကိုယ္တိုင္လည္း မလုပ္ဘူး။ တျခားသူမ်ားကိုလည္း မလုပ္ဖို႔ တားျမစ္လာမယ္ဆိုရင္ အဲဒီသူဟာ ေကာင္းေကာင္း က်ိန္ဆဲခံရမယ္။ ျပစ္တင္ရႈံ႕ခ်ျခင္းခံရလိမ့္မယ္။ အလႅာဟ္အရွင္ျမတ္ဘဲ သိေတာ့တယ္။ ဒီလို မုန္႔ခ်ိဳပြဲေတြ၊ လုပ္ေနတ့ဲ ဓေလ့ထုံးစံေတြ ဘယ္လိုေပၚလာသလဲဆိုတာ မသိဘူး။ ကုရ္အာန္န႔ဲဟဒီးဆ္မွာလည္း မရွိဘူး။ ဆြဟာဗဟ္ေတြ၊ သာဗိအီးန္ေတြ၊ သဗသာဗိအီးန္ေတြရဲ႕ လက္ထက္မွာလည္းမရွိဘူး။ ဒီအစြဲဟာ ဒီေလာက္ေတာင္ ၾကီးထြားလာၾကျပီ။ အိမ္မွာ ဒီးန္သာသနာေတာ္န႔ဲပတ္သက္ျပီး ေနာက္ထပ္ဘာ အေထာက္အထား နိမိတ္လကၡဏာမွ မရွိရင္ ေနပါေစ။ ဒီလို မုန္႔ပြဲေတြ၊ ဓေလ့ထုံးစံေတြ ရွိေနရင္ ေက်နပ္ျပီ။ ဘာ့ေၾကာင့္လည္းဆိုရင္ ကြ်န္ေတာ္တို႔တေတြက ဒီလိုပြဲလမ္း အခမ္းအနားေလးေတြ၊ စားေသာက္ပြဲေလးေတြ လုပ္ရမွာကို ၾကိဳက္ၾကတယ္။ ဝါသနာလည္း ပါၾကတယ္။ တစ္ေယာက္န႔ဲ တစ္ေယာက္၊ တစ္အိမ္န႔ဲတစ္အိမ္ ေပ်ာ္ေပ်ာ္ရႊင္ရႊင္ ေတြ႔ဆုံၾကတ့ဲပြဲမ်ိဳး စိတ္ေပ်ာ္ရႊင္ဖြယ္ အခမ္းအနားမ်ိဳးေလးေတြ လုပ္ေနၾကတယ္။ ဒါ့ေၾကာင့္ အိမ္တိုင္းမွာ ပူရီေတြ ေၾကာ္တယ္။ ဟလဝါမုန္႔ေတြ ထိုးၾကတယ္။ ဒါ့ျပင္ ဒီအိမ္ကမုန႔္ကို ဟိုအိမ္ပို႔ ၊ ဟိုအိမ္က မုန္႔ကို ဒီအိမ္ပို႔န႔ဲ အရပ္ထဲ ပြဲတစ္ခု ျဖစ္ေနၾက တယ္။ ယိႈင္တြာန္ကလည္း လူတိုင္းရဲ႕ရင္ထဲမွာ ဒီလိုပြဲမ်ိဳးကို အရသာေတြ႔ေစတယ္။ စိတ္ဝင္စားေစတယ္။ ဒီလိုန႔ဲလူေတြက နမားဇ္ဖတ္သည္ျဖစ္ေစ၊ မဖတ္သည္ျဖစ္ေစ အေရးမၾကီးေတာ့ဘူး။ အေရးၾကီးတာ မုန္႔ေဝဖို႔၊ စားေသာက္ပြဲလုပ္ဖို႔ဘဲ။

မိတ္ေဆြမ်ားခင္ဗ်ာ !

ဒီအုမၼသ္ဟာ ဒီလို အလဟႆ အခ်ည္းအႏွီးလုပ္ငန္းထဲမွာ တျဖည္းျဖည္းန႔ဲ နစ္ျမဳပ္သြားခ့ဲျပီ။ အစစ္အမွန္ အေရးၾကီးတ့ဲအလုပ္ေတြ တိမ္ေကာ ေပ်ာက္ကြယ္ေနၾကျပီ။ လူေတာ္ေတာ္မ်ားမ်ားဟာ ဒီအလုပ္ကို မသိနားမလည္ၾကလို႔ ဒီလိုျပဳလုပ္နစ္ျမဳပ္ေနၾကျခင္းျဖစ္တယ္။ အစြဲေတာ့မရွိၾကဘူး။ ဒါေပမယ့္ ဒီးန္သာသနာေတာ္ကို မသိနားမလည္ၾကလို႔ျဖစ္တယ္။ ဒါ့ေၾကာင့္လည္း အီဒုလ္အသြ္ဟာ ( ကုရ္ဗာနီအီးဒ္ ) ေန႔ေတြလိုဘဲ အေရးၾကီးတ့ဲေန႔၊ ကုရ္အာန္န႔ဲဟဒီးဆ္ေတာ္ေတြအရ အေထာက္အထား ခိုင္လုံစြာ ရွိေနတ့ဲ ေန႔တစ္ေန႔လို႔ ထင္မွတ္ေနၾကျခင္း ျဖစ္တယ္။ ဒါ့ေၾကာင့္ အုမၼသ္ကို ခ်ိဳသာႏူးည့ံစြာန႔ဲ ေျပာဆို တင္ျပျပီး ေရွာင္ၾကဥ္ၾကေစလိုတယ္။

အခ်ဳပ္ဆိုရရင္ ဒီရဂ်ဗ္လျမတ္ဟာ လျမတ္ရမသြာန္ရဲ႕ အၾကိဳလျဖစ္တယ္။ ဒါ့ေၾကာင့္ ဒီလေရာက္ရင္ မိမိကိုယ္ကို လျမတ္ရမသြာန္အတြက္ ၾကိဳတင္ျပင္ဆင္ထားၾကရမယ္။ အလြန္အေရးၾကီးပါတယ္။ ကိုယ္ေတာ္ျမတ္ ( صلی اللّہ علیہ وسلم )ကဒီရဂ်ဗ္လမွာ ဒီလိုဒုအာလုပ္ေတာ္မူခ့ဲတယ္။

(( أَللّهُمَّ بَارِكْ لَنَا فِىْ رَجَبَ وَ شَعْبَانَ وَ بَلِّغْنَا رَمَضَانَ ))
လူအမ်ားကိုလည္း ၾကိဳတင္သတိေပးထားတယ္။ ဒီလျမတ္ရမသြာန္ေရာက္ရင္ ေကာင္းမႈလုပ္ငန္းေတြထဲမွာ အခ်ိန္အမ်ားဆုံးကုန္လြန္ေစႏိုင္ဖို႔အတြက္ ဖိက္ရ္ ေသာက ပိုက္ခိုင္းထားပါတယ္။

(( အျမင္မမွား သတိထားျပီး ေရွာင္ရွားႏိုင္ၾကပါေစ ))
အမလ္ျပဳက်င့္ႏိုင္ၾကပါေစ ... အာမီးန္
( အိဆ္ြလာဟီး ခုသ္ဗားသ္ )

Abu Adeebah
႐ွမ္းျပည္သားေလး sia hak khay
📆 ဟိဂ်္ရီ ၁၄၃၉ ၊ ဂ်မာဒဆ္ဆာနီလ ( ၂၆ )ရက္📆
📆 ၁၅ . ၃ . ၂၀၁၈ ( ၾကာသပေတးေန႔)📆

Wednesday, March 14, 2018

အာမီရ္ခါန္းရဲ႕ လူသိနည္းတဲ့ အေၾကာင္းတခ်ဳိ႕



* တနဂၤေႏြသား မ်ိဳးရိုး *

အာမီရ္ခါန္းဟာ ၁၉၆၅ ခုႏွစ္၊ မတ္လ ၁၄ ရက္ေန ့တနဂၤေႏြေန ့မွာ မြမ္ဘိုင္၊ မဟာရာခ်ၾတာ ၌ အဘ တြာဟဲရ္ ဟူစိန္း (႐ုပ္ရွင္ ထုတ္လုပ္သူ) ႏွင့္ အမိ ဇီနာသ္ဟူစိုင္း တို႔မွ  ေမြးဖြားခဲ့ပါတယ္။ ေမြးခ်င္း ေလးေယာက္အနက္ အႀကီးဆံုးသား ျဖစ္ပါတယ္။  အမိရ္ခါးန္ရဲ့ အမည္ရင္းက မိုဟမၼဒ္ အမိရ္ ဟူစိန္ခါန္း (Muhammad Aamir Hussain Khan) ျဖစ္ပါတယ္။
အမိရ္ေလး ဖခင္ျဖစ္သူနဲ ့အတူ


အေမ အမနဲ ့အတူ ေတြ ့ရတဲ့ အမိရ္ခါးန္ အေမကေတာ့ အမိရ္ အသဲေက်ာ္ျဖစ္ျပီး
ဒီဘက္က အမိရ္အမကေတာ့ မင္းသား အင္မ္ရားန္ခါးန္ရဲ့ အေမပါ။
 အမိရ္ ရဲ့ ဦးေလး နာဆဲရ္ဟူစိုင္းက ရုပ္ရွင္ေလာကမွာ လူသိမ်ားတဲ့ ဒါရိုက္တာ၊ မင္းသား၊ ထုတ္လုပ္သူ တစ္ဦးျဖစ္ပါ တယ္။ သူ႕ဦးေလး အငယ္ဆံုး တြာရီခ္ ဟာ Yaadoon Ki Baaraat ရဲ႕ သ႐ုပ္ေဆာင္ မင္းသားျဖစ္ပါတယ္။ ဂႏၵီ၊ေနရူး နဲ ့အတူ အိႏိၵယႏိုင္ငံရဲ့ လြတ္လပ္ေရး ႀကိဳးပမ္းခဲ့တဲ့ ထင္ရွားေသာ ေခါင္းေဆာင္တစ္ဦးဟာ အေတြးအေခၚ ပညာရွင္ အဗူလ္ ကလာမ္ အာဇားဒ္ ျဖစ္ပါတယ္။ အဲ့ လြတ္လပ္ေရး ေခါင္းေဆာင္ၾကီး အဗၺဒြလ္ ကလာမ္အာဇားဒ္ ဟာ အမိရ္ခါးန္ရဲ့ ဦးေလးေတာ္ပါတယ္။ အမိရ္ ဖခင္ရဲ့ အကိုတ၀မ္းကြဲပါ။ ဒါေၾကာင့္ သူ ့ရဲ့ ေနာက္ဆံုးသား အမည္ကို အဖိုးနဲ ့အမည္တူ အဇာဒ္ခါးန္လို ့ မွည့္ေခၚ ထားပါတယ္။
အာမီရ္ေပါက္စေလး
အိႏိၵယ အမ်ဳိးသားေခါင္းေဆာင္ ဂႏၵီ၊ေနရူးနဲ ့အာဇားဒ္ [ဦးထုပ္နဲ ့မ်က္မွန္နဲ ့ ပုဂၢိဳလ္ဟာ 
အမိရ္ခါးန္ရဲ႕ ဦးေလး ေမာင္လာနာ အဗူလ္ ကလာမ္အာဇားဒ္ ျဖစ္ပါတယ္။]
ညီကိုေမာင္ႏွမေတြကေတာ့-
၁) အာမီရ္ခါန္း
၂) ဖိုက္ဆဲလ္ခါန္း
၃) မ- ဖာရ္ဟာတ္ခါန္း
၄) နီခါတ္ခါန္း ေတြျဖစ္ၾကပါတယ္။ 

* ပညာေရးနဲ႔ အႏုပညာခရီးအစ *

မြမ္ဘိုင္းမွာ ေဂ်ဘီ၊ ပတိတ္ ေက်ာင္း၌ အေျခခံပညာသင္ယူေနရင္း အသက္ (၈) ႏွစ္အရြယ္တြင္ ဦးေလးရဲ႕ ႐ုပ္ရွင္ကား Yaadon Ki Baaraat (၁၉၇၃)၌ စတင္သ႐ုပ္ေဆာင္ခဲ့တယ္။ ေနာက္ႏွစ္တြင္ သူ႕အေဖ ထုတ္လုပ္ခဲ့တဲ့ Madhosh ႐ုပ္ရွင္ဇာတ္၌လဲ ကေလးသ႐ုပ္ေဆာင္အျဖစ္ ပါဝင္ခဲ့တယ္။ စိန္႔ ေအနီ အထက္တန္းေက်ာင္း၌ ရွစ္တန္းထိ တက္ခဲ့တယ္။ ကိုးတန္းနဲ႔ ဆယ္တန္းကို  ဘံုေဘ စေကာ့တစ္ေက်ာင္း၊ မာဟီးမ္၌ သင္ယူၿပီး ၁၁ တန္း ႏွင့္ ၁၂ တန္းကိုမူ နာရဆီ မုန္ဂ်ီ ေကာ္လိပ္၊ မြမ္ဘိုင္မွ ေေအာင္ခဲ့တယ္။ အမိရ္ အထက္တန္းအထိ ပညာသင္ျပီး ေက်ာင္းထြက္ကာ အႏုပညာေလာကမွာ လက္ေထာက္ဒါရိုက္တာအျဖစ္ Manzil Manzil (1984) အလုပ္လုပ္ခဲ့ပါတယ္။ အဲ့ေနာက္ ရုပ္ရွင္ကားတခ်ိဳ ့မွာ အရံအျဖစ္လည္း သရုပ္ေဆာင္ခဲ့ပါတယ္။ ၁၉၈၈ ခုႏွစ္မွာေတာ့ အမိရ္ခါးန္ရယ္လို ့မွတ္ေက်ာက္တင္ဖို ့ ျဖစ္လာခဲ့ပါတယ္။ အမိရ္ခါးန္ရဲ့ ပထမဆံုး ဦးေဆာင္မင္းသားအျဖစ္ ရိုက္ကူးခဲ့တဲ့ Qyamat se Qyamat Tak ရုပ္ရွင္ဟာ အိႏိၵယတခြင္ အၾကီးအက်ယ္ ေအာင္ျမင္ခဲ့ျပီး ေဘာလီး၀ုဒ္မင္းသားျဖစ္ခဲ့ပါတယ္။


* အားကစား *


အမီရ္ဟာ တဲနစ္ကစားနည္း၌ ဝါသနာပါၿပီး ကြၽမ္းက်င္သူ တစ္ဦးျဖစ္သည္။ ၁၉၈၀ ခန္႔တြင္ ျပည္နယ္ ခ်န္ပီယံ အဆင့္အထိ ရရိွခဲ့ဖူးသည္။ ၂၀၁၄ ခု၌ International Premier Tannis League ျပပြဲ၌ ပါဝင္ကာ ကမ႓ာေက်ာ္ တဲနစ္ခ်န္ပီယံေတြ ျဖစ္တဲ့ Roger Federer,  Novak Djokovic. ႏွင့္ Sania mirza တို႔ႏွင့္အတူ ႏွစ္ေယာက္ တစ္တြဲ ကစားခဲ့ဖူးတယ္။  ၂၀၁၄ ခု ေဖာေဖာ္ဝါရီလ တ႐ုတ္ခရီးစဥ္၌ Ping Pong စားပြဲတဲနစ္ၿပိဳင္ပြဲကို အိုလံပစ္ ခ်န္ပီယံေဟာင္း Liu Guoliang ႏွင့္ ယွဥ္ၿပိဳင္ကစားခဲ့တယ္။ 


* အိမ္ေထာင္ေရး *

အမိရ္ နဲ႔ ရီနားတို ့အိမ္ေထာင္ေရးမျပိဳကြဲခင္ Laggan ရုပ္ရွင္ ဒါရိုက္တာ 
ဇနီးေမာင္ႏွံနဲ ့အမိရ္တို ့ ဇနီးေမာင္ႏွံ

အမိရ္ခါးန္ အဲ့ကား မတိုင္ခင္ကတည္းက Rena Dutta နဲ ့၁၉၈၆ ခု ဧၿပီလ ၁၈ ရက္တြင္ လက္ထပ္ခဲ့ပါ တယ္။ အမိရ္ က မြတ္စလင္မ္ျဖစ္ျပီး Rena က ဟိႏၵဴျဖစ္တာမို ့Rena မိဘေတြ သေဘာမတူပါဘူး။ ဒါေၾကာင့္ သူတို ့၂ ဦး လက္ထပ္ထားတာကို လူသိမခံခဲ့ပါဘူး။ Qyamat se Qyamat Tak ရုပ္ရွင္ထဲက သီခ်င္းတစ္ပုဒ္မွာ Rena ပါ၀င္သရုပ္ေဆာင္ ထားပါတယ္။ ရုပ္ရွင္ထြက္ျပီး ၂ လအၾကာမွာေတာ့ အမိရ္က သူလက္ထပ္ထားေၾကာင္း တရား၀င္ေၾကညာခဲ့ပါတယ္။ သူမွ သားသမီး ႏွစ္ဦး ထြန္းကားခ့ဲတယ္။ သူ့႕ကို ၂၀၀၂ ခုတြင္ ကြာရွင္းၿပီး ၂၀၀၅ ခုႏွစ္တြင္ Lagaan ႐ုပ္ရွင္ လက္ေထာက္ ဇာတ္ၫႊန္း ကီရန္ ရာဝ္ နဲ႔ လက္ထပ္ခဲ့ျပန္တယ္။ သူ႕မွ သားတစ္ဦး ထြန္းကားခဲ့တယ္။ 
ဒုတိယ အိမ္ေထာင္ ကီရန္နဲ ့ သားငယ္ အဇားဒ္။

သားသမီးမ်ားမွာ-
၁) သား… ဂ်ဳႏိႈက္တ္ (မိ- ရီနာဟ္)
၂) သမီး… အိရာ      (မိ- ရီနာဟ္)
၃) သား… အာဇာဒ္ ခါန္ ( မိ- ကီရန္)
ပထမဇနီးနဲ ့ရတဲ့ သား ဂ်ဳႏိႈက္တ္နဲ ့သမီး အိရာကို ရုပ္ရွင္လာျပတဲ့ အမိရ္ (၂၀၀၄)


* ႐ုပ္ရွင္ဆုနဲ႔ ဂုဏ္ထူးေဆာင္ဆု *


အသက္ ၈ ႏွစ္ အရြယ္ကတည္းက ရုပ္ရွင္ထူးခၽြန္ဆုနဲ႔အတူ အမီရ္ေပါက္စ

အမိရ္ခါးန္ Awards ပြဲေတြမတက္တာ အေစာပိုင္းကတည္းက မဟုတ္ပါဘူး။ Qayamat se Qayamat Tak ရုပ္ရွင္မွာကတည္းက အမိရ္က Film Fare Awards ရရွိခဲ့ပါတယ္။ အဲ့ေနာက္ ၉၆ မွာ အမိရ္ခါးန္ Awards ရဖို ့တစ္ေျပးခဲ့ေပမဲ့ ရွာရြခ္ ရသြားပါတယ္။ အဲ့ကတည္းက အမိရ္က Awards ရွိဳးေတြကို အယံုအၾကည္ မရွိေၾကာင္း ေၾကညာခဲ့ျပီး ဘယ္ပြဲမွ မတက္ေတာ့ပါဘူး။

သူရရိွခဲ့တဲ့ ဆုတံဆိပ္ေတြကေတာ့-
၁) Film Fare Awards…… (၉) ဆု 
၂) National Film Awards (၄) ဆု 
၃) AACTA Award (ဩစေၾတးလ်) 
၄) Douban Film Award (တ႐ုတ္) 
၅) National Treasure of India (Government of China) 
၆) Academy Award (၂၀၁၂)

ဂုဏ္ထူးေဆာင္
၁) Padma Shri (Government of India 2003)
၂) Padma Bhushan (GoI 2010)
၃) Honorary Doctorate (Moulana Azad National Urdu University) 
၄) Berlin Film Festival Jury Member (2011)
၅) Time, 100 list of most influence people in the world (2012, 2017)
၆) Member of Academy of Motion picture art and science  (2017)
၇) Master Dinanath Mangeshker Award (၂၀၁၆)
၈) Veshesh Puraskar (၂၀၁၆)
အာမီရ္  Padma Shri ဆုကို လက္ခံယူေနစဥ္


၇၅ ႀကိမ္ေျမာက္ Dinanath Mangeshkar Award ကို RSS အႀကီးအကဲ Ram Bagwat ထံမွ
လက္ခံေနစဥ္။ Shanmukhanand Hall, King Circle,   မြမ္ဘိုင္ၿမိဳ႕ (Paramod Thakur/ HT ဓာတ္ပံု)

အမိရ္ဘ၀ရဲ့ မုန္တိုင္းထန္ခ်ိန္
******************
အမိရ္ခါးန္ ရဲ့ လက္ရွိဇနီး ကီရန္နဲ ့Lagaan ရူတင္မွာေတြ ့ျပီး ခ်စ္ၾကိဳက္ခဲ့ပါတယ္။ အိမ္ေထာင္ေရး ျပသနာေတြလည္းတက္ျပီး အမိရ္နဲ ့Rena တို ့ကြာရွင္းခဲ့ပါတယ္။ Dil Chahta Hai ရိုက္ျပီး
ေနာက္ပိုင္း ၄ ႏွစ္ေလာက္ အမိရ္ ရုပ္ရွင္မရိုက္ေတာ့ပါဘူး။ျပသနာေတြေအးသြားခ်ိန္ ၂၀၀၅ မွာ ကီရန္နဲ ့လက္ထပ္ျပီး ရုပ္ရွင္ျပန္ရိုက္ခဲ့ပါတယ္။

ထိပ္တန္းမင္းသား
************
အမိရ္ဟာ လက္ရွိ အိႏိၵယ အႏုပညာေလာကရဲ့ အေအာင္ျမင္ဆံုး မင္းသားအျဖစ္ ရပ္တည္ေနပါတယ္။ျပည္တြင္း၊ျပည္ပ ၀င္ေငြ အေကာင္းဆံုး နဲ ့ေၾကးအၾကီးဆံုး မင္းသားျဖစ္ပါတယ္။ အမိရ္ရဲ့ ရိုက္ျပီးသား ရုပ္ရွင္ရဲ့ ၀င္ေငြကိုေက်ာ္ဖို ့အမိရ္ခါးန္ရဲ့ ေနာက္ထပ္ ရိုက္မဲ့ ရုပ္ရွင္ကိုသာေစာင့္ရပါမယ္လို ့ဆိုရိုးရွိပါတယ္။

ဘယ္သူနဲ ့မွမတူ
***********
အမိရ္ဟာ မင္းသားေတြအနက္ ထူးျခားသူပါ။ အိႏိၵယလို ဘာသာေရးအကဲဆတ္တဲ့ တိုင္းျပည္မွာ အမိရ္က ဟဂ်္လို ့ ေခၚတဲ့ ေဆာ္ဒီအေရဗ်ကို ဘာသာေရးခရီးသြားခဲ့ပါတယ္။ အိႏိၵယ ထိပ္တန္းသရုပ္ေဆာင္ေတြထဲမွာ ဟဂ်္ဖတ္ဖူးတဲ့ ေဘာလီး၀ုဒ္ မြတ္စလင္မ္သရုပ္ေဆာင္ တစ္ဦးမွမရွိပါ။ Dilip Kumar ကစလို ့A R Rahman အဆံုး ေဘာလီး၀ုဒ္ နံမည္ၾကီးအကုန္ ေဆာ္ဒီကို အြမၼရာလို ့ေခၚတဲ့ ဘုရားဖူး အေသးစားမွာပဲ ပါ၀င္ခဲ့ဖူးျပီး လနဲ ့ခ်ီ ၾကာတဲ့ ဟဂ်္ဘုရားဖူးကိုေတာ့ အမိရ္ခါးန္ တစ္ဦးပဲ ျပဳလုပ္ခဲ့တာပါ။

ထူးျခားျဖစ္စဥ္အခ်ိဳ ့
***************
အမိရ္ဟာ ဘယ္သြားသြား သူ ့ကိုယ္ပိုင္ ေခါင္းအံုးသယ္သြားေလ့ရွိျပီး ေရခ်ိဳးပ်င္းသူ ျဖစ္ပါတယ္။ ဒါ့အျပင္ အမိရ္ဟာ အိႏိၵယ နံမည္ေက်ာ္ေတြအနက္ အရပ္အပုဆံုး မင္းသားျဖစ္ပါတယ္။ အမိရ္ခါန္းဟာ ေဘာလီး၀ုဒ္ရဲ့ Criminal Record ကင္းရွင္းတဲ့ မင္းသားေတြအနက္ တစ္ဦးအပါအ၀င္ျဖစ္ျပီး သူ ့ဘ၀မွာ လက္ပါျပီး ရန္ျဖစ္ခဲ့တာ မရွိဘူးလို ့ဆိုပါတယ္။ ရုပ္ရွင္ေလာကမွာ မီဒီယာေတြမွာ လွဴပ္ခတ္တဲ့အထိ သူနဲ ့ျပသနာျဖစ္ဖူးသူေတြကေတာ့ Juhi Chawla နဲ ့ရွာရြခ္တို ့ျဖစ္ပါတယ္။ Juhi နဲ ့ရူတင္တစ္ခုမွာ ျငိွတာျဖစ္ျပီး ဆယ္စုႏွစ္နဲ ့ခ်ီသူတို ့၂ ေယာက္ စကားမေျပာခဲ့ပါဘူး။ ရွာရြခ္နဲ ့ကေတာ့ ရွာရြခ္ရဲ့ စကားေျပာမဆင္ျခင္မႈတခ်ိဳ ့ေၾကာင့္ အမိရ္က မီဒီယာေတြမွာ တန္ျပန္ျပီး စစ္မ်က္ႏွာဖြင့္ခဲ့ပါတယ္။ ဒါေပမဲ့ ခုေတာ့ ရွာရြခ္နဲ ့လည္း ျပန္ေျပလည္သြားျပီ ျဖစ္ပါတယ္။



* စလ္မားန္ နဲ ့ဆက္ဆံေရး *

ေဘာလီဝုဒ္ရဲ႕ ခါန္း ၾကယ္ပြင့္ (၃)ပြင့္


စလ္မားန္ခါန္းကို အမိရ္ စိတ္ဆိုးခဲ့ဖူးတာရွိပါတယ္။ သူတို ့၂ ေယာက္ ရုပ္ရွင္ အတူတူရိုက္တဲ့ Andaz Apna Apna ရုပ္ရွင္ကားမွာ စလ္မားန္က ရူတင္ပ်က္တာ၊ အခ်ိန္ေနာက္က်တာေတြ ရွိလို ့ ေနာက္ေနာင္ စလ္မားန္နဲ ့တြဲျပီး ဘယ္ကားမွ တြဲမရိုက္ေတာ့ဘူးလို ့အမိရ္က ေၾကညာခဲ့ဖူးပါတယ္။ ဒါေပမဲ့ သူတို ့၂ ေယာက္ အျပင္ ဘ၀မွာေတာ့ အခ်စ္ဆံုးသူငယ္ခ်င္းေတြျဖစ္တယ္လို ့ေျပာပါတယ္။ အမိရ္ရဲ့ အေမနဲ ့ သမီးၾကီးက စလ္မားန္ခါးန္ဖန္ပါ။စလ္မားန္ရဲ့ ရုပ္ရွင္ေတြကိုသာ အမိရ္တို ့မိသားစုလိုက္ ရံုမွာ ရုပ္ရွင္ သြားၾကည့္ၾကပါတယ္။ (အထူးသျဖင့္ အီးဒ္ပိတ္ရက္ေတြမွာ ရံုတင္ေလ့ရွိတဲ့ စလ္မားန္ခါးန္ ကားသစ္ေတြကို အမိရ္တို ့မိသားစုေဆြမ်ိဳးေတြ အေယာက္ ၅၀ ေက်ာ္ ရံုတစ္ရံုလံုး ပြဲခ်ိန္တစ္ခု ပုဒ္ျဖတ္ဌားျပီး
သြားၾကည့္ေလ့ရွိပါတယ္။


* အေပၚယံ ပရဟိတသမားမဟုတ္ *


အမိရ္ဟာ တခ်ိဳ ့ေသာ အႏုပညာရွင္ေတြလို ေပၚပင္ ပရဟိတ လုပ္ရတာ ၀ါသနာမပါတာမို ့အတြင္းက်က် စိတ္ေရာကိုယ္ပါႏွစ္ျပီး ပရဟိတ လုပ္သူျဖစ္ပါတယ္။ တကယ္ကို အိႏိၵယမွာ ဖိႏွိပ္ခံ၊ အႏိုင္က်င့္ခံ၊အခက္အခဲျဖစ္ေနသူေတြ သိန္းခ်ီထံ ဆာေဗးဆင္းျပီး Satyamev Jayate ဆိုတဲ့ ပရိုဂရမ္ကို
စတင္လွဴပ္ရွားခဲ့တဲ့အတြက္ ျဗိတိန္ ၀န္ၾကီးခ်ဳပ္ကစျပီး ကမာၻေခါင္းေဆာင္ေတြ ကိုယ္တိုင္ အမိရ္ရဲ့ ပရဟိတ
လုပ္ငန္းစဥ္ေတြကို သီးသန္ ့လာေရာက္ အခ်ိန္ေပး ေလ့လာခံခဲ့ရသလို တဖက္မွာလည္း အဲ့သလို တကယ္
အားနည္းသူေတြ၊ လိုအပ္ေနသူေတြကို ရုပ္ပိုင္း၊ နာမ္ပိုင္း အစစအရာရာ ေထာက္ပံ့ေပးခဲ့လို ့အသက္အႏာၱရာယ္ ျခိမ္းေျခာက္ခံရဆံုး အိႏိၵယမင္းသားျဖစ္ခဲ့ဖူးပါတယ္။ 
အင္အားႀကီး တူရကီ ႏိုင္ငံေတာ္အစီအစဥ္နဲ ့ဖိတ္ေခၚျပီး သမၼတအိမ္ေတာ္မွာ 
သမၼတနဲ ့ေတြ ့ခြင့္ရခဲ့တဲ့ အိႏိၵယရဲ့ ပထမဆံုး မင္းသား

အေမရိကန္ ႏိုင္ငံျခားေရးဝန္ႀကီး ဟီလာရီ ကလင္တန္နဲ႔အတူ အာမီရ္ (၂၀၀၉)

ျဗိတိန္ ၀န္ၾကီးခ်ဳပ္ အာဏာရစဥ္က သီးသန္ ့တစ္ရက္အခ်ိန္ေပးျပီး အမိရ္ရဲ့ ပရဟိတ
အလုပ္ေတြမွာ ၀င္ေရာက္ေလ့လာပါ၀င္ေပးခဲ့
အာမီရ္ ဟာ ပါကစၥတန္ PTI ေခါင္းေဆာင္မ်ားနဲ႔ ေတြ႕ဆံုစဥ္။ (၂၀၀၄-ပါကစၥတန္)

*ေကာလဟာလ*


လက္ရွိမွာေတာ့ အမိရ္ခါးန္နဲ ့ပတ္သတ္ျပီး Dangal မင္းသမီး Fatama Sana Sheikh နဲ ့ ဇာတ္လမ္းျဖစ္ေပၚေနတယ္ ဆိုျပီး ေကာလဟာလတခ်ိဳ ့ ထြက္ေပၚေနပါတယ္။ Fatama က ခုႏွစ္ထဲ
ထြက္မဲ့ Thugs Of Hindustan ရုပ္ရွင္မွာ ေခါင္းေဆာင္မင္းသမီးပါ။ Katrina က အရံမင္းသမီးပါ။ (သီခ်င္း ၂ပုဒ္မွာ အဓိက ပါ၀င္တာကလြဲရင္ Katrina ေနရာက အရံေနရာျဖစ္ပါတယ္။)
Thugs Of Hindustan ရူတင္က ဆဲလ္ဖီ


* ဘာသာေရးဆိုင္ရာ ထူးျခားခ်က္ *


အမိရ္ခါးန္ရဲ့ ထူးျခားခ်က္ေတြ အမ်ားၾကီးရွိတဲ့အနက္ ေနာက္ဆံုး ထူးျခားမႈတစ္ခုကို တင္ျပရင္းပို ့စ္ကို နိဂံုးခ်ဳပ္ပါမယ္။ အမိရ္ဟာ ကမာၻတလႊားက ဘာသာတရားတိုင္းရဲ့ ေက်ာ္ၾကားတဲ့ ဘာသာေရး
အေဆာက္အဦး(ဘုရားေက်ာင္း)ေတြကို တိတ္တိတ္ေလး သြားျပီး လည္ပတ္ေလ့ရွိပါတယ္။ သူ မေရာက္ဖူးတဲ့ ဘာသာတရားတစ္ခုခုရဲ့ ဘာသာေရး အထင္ကရ ေနရာမရွိဘူးလို ့အမိရ္ကဆိုပါတယ္။
သူ ့အေနနဲ ့ဘာသာတရားတိုင္းကို ေလးစားတန္ဖိုးထားတဲ့အတြက္ သူ အဲ့သလို သြားေရာက္ လည္ပတ္ရတာကို ႏွစ္သက္ျပီး ဘုရားေက်ာင္းေတြေရာက္တိုင္း သူအလွဴဒါနျပဳလုပ္တယ္လို ့ဆိုပါတယ္။
ဘုရားေက်ာင္းေတြ သြားတဲ့အခါ သူ ့ရဲ့ ေက်ာ္ၾကားမႈေၾကာင့္ လူေတြအံုလာျပီး ဘုရားေက်ာင္းလာသူေတြ အေႏွာက္အယွကျ္ဖစ္မွာ မလိုလားလို ့သူတိတ္တိတ္ေလးပဲ သြားေလ့ရွိတယ္လို ့ဆိုပါတယ္။
အမိရ္ခါးန္ဟာ မြတ္စလင္မ္ေတြရဲ့ အထင္ကရ မကၠာေက်ာင္းေတာ္၊ ဆိခ္ေတြရဲ့ အထင္ကရေက်ာင္းေတာ္Golden Temple, ဟိႏၶဴ၊ဂ်ဴး၊ ခရစ္ယာန္ဘာသာ၀င္တို ့ရဲ့ အထင္ကရ ဘုရားေက်ာင္းေတြအပါအ၀င္ ဗုဒၶဘာသာ၀င္တို ့ရဲ့ အထင္ကရျဖစ္တဲ့ ဗုဒၶဖြားျမင္ရာ နီေပါႏိုင္ငံ
Lumbini ထိေအာင္ သြားေရာက္ခဲ့ဖူးသူျဖစ္ပါတယ္။
ဟဂ်္ဘုရာဖူး မကၠဟ္ေရႊၿမိဳ႕ေတာ္၌ အမီရ္

နီေပါႏိုင္ငံ ဗုဒၶဖြားျမင္ရာ လုမၺနီ ဥယာဥ္ေတာ္ကို ေရာက္ရွိစဥ္


(ပံုတင္ေပးထားပါတယ္။)
Happy Birthday Aamir!!
#MTN

ကိုးကား
1. Aamir Khan Wiki
2. Bollywood Updated News Myanmar 
3. NDTV news / Aamir Khan 52th Birthday 
4. The Hindustan Times


Wednesday, March 7, 2018

အလင္းမဲ့ကမၻာ





🌛 အလင္းမဲ့ကမၻာ 🌜



အရာခပ္သိမ္း
ရႊင္လန္းစိမ္း
နင္ငါ့ကို ခ်စ္ခဲ့ခ်ိန္။

အဖက္ဖက္ခင္
လွၾကည္လင္
နင္ၿပံဳးတဲ့ ထိုအခ်ိန္။

အရာရာဟာ
ခ်ဳိၿမိန္းသာ
နင္ငါ့ကို နမ္းတဲ့ခါ။

အံုးမိႈင္းမည္းသြား
နတ္ဆိုးပမာ
နင္မရိွတဲ့ ဒီကမၻာ…။
______________________

-႐ိုေသြး ၂၃-၈-၂၀၁၁ (အဂၤါ)

Saturday, March 3, 2018

ပါလီမန်အမတ် မစ္စတာ အမ်အေ ဂဖားရ် (၁၉၁၀-၁၉၆၆)နှင့် သူ့မှတ်တမ်း


ပါလီမန်အမတ် မစ္စတာ အမ်အေ ဂဖားရ် (၁၉၁၀-၁၉၆၆)နှင့် သူ့မှတ်တမ်း

အာရ်ကာန်ပြည်၊ ဘူးသီးတောင်မြို့နယ် ရွက်ညိုတောင် ကျေးရွာ၌ ၁၉၁၀ ပြည့်နှစ်တွင် ဖခင် ဦးအူလာမျာမှ သားတော် တစ်ပါး ဖွားမြင်ခဲ့သည်။ သူက အခြားမဟုတ် နောင်တွင် မိမိလူမျိုးစုအခွင့်အရေးအတွက် ရှေ့ဆောင်ကြိုးပမ်းမည့် မစ္စတာ ဂဖားရ်ပင် ဖြစ်သည်။ 


အမည်ရင်းမှာ အဗ္ဗဒူ ဂေါဖ္ဖားရ် ဖြစ်သည်။ သူသည် အိစ္စလာမ် သာသနာ့ပညာဘွဲ့ကို ၁၉၂၄ ခုနှစ်တွင် စစ်တကောင်းမြို့ အဆင့်မြင့်ပညာ မဒ်ရဆာကျောင်းမှ ရယူခဲ့သည်။ B.A ဝိဇ္ဇာဘွဲ့ကို ၁၉၃၀ ပြည့်နှစ်တွင် ဒါက္ကာတက္ကသိုလ်မှ လည်းကောင်း၊ B.T(B.Ed) ဘွဲ့ကို ၁၉၃၃ ခုတွင် အာလီဂေါ့ရ် မုစ်လိမ် တက္ကသိုလ်၊ အိန္ဒိယမှ လည်းကောင်း အသီးသီး ရယူခဲ့သည်။ 

ပညာသင်ယူပြီးနောက် စစ်တွေခရိုင် ကျောင်းကြီးကြပ်ရေးမှူး (District Inspector of School - DIS) အဖြစ် ၁၉၃၁ ခုနှစ်မှ ၁၉၄၂ ခုနှစ်အထိ တာဝန် ထမ်းဆောင်ခဲ့သည်။ ဘူးသီးတောင် မြို့နယ်အုပ် ( Township Officer-T.O) အဖြစ် ၁၉၄၄ ခုမှ ၁၉၄၅ ခုအထိ တာဝန်ထမ်းဆောင်ခဲ့သည်။ 

၁၉၄၇ ခုနှစ်တွင် ဘူးသီးတောင် မဲဆန္ဒနယ်မှ တိုင်းပြုပြည်ပြု လွတ်တော်အမတ်အဖြစ် ရွေးချယ်ခြင်း ခံခဲ့ရသည်။ မြန်မာနိုင်ငံ လွတ်လပ်ရေးရခဲ့သည့်တိုင်အောင် ကိုယ်ကျိုးမဖက် တာဝန်ကျေပွန်ခဲ့သည်။ ၁၉၄၈ ခု၊ ဇန္နဝါရီလ ၄ ရက်တွင် ပြည်ထောင်စု မြန်မာနိုင်ငံတော် လွတ်တော်အမတ်အဖြစ် ကျိန်သစ္စာဆိုခဲ့သည်။ အထက်လွတ်တော် အမျိုးသားရေးရေးရာ ဆုံလည်အမတ် အဖြစ်လည်း ၁၉၅၂ ခု နှင့် ၁၉၅၆ ခု ရွေးကောက်ပွဲ နှစ်ခုစလုံးတွင် စစ်တွေခရိုင် မြောက်ဘက် မဲဆန္ဒနယ် (မောင်တော၊ ဘူးသီးတောင်)မှ ကိုယ်စားလှယ်အဖြစ် ရွေးချယ်တင်မြှောက်ခြင်း ခံခဲ့ရသည်။ နု-တင် အစိုးရ လက်ထက်တွင် ကျန်းမာရေးဝန်ကြီးဌာန ပါလီမန်အတွင်းဝန် အဖြစ်လည်း တာဝန်ထမ်းဆောင်ခဲ့သည်။ ၁၉၄၉ ခု ဇူလိုင်လ ၂၉ ရက်တွင် နိုင်ငံတော်သမ္မတက သူ့ကို ရခိုင် စုံစမ်းရေး ကော်မရှင် (၇) ဦးအနက် အဖွဲ့ဝင် တစ်ဦး အဖြစ် ခန့်အပ်ခဲ့သည်။ 




အမတ်ကြီးသည် ရိုဟင်ဂျာစာပေ ထွန်းကားရေး အတွက်လည်း အပတ်တကုတ် ကြိုးပမ်းခဲ့သည်။ စာဆိုကျော် အာလာအိုလ်(၁၆၀၇-၁၆၈၀) စသည့် ထင်ရှားသော အာရ်ကာန် နန်းတွင်းစာဆိုကျော်တို့ သုံးစွဲရေးသားခဲ့သည့် အာရဗီအခြေခံ အရေးအသားစနစ်ကို ပြန်လည်အသက်သွင်းရန် နေ့ညမနား ကြိုးပမ်းဆောင်ရွက်ခဲ့သည်။ ပညာတတ်လူငယ်အချို့ကို မိမိအိတ်မှ လစာပေးပြီး ရိုဟင်ဂျာစာပေ သင်ကြားပို့ချစေခဲ့သည်။ ဘူးသီးတောင်မြို့၏ မီးရှူးတန်ဆောင်ဖြစ်သော အထက်တန်းကျောင်းကြီးနှင့် ဝေဒနာရှင်တို့၏ ကိုးကွယ်ရာဖြစ်သော ဆေးရုံကြီးသည်လည်း အမတ်ကြီး၏ ကြိုးပမ်းမှုမှ ပေါ်ထွန်းလာခြင်းဖြစ်သည်။ 

၁၉၄၆ ခု ရခိုင်ခရီးစဉ်၌ ဗိုလ်ချုပ်အောင်ဆန်းနှင့်အတူ အမတ်ကြီး အမ်၊အေ ဂဖား ကို တွေ့ရစဉ်။(ယာဘက်မှ ဒုတိယမြောက်)


၁၉၆၂ ခုနှစ် ဧပြီလ ၁၉ ရက် ရန်ကုန်မြို့တွင် ချစ်မြေ အာရ်ကာန်နှင့် ချစ်လူမျိုး ရိုဟင်ဂျာတွေအား ဂုတ်ဘိုင် နှုတ်ဆက်ပြီး အလ္လာဟ်အမိန်တော် ခံယူလေသည်။ အတွင်းဝန်ကြီး၏ ရုပ်ကလပ်ကို မင်္ဂလာတောင်ညွှန့်မြို့၊ ကန်တော်ကလေး မူဆလင်သုသာန် ၌ ဒဖနာမြှပ်နှံခဲ့သည်။ 



အမတ်ကြီးကို ဂုဏ်ပြုသည့်အနေဖြင့် ဘူးသီးတောင်မြို့၌ ရပ်ကွက် တစ်ခုကို  ‘ဂဖား ရှားပ် အော်ရ် စမော်နီ’ [အမတ်ကြီး ဂဖား ခွဆုံ] ဟု သူ့အမည်ကို စွဲ၍ ယနေ့တိုင် ခေါ်နေဆဲဖြစ်သည်။ 

-------------+++--------------+++--------------

         ၁၉၄၉ ခုနှစ်၊ မေလ ၂၄ ရက်နေ့တွင် ဒေသန္တရ ကိုယ်ပိုင်အုပ်ချုပ်ခွင့် စုံစမ်းရေး ကော်မရှင် (Regional Autonomy Enquiry Commission) အား တင်ပြခဲ့သည်ကို သူ့၏ မှတ်တမ်းတွင် အတိအလင်း တွေ့ရပါသည်။ ယင်းမှာ-  

“ကျွန်ုပ်တို့  ရိုဟင်ဂျာသည် အာရကန်ပြည်၏ သီးခြား လူမျိုးတစ်မျိုးဖြစ်သည်။ ရခိုင်နှင့် ရိုဟင်ဂျာတို့မှာ အာရကန်ပြည်၏ အဓိက လူမျိုးနှစ်စု ဖြစ်ကြောင်းကို ယုံကြည်ထိန်းသိမ်းထားသည်။ ကျွန်တော်တို့သည် လူဦးရေ ၉ သိန်းခန့်ရှိသည့် လူမျိုးတစ်မျိုးဖြစ်သည်။ သီးခြား လူမျိုးတစ်မျိုးအဖြစ် သတ်မှတ်နိုင်ရန် လိုအပ်သည့် လူဦးရေ အရေအတွက်ထက်ပင် ကျော်လွှားနေပါသည်။ ထို့အပြင် လူမျိုးအဖြစ် ရပ်တည်နိုင်သည့်  မည်သည့် မည်သည့် အဓိပ္ပာယ်ဖွင့်ဆိုချက်အရ မဆို မိမိတို့သည် ပြည့်စုံလျက်သာ ရှိနေသည်။  ကျွန်ုပ်တို့၏ မတူကွဲပြားသော ယဉ်ကျေးမှု ဓလေ့ထုံးစံ၊ ဘာသာစကား၊ စာပေ၊ အနုပညာ၊ ဗိသုကာ လက်ရာ၊ အမည်နာမ ပေးတွင်စနစ်၊ ဝတ်စားဆင်ယင်မှု၊ ကိုယ်ကျင့်တရား၊ အသိဉာဏ်ပညာ၊ တရားဝင် ဥပဒေ၊ အကောက်ခွန်များ၊  ပြက္ခဒိန်၊ ရိုးရာ၊ သမိုင်း စသည့် တို့ဖြင့် ပြီးပြည့်စုံနေပါသည်။ အချုပ် ပြောရလျှင်  ကျွန်တော်တို့သည် မိမိတို့၏ မတူကွဲပြားသော ဘဝ အနေအထိုင်နှင့် သီးခြား  ရှူမြင်သုံးသပ်နိုင်သည့်  လူမျိုးတစ်မျိုးအဖြစ် ရပ်တည်နေသည်။ အပြည်ပြည်ဆိုင်ရာ စည်းမျဉ်းဥပဒေသ အားလုံးအရ  ရိုဟင်ဂျာသည်  အာရကန်ပြည်၏ သီးခြား လူမျိုး တစ်မျိုးဖြစ်ပါသည်။” 
ဟူ၍ ကော်မရှင်ထံ တင်ပြချက်ကို မှတ်တမ်းတင် ဖော်ပြထားပါသည်။  


📝 ပါလီမန်အမတ်လောင်းနှင့် အမတ်ဟောင်း မစ္စတာ အမ်၊ အေ၊ ဂဖားက မြန်မာနိုင်ငံတော်အစိုးရ အတွင်းဝန်ချုပ်ထံ ဆက်သခဲ့သော သဝဏ်လွှာ  📝


မှတ်တမ်းစာအုပ်မှ မူရင်းသဝဏ်လွှာကို ဒီနေရာကနေ ဒေါင်းယူပါ။ 

၁၉၄၂ ခုနှစ်တွင် တရားဝင်သော အစိုးရသည် ရခိုင်တိုင်းမှ ထွက်ခွာသွားသောအခါ  စစ်တွေခရိုင် အရေးပိုင်ဟောင်း သေသူ ဦးကျော်ခိုင်အား ရခိုင်တတိုင်းကို စောင့်ရှောက်ရန် တာဝန်ပေးထားခဲ့ပါသည်။ သူသည် ရခိုင်လူကြီးများကို လက်နက်များ ဝေငှာပေးသောကြောင့် လူမျိုးရေး အဓိကရုဏ်းဖြစ်ရာ၊ စစ်တွေ ခရိုင်ရှိ ကျောက်တော၊ မြို့ဟောင်း၊ ပေါက်တော၊ ပုဏ္ဏားကျွန်း၊ မင်းပြား၊ ရသေ့တောင်နှင့် ကျောက်ဖြူခရိုင် မြေပုံမြို့နယ်များမှ မွတ်စလင် (ရိုဟင်ဂျာ လူမျိုး) များကို မောင်းထုတ်ခဲ့လေသည်။ ထိုအဓိကရုဏ်းတွင် မသေဘဲ ကျန်ရစ်ခဲ့သူများသည် ရိုဟင်ဂျာ အုပ်ကွက်ဖြစ်သော မောင်းတော၊ ဘူးသီးတောင်မြို့နယ်များ၌ ခိုလှုံနေကြ၍၊ အထက်ပါ မြို့နယ်များမှ မောင်းထုတ်သူများသည် ၎င်းမြို့နယ် ( မောင်းတော၊ ဘူးသီးတောင်) များ၌ အဓိကရုဏ်းကို လှုံဆော်ခဲ့ကြပါသည်။ ထို့ကြောင့် လူနည်းစုဖြစ်သော ရခိုင်လူမျိုးများသည် ၎င်းမြို့နယ် နှစ်နယ်မှ ကြောက်လန့်၍ ထွက်ပြေးခဲ့ကြပါသည်။ အချို့မှာ ကျောက်တောနှင့် မြို့ဟောင်းမြို့နယ်များသို့ လာရောက်၍၊ အချို့မှာ အထူးသဖြင့် မောင်းတောမြို့နယ်မှ ရခိုင်များကို အိန္ဒိယသို့ ခေါ်ဆောင်သွားခဲ့၍ ဒီနာဇ်ပုရ် ဒုက္ခသည်စခန်းတွင် ထားခဲ့ကြပါသည်။ ဗြိတိသျှအစိုးရသည် ၎င်းမြို့နယ်ကို ပြန်လည် သိမ်းပိုက်သောအခါ၊ အထက်ပါ မြို့နယ်များမှ မောင်းထုတ်ခဲ့သော ရိုဟင်ဂျာအချို့သည် မောင်းတော၊ ဘူးသီးတောင်မြို့နယ်များတွင် ခိုလှုံကြ၍ အချို့မှာ အိန္ဒိယသို့ ထွက်သွားခဲ့ကြပါသည်။ အိန္ဒိယသို့ ထွက်သွား ခဲ့သူများအနက် နှစ်သောင်းလေးထောင် (၂၄ ၀၀၀) (ဝါ) နှစ်သောင်းခြောက်ထောင် (၂၆ ၀၀၀) လောက်ကို ဒုက္ခသည်စခန်းများ၌ ထား၍ ကျန်အချို့မှာ စစ်တကောင်းနယ်တွင် ကွဲပြားဖြန့်ကြဲ နေထိုင်ကြပါသည်။ ဗြိတိသျှအစိုးရသည် ရခိုင်တိုင်းကို ပြန်လည် သိမ်းပိုက်လိုက်သောအခါ စစ်တကောင်းနယ်တွင် ကွဲပြားနေထိုင်ခဲ့သော ရိုဟင်ဂျာတို့သည် မောင်းတော၊ ဘူးသီးတောင်မြို့နယ်များသို့ ပြန်လာ၍၊ ခေတ္တ နေထိုင်သူများကို  အိန္ဒိယနှင့် ပါကစ္စတန်ပြည်များမှ အသစ်ဝင်ရောက်လာကြသည်ဟု ပြောဆိုကြသော် လည်း၊ အမှန်မှာ ထိုသူများသည် ရခိုင်ပြည်တောင်ပိုင်းမှ မောင်းထုတ်ခြင်းခံရသူများသာ ဖြစ်ကြပါသည်။ ဒုက္ခသည်စခန်းမှ များစွာသော ရိုဟင်ဂျာ ဒုက္ခသည်များကို စစ်တွေမြို့သို့ ယူဆောင်လာသော်လည်း၊ ယခုထက်တိုင် သူတို့၏ မူလနေရာဟောင်းများတွင် ပြန်လည်နေရာချထားခြင်း မရှိခဲ့ပေ။ သို့ရာတွင် ဒုက္ခသည် ၆၀၀၀ တို့ကို  ဒုက္ခသည်စခန်းတစ်ခု၌ ပစ်ထားခဲ့ပါသည်။  ထိုဒုက္ခသည်များနှင့် ပတ်သက်၍ အိန္ဒိယအစိုးရ စေလွှတ်ခဲ့သော မစ္စတာ ဂန်ဒီဝီယာ (Gundevia) သည် ရခိုင်တိုင်းမင်းကြီး ဦးကျော်နှင့် တွေ့ဆုံ၍ အိန္ဒိယအစိုးရသည် ဒုက္ခသည်စခန်းများကို ပိတ်ရန်  ဆုံးဖြတ်ခဲ့ကြောင်းနှင့် ထိုဒုက္ခသည် ၆၀၀၀ ကို စစ်တွေမြို့သို့ ပြန်ပို့ဆောင်လိုကြောင်း ပြောပြရာ၊ တိုင်းမင်းကြီး ဦးကျော်သည် ရခိုင်လူမျိုးဖြစ်သောကြောင့် ထိုရိုဟင်ဂျာ ဒုက္ခသည်များကို ပြန်မယူ၊ လက်မခံနိုင်ကြောင်း ငြင်းဆိုခဲ့ခြင်း ဖြစ်ကောင်း ဖြစ်ပေလိမ့်မည်။ ၁၉၄၂- ခုနှစ်တွင် မောင်တော၊ ဘူးသီးတောင်မြို့နယ်များ၌ ခိုလှုံခဲ့ကြသော ဒုက္ခသည်များကိုလည်း သူတို့၏ မူလနေရာများတွင် ပြန်လည်နေရာ ချထားခြင်းမရှိပေ။ 

ျမန္မာအစိုးရသည္ စင္မ္လာ (Simla) မွ ျပန္လာေသာအခါ၊ CASB ေခတ္မွာ အမႉးထမ္းခဲ့ေသာ မြတ္စလင္မ္ အထူးသျဖင့္ ႐ိုဟင္ဂ်ာ အရာရိွမ်ားကို ေျပာင္းေရႊ႕ခဲ့၍ ၎တို႔၏ ေနရာတြင္ ရခိုင္အရာရိွမ်ားကို ေျပာင္းေရြ႕ခန္႔ထားခဲ့ၾကပါသည္။ ဤကဲ့သို႔ မေျပာင္းေရႊ႕မီ V Force မ်ားႏွင့္ ပုလိပ္အမႉးထမ္းမ်ား အခ်ဳိ႕ကိုလည္း အလုပ္မွ ထုတ္ပစ္ခဲ့ၾကပါသည္။ ရခိုင္တိုင္းကို ျပန္လည္ သိမ္းပိုက္သည့္ အခါမွ စ၍ ရခိုင္တိုင္းေတာင္ပိုင္းတြင္ အခြန္ေတာ္ ေကာက္ခံျခင္း မရိွခဲ့ပါ။ ဘူးသီးေတာင္ၿမိဳ႕နယ္မွ ဇဖားရ္ ဆိုသူသည္ ရခိုင္ေျပာက္က်ားမ်ားႏွင့္ အဆက္အသြယ္ ျပဳလုပ္၍ အလုပ္မွ ထုတ္ပစ္ခဲ့ေသာ အခ်ဳိ႕ V Force မ်ားႏွင့္ ပုလိပ္အမႉးထမ္းမ်ားတို႔သည္လည္း ထို ရခိုင္ေျပာက္က်ားမ်ားႏွင့္ ပူးေပါင္းခဲ့သည္ဟု ေျပာဆိုၾကပါသည္။ ရခိုင္တိုင္း ေတာင္ပိုင္းတြင္ ရခိုင္လူမ်ဳိးမ်ားသည္ အခြန္ေတာ္မ်ား မေပးခဲ့ေသာ္လည္း ေမာင္းေတာ၊ ဘူးသီးေတာင္ၿမိဳ႕နယ္မ်ားမွ ႐ိုဟင္ဂ်ာမ်ားသည္ အခြန္ေတာ္မ်ားကို အစဥ္အၿမဲ ေပးၾကပါသည္။ ထို မေက်မနပ္ျဖစ္ေသာ လူမ်ားသည္ ရခိုင္ေျပာက္က်ားမ်ားႏွင့္ ပူးေပါင္းေသာအခါ  ပထမဆံုး ဒါးျပတိုက္ လုယူပြဲ စတင္ခဲ့ၾကပါသည္။ ထို႔ေနာက္ ရခိုင္လူမ်ဳိး ပုလိပ္အရာရိွမ်ားက  ေမာင္းေတာ၊ ဘူးသီးေတာင္ၿမိဳ႕နယ္မ်ားရိွ ႐ိုဟင္ဂ်ာမ်ားထံမွ ပိုက္ဆံေၾကးေငြ ေကာက္ၾကသည့္အျပင္၊ ဆန္စပါး ခိုးထုတ္မႈႏွင့္ ပတ္သက္၍ ပုဒ္မ (၅) ႏွင့္ ဖမ္းဆီးမည္ဟု ၿခိမ္းေျခာက္ၾကပါသည္။ ေျပာက္က်ားမ်ားႏွင့္ ပူးေပါင္းခဲ့သူ အခ်ဳိ႕သည္ လူထု အကူအညီရရန္ ႏိုင္ငံေရးလႈပ္ရွားမႈမ်ား ျပဳလုပ္လာခဲ့ၾကပါသည္။ ၁၉၄၈ ခုႏွစ္၊ ေဖေဖာ္ဝါရီလမွစ၍ ထိုလႈပ္ရွားမႈသည္ ေမာင္းေတာ ဘူးသီးေတာင္ၿမိဳ႕နယ္မ်ားမွာ အေျခစိုက္လာရာ ယခုအခါ ပိုမိုျပင္းထန္ၿမဲၿမံ ျဖစ္လာပါသည္။ ရခိုင္အမ်ဳိးသား ထြန္ေအာင္ျဖဴသည္ ထိုမြတ္စလင္ ေျပာက္က်ားတို႔ ေခါင္းေဆာင္ျဖစ္ခဲ့ ပါသည္။ ျပည္ေထာင္စု ျမန္မာႏိုင္ငံေတာ္အတြက္  နတ္ျမစ္အေရွ႕ဘက္ ကမ္းေျခမွ ကုလားတန္ျမစ္ အေနာက္ဘက္ ကမ္းေျခအတြင္း အရပ္ေဒသမ်ားကို ျပည္နယ္တစ္နယ္အျဖစ္ သတ္မွတ္ေပးရန္ ေတာင္းဆိုေသာ ထိုေျပာက္က်ားအဖြဲ႕မွ ေတာင္းဆိုခ်က္ အခ်ဳိ႕ကို အစိုးရအရာရိွမ်ားက လက္ခံခဲ့ပါသည္။ ေျပာက္က်ားတို႔သည္ ပထမေတာင္းဆိုခ်က္ကို ႐ုပ္သိမ္းလွ်င္ အစိုးရသည္ အျခားေတာင္းဆိုခ်က္မ်ားကို စိတ္ပါလက္ပါ ေပးလိမ့္မည္ဟု ေမာင္းေတာၿမိဳ႕နယ္- နယ္ပိုင္ ႏွင့္ ဘူးသီးေတာင္ၿမိဳ႕နယ္- ၿမိဳ႕ပိုင္တို႔က စစ္ေတြခ႐ိုင္ အေရးပိုင္၏ ၫႊန္ၾကားခ်က္အရ မစၥတာ ဗရွား၊ မစၥတာ ဟဘီဘုလႅာ၊ မစၥတာ ဖ႐ုက္အဟ္မဒ္၊ မစၥတာ ႏိုရ္အဟ္မဒ္ ႏွင့္ ကြၽန္ေတာ္ (ေအ၊ ဂဖားရ္) တို႔အား ေျပာက္က်ား ေခါင္းေဆာင္မ်ားႏွင့္ ေတြ႕ဆံု ေဆြးေႏြးရန္ ေတာင္းပန္ ေျပာဆို ေမးျမန္းသည့္အတိုင္း၊ ကြၽန္ေတာ္တို႔သည္လည္း ၎၌ ဇြန္လေလာက္တြင္ ဘူးသီးေတာင္ၿမိဳ႕အပိုင္ ေက်ာင္းေတာင္ရြာ၌ ဇဖားရ္ႏွင့္ ထြန္းေအာင္ျဖဴတို႔ႏွင့္ ေတြ႕ဆံုေဆြးေႏြးရာ  ဇဖားရ္က သူတို႔သည္ ရခိုင္ကြန္ျမဴနစ္မ်ားႏွင့္ သေဘာတူ စာခ်ဳပ္ခ်ဳပ္၍ ဖဆပလ အစိုးရ ျဖဳတ္ခ်လွ်င္ ကုလားတန္ျမစ္အေနာက္ပိုင္း အရပ္ေဒသမ်ားကို သူတို႔က အုပ္ခ်ဳပ္၍  က်န္ရခိုင္ျပည္ကို ရခိုင္ေျပာက္က်ား မ်ားက အုပ္ခ်ဳပ္လိမ္မည္ဟု ေျပာျပခဲ့ပါသည္။ သို႔ေသာ္ ကြၽန္ေတာ္တို႔သည္ သူတို႔၏ ရည္ရြယ္ခ်က္ကား ရယ္ဖြယ္ျဖစ္၍ အဓိပၸာယ္မရိွေၾကာင္း သူ႔ကို ၫႊန္ၾကားတိုက္တြန္း ျပန္ေျပာရာ ဇဖားရ္သည္ အျခား ေတာင္းဆိုခ်က္မ်ားျဖစ္ေသာ တိုင္းရင္းသား၊ သူတို႔၏ လြတ္ၿငိမ္းခ်မ္းသာခြင့္၊ သူတို႔၏ အဖြဲ႕သည္ တရားဝင္ေသာ အဖြဲ႕ျဖစ္ျခင္းႏွင့္ အူရ္ဒူစာကို ပဏာမအျဖစ္ ေက်ာင္းမ်ားတြင္ ျပျခင္းမ်ားကို အစိုးရက စိတ္ပါလက္ပါ အျပည့္အစံု အခြင့္အေရး အသိအမွတ္ျပဳေပလွ်င္၊ ပထမ ေတာင္းဆိုခ်က္ကို ရုပ္သိမ္း၍ သူတို႔သည္လည္း အဝင္ခံၾကမည္ဟု ေျပာဆိုခဲ့ေလသည္။ သို႔ရာတြင္ သူတို႔၏ ပါတီတစ္ခုက ဤကဲ့သို႔ သေဘာတူ ေတြ႕ဆံုေဆြးေႏြးေနခဲ့ေၾကာင္းကို မသိဘဲ ဒါးျပတိုက္သျဖင့္ ႏွစ္ဘက္စလံုးမွ သေဘာတူခ်က္မ်ား ဖ်က္ဆီးခဲ့ေလသည္။ ထို႔ေနာက္ ကြၽန္ေတာ္တို႔သည္ ေဆြးေႏြးခ်က္ အေၾကာင္းမ်ဳိးစံုကို ေမာင္းေတာၿမိဳ႕နယ္ နယ္ပိုင္ထံ အေၾကာင္းၾကား အစီရင္ခံခဲ့ပါသည္။ 

ယခုအခါ သီးျခားခ႐ိုင္တစ္ခု ေတာင္းဆိုသည္မွာ ႐ိုဟင္ဂ်ာတို႔သည္ သူတို႔၏ ညီရင္းအစ္ကိုသဖြယ္ျဖစ္ေသာ ရခိုင္လူမ်ဳိးတို႔၏ လက္ေအာက္တြင္ သင့္ေတာ္ေလ်ာက္ပတ္ေသာ ျပဳစု သံုးသပ္ ေဝဖန္မႈမရျခင္း၊ ၁၉၄၂ ခုႏွစ္တြင္ ျဖစ္ပြားခဲ့ေသာ အဓိက႐ုဏ္းကို မနာလိုတြန္႔တို မိစၧာရစိတ္ရိွေသာ အခ်ဳိ႕ရခိုင္အရာရိွမ်ားကို ေမာင္းေတာ၊ ဘူးသီးေတာင္ၿမိဳ႕နယ္မ်ား၌ ခန္႔ထားျခင္းႏွင့္ ၎တို႔၏ မတရား ႏိွပ္စက္ ကလူျပဳမူျခင္း တို႔ေၾကာင့္ ႐ိုဟင္ဂ်ာတို႔သည္ ရခိုင္လူမ်ဳိး၏ တရားမွ်မႈအေပၚ ယံုၾကည္မႈ ကင္းလြတ္ေသာေၾကာင့္ ျဖစ္ပါသည္။ ၁၉၄၇ ခုႏွစ္တြင္ မစၥတာ ဆုလတန္အဟ္မဒ္ႏွင့္ ကြၽန္ေတာ္သည္ ျပည္သူ႕လႊတ္ေတာ္ အမတ္မ်ားျဖစ္ေသာ အခါ ျပည္ေထာင္စု ျမန္မာႏိုင္ငံေတာ္ လက္ေအာက္တြင္ သီးျခားျပည္နယ္ ေတာင္းဆိုရန္ မဲဆႏၵရွင္ အေပါင္းတို႔က ၫႊန္ျကားခဲ့ေသာ္လည္း ကံမေကာင္း အေၾကာင္းမလွ၍ မသမာေသာ လူတစ္စု၏ လုပ္ႀကံမႈေၾကာင့္ ဗိုလ္ခ်ဴပ္ေအာင္ဆန္းႏွင္တကြ အေပါင္းအပါတို႔သည္ က်ဆံုးခဲ့သျဖင့္၊ ကြၽန္ေတာ္တို႔သည္ ျပည္ေထာင္စု အင္အားယုတ္ေလ်ာ့မည္ စိုးရိမ္ေၾကာင့္ၾကေသာေၾကာင့္ ၊ သီးျခားျပည္နယ္ မေတာင္းခဲ့ပါ။ သို႔ရာတြင္ ယခုအခါ ရခိုင္လူမ်ဳိးတို႔ကို ျပည္ေထာင္စုျမန္မာႏိုင္ငံေတာ္ လက္ေအာက္တြင္ ေဒသအလိုက္ ကိုယ္ပိုင္အုပ္ခ်ဳပ္ေရး (ဝါ) သီးျခားျပည္နယ္ေပးလွ်င္ ကြၽန္ေတာ္တို႔သည္ ေနာင္အခါတြင္ ရခိုင္တို႔၏ အေႏွာင့္ အယွက္ ဒုကၡေပးမႈမ်ားမွ လြတ္ေျမာက္ခ်မ္းသာခြင့္ ရႏိုင္ေအာင္ ကြၽန္ေတာ္တို႔အားလည္း သီးျခား  ျပည္နယ္ (ဝါ) သီးျခား ခ႐ိုင္တစ္ခု သတ္မွတ္ေပးရန္ မေတာင္းဘဲ မေနႏိုင္ေတာ့ပါ။ အကယ္၍ သီးျခားျပည္နယ္တစ္ခု မသတ္မမွတ္ေပးလွ်င္၊ ရခိုင္လူမ်ဳိးမ်ား၏ လက္ေအာက္တြင္ ကြၽန္ေတာ္တို႔သည္  တရားမွ်တမႈႏွင့္ ညီမွ်မူမ်ား ရရိွလိမ့္မည္ မဟုတ္ပါ။ ႏိုင္ငံေတာ္ ဝန္ႀကီးခ်ဳပ္သည္ ေမာင္းေတာ၊ ဘူးသီးေတာင္ၿမိဳ႕မ်ားသို႔ အလည္အပတ္ သြားမည္ဟု ေၾကညာခဲ့ေသာအခါ၊ ထိုေဒသရိွ ေျမာက္ျမားစြာေသာ လူတို႔သည္ ဝန္ႀကီးခ်ဳပ္ကို ႀကိဳဆိုရန္ လာေရာက္ခဲ့ၾကပါသည္။ သို႔ေသာ္ ေလယ်ာဥ္ပ်ံ မရိွေသာေၾကာင့္ ဝန္ႀကီးခ်ဳပ္ မသြားျဖစ္သျဖင့္၊ ထိုလူတို႔သည္ ေမွ်ာ္လင့္ခ်က္ပ်က္၍ စိတ္ပ်က္ အားငယ္ျဖစ္ခဲ့ပါသည္။ ထို႔ေၾကာင့္ ဝန္ႀကီးခ်ဳပ္အား ရန္ကုန္တြင္ သဝဏ္လႊာ တင္ဆက္ရန္ ဂ်မီယတ္တူလ္ အူေလမာ အဖြဲ႕မွ မစၥတာ စူလတန္အဟ္မဒ္၏ ဇနီး (ပါလီမန္အမတ္)၊ ေအ ဂဖားရ္ (ပါလီမန္အမတ္)၊ မစၥတာ ဖ႐ုက္အဟ္မဒ္ - ဘီအက္စီ၊ ဘီအလ္ႏွင့္  မစၥတာ ႏူရ္အဟ္မဒ္ ( ဂ်မီယတ္တူလ္ အူေလမာ အဖြဲ႕၏ အေထြေထြ အတြင္းေရးမႉး ) တို႔ကို ကိုယ္စားလွယ္ အျဖစ္ ေစလႊတ္ခဲ့ ပါသည္။ 

မူဂ်ာဟစ္ဒ္သည္ “မိမိတို႔ တိုင္းျပည္ႏွင့္ ဘာသာေရး အခြင့္အေရးအတြက္ တိုက္ခိုက္ေသာ လူ” ဟု အဓိပၸာယ္ရိွေသာ အာရဗီ စာလံုးတစ္လံုးျဖစ္ပါသည္။ ျမန္မာႏိုင္ငံတြင္ မူဂ်ာဟီစ္ဒ္ ဟူေသာ စာလံုးကို ပါကိစၥတန္ (ဝါ) အိႏၵိယျပည္မွ လူမ်ဳိးမ်ားျဖစ္ေၾကာင္း အဓိပၸာယ္ အယူအဆ အထင္မွားၾကပါသည္။ ဤ ကဲ့သို႔ အထင္မွား၍ ေျပာဆိုျခင္းမွာ လံုးဝ ယုတၱိမရိွပါ။ ထိုမူဂ်ာဟီစ္ဒ္ အေပါင္းတို႔သည္ ျပည္ေထာင္စု တိုင္းရင္းသားမ်ား ျဖစ္ၾကပါသည္။ ထို မူဂ်ာဟီစ္ဒ္တို႔၏ လႈပ္ရွားမႈမ်ားေၾကာင့္၊ ေမာင္းေတာ၊ ဘူးသီးေတာင္ၿမိဳ႕နယ္မ်ားရိွ လူထုအေပါင္းတို႔သည္  အတိဒုကၡခံေနရပါသည္။ မူဂ်ာဟစ္ဒ္တို႔သည္ အခ်ဳိ႕ ရခိုင္လူမ်ဳိးမ်ားကို ေမာင္းေတာ၊ ဘူးသီးေတာင္ၿမိဳ႕နယ္မ်ားမွ ေမာင္းထုတ္ခဲ့သည္ဟု ေျပာဆိုၾကပါသည္။ ကြၽန္ေတာ္သည္ ေမာင္းေတာၿမိဳ႕သို႔ ျပန္လာေရာက္၍ ဤအေၾကာင္းကို ေသေသခ်ာခ်ာ စံုစမ္းခဲ့ရာ၊ ၎အေၾကာင္းႏွင့္ ပတ္သက္၍ အမႈတမႈသာ ေတြ႕ရိွခဲ့ပါသည္။ ဤ ကိစၥတြင္ အဗ္ဒုလ္ဟူစိန္ဆိုသူ တစ္ေယာက္သည္ ေမာင္းေတာၿမိဳ႕ဂါတ္ကို ခ်ဳိးေဖာက္ထြက္ေျပး၍ ရခိုင္အမ်ဳိးသမီး (၂) ဦးကို ဒုကၡေပးေၾကာင္း ၾကားသိရပါသည္။ ထို႔အျပင္ ၎သူကို မူဂ်ာဟစ္ဒ္တို႔ကလည္း ျပင္းထန္ေသာ အျပစ္ဒဏ္ေပးသည္ဟု ၾကားသိရပါသည္။ ထိုအမ်ဳိးသမီး ၂ ဦးကိုလည္း သူတို႔၏ မိဘအုပ္ထိန္းသူမ်ားထံသို႔ ျပန္ပို႔ခဲ့ၾကပါသည္။ ရခိုင္တို႔သည္ ေၾကာက္လန္႔၍ မိမိတို႔ရြာမ်ားကို စြန္႔ပစ္ခဲ့ျခင္းမွာ ယံုမွား သံသယမရိွပါ။ ၎ႏွင့္ ပတ္သက္၍ ကြၽန္ေတာ္တို႔ ညီရင္းအစ္ကိုမ်ားျဖစ္ေသာ ရခိုင္လူမ်ဳိး -------တို႔သည္  ေမာင္းေတာ၊ ဘူးသီးေတာင္ၿမိဳ႕နယ္ရိွ မြတ္စလင္မ္ (႐ိုဟင္ဂ်ာ) မ်ားကို ၿခိမ္းေျခာက္ၾကပါသည္။ ထိုအေၾကာင္းကို ကြၽန္ေတာ္တို႔သည္ သတင္းစာမ်ား ၌ အေျခမရိွ၊ အဓိပၸာယ္မရိွေသာ သူတို႔၏ တမင္သက္သက္ မဟုတ္မမွန္ ေျပာဆိုျခင္းမ်ား ေတြ႕ရိွရပါသည္။ ေမာင္းေတာ၊ ဘူးသီးေတာင္ၿမိဳ႕နယ္မ်ားရိွ လူထုသည္  သစၥာရိွေသာ လူမ်ဳိးမ်ားျဖစ္၍ အစိုးရထံ ႏွစ္စဥ္ႏွစ္တိုင္း အခြန္ေတာ္မ်ား ဆက္သျခင္းႏွင့္ ျဖစ္ႏိုင္ေသာ အကူအညီမ်ားကို ေပးလ်က္ ရိွၾကပါသည္။ 

ေမာင္းေတာ၊ ဘူးသီးေတာင္ၿမိဳ႕နယ္မ်ားရိွ မြတ္စလင္မ္ (႐ိုဟင္ဂ်ာ) မ်ားသည္ ပါကစၥတန္ႏွင့္ ပူးေပါင္းရန္ ယိမ္းယိုင္လိမ့္မည္ဟု ေျပာဆိုေနသည္မွာ လံုးဝ မမွန္ကန္ပါ။ ထိုသို႔ ပါကစၥတန္ႏွင့္ ပူးေပါင္းလွ်င္ ႐ိုဟင္ဂ်ာတို႔သည္ မိမိတို႔၏ စီပြားေရး ဖ်က္ဆီးေနမည္ကို ႀကိဳတင္သိရိွၾကပါသည္။ ထို႔အျပင္ သူတို႔သည္ ဘာသာေရး ပြဲေတာ္မ်ားကို လြတ္လပ္စြာ ျပဳလုပ္က်င္းပႏိုင္ရန္ ႏိုင္ငံေတာ္ ဖြဲ႕စည္းအုပ္ခ်ဳပ္ပံု အေျခခံဥပေဒက ခြင့္ျပဳ အာမခံထားသျဖင့္ အဘယ္ေၾကာင့္ ထိုသူတို႔သည္ ပါကစၥတန္ႏွင့္ ပူးေပါင္းပါမည္နည္း။ ပူးေပါင္းမည္ ဆိုေသာ အခ်က္မွာ အဓိပၸာယ္မရိွပါ။ မိဘမ်ားမွာ စစ္တေကာင္းလူမ်ဳိးမ်ားျဖစ္၍ ေမာင္းေတာၿမိဳ႕တြင္ ေမြးဖြား ခဲ့ေသာ အုမရမီယာ (Omra Meah) ဆိုသူသည္ ၁၉၄၆ ခုႏွစ္ (ဝါ) ၁၉၄၇ ခုႏွစ္တြင္ ေမာင္းေတာၿမိဳ႕၊ ဘူးသီးေတာင္ၿမိဳ႕နယ္မ်ားကို ပါကစၥတန္ႏွင့္ ပူးေပါင္းရန္ ေတာင္းဆိုႏိုင္ေအာင္ ႐ိုဟင္ဂ်ာ အခ်ဳိ႕ကို ေသြးေဆာင္ခဲ့ေသာ္လည္း သူသည္ ေထာက္ခံမႈမရရိွသျဖင့္ ေမာင္းေတာၿမိဳ႕မွ ထြက္ခြာ သြားခဲ့ပါသည္။ ထိုၿမိဳ႕နယ္မ်ားရိွ လူထုသည္ ပါကစၥတန္ႏွင့္ ပူးေပါင္းေရးကို ဆန္႔က်င္ ကန္႔ကြက္ခဲ့ ပါသည္။ ထိုလူထုသည္ ျပည္ေထာင္စု ျမန္မာႏိုင္ငံေတာ္တြင္ တရားမွ်တမႈႏွင့္ ညီမွ်မႈမ်ားကိုသာ လိုလားၾကပါသည္။ မူဂ်ာဟစ္ဒ္တို႔ သည္ သူတို႔အား ေထာက္ခံ အားေပးရန္  ေမာင္းေတာ၊ ဘူးသီးေတာင္ၿမိဳ႕နယ္မ်ားရိွ မြတ္စလင္မ္ (႐ိုဟင္ဂ်ာ) မ်ားသည္ လူမ်ားစုျဖစ္သျဖင့္ လူနည္းစုျဖစ္လာေအာင္ ၎တို႔ကို ရခိုင္ျပည္ အျခားအရပ္ေဒသမ်ားသို႔ ေရႊ႕ေျပာင္းလိမ့္မည္ဟု ေကာလာဟလ သတင္းမ်ား ျပန္႔ႏွံ႔သည္ဟု  ေျပာဆိုၾကပါသည္။ ထို႔ေၾကာင့္ အစိုးရသည္ ထိုလူထုအေပါင္းတို႔ ယံုၾကည္လာေအာင္ႏွင့္ ထိုေျပာက္က်ားမ်ားကို အားတိုက္အင္တိုက္ အျပင္းအထန္ ႏိွမ္နင္းရန္ အေရးႀကီးပါသည္။ ဤကဲ့သို႔ မျပဳလုပ္လွ်င္ ဘာမွ်မသိ နားမလည္၍ အသိဥာဏ္ ကင္းမဲ့ေသာ ထိုလူထုသည္  အျပစ္မရိွဘဲ အတိဒုကၡ ခံၿမဲခံရပါမည္။

(ေအ၊ ဂဖားရ္)
ပါလီမန္အမတ္

ရန္ကုန္ၿမိဳ႕
ေန႔စြဲ- ၁၉၄၈ ခုႏွစ္၊ ႏိုဝင္ဘာလ ၂၀ ရက္ေန႔။