ရိုဟင်ဂျာစကားထဲက
ပေါ်တူဂီမွေးစားစကားလုံးများ
ROHINGYA LANGUAGE STUDY | PORTUGUESE LOANWORDS
အေဒီ ၁၆-၁၇ ရာစု မြောက်ဦးခေတ် ပေါ်တူဂီတို့သည် အာရကန်ပြည်နှင့် ကုန်သွယ်ရောင်းဝယ်ရေး ကောင်းစားခဲ့သည်။ အာရကန်ပြည်သို့ ကြေးစားဝန်ထမ်းအဖြစ်လည်းကောင်း၊ ကုန်သွယ်ရေးကိစ္စဖြင့်လည်းကောင်း အကြောင်းမျိုးမျိုးကြောင့် လာရောက်အခြေချ နေထိုင်လာပြီး အာရကန်ပြည်သူများနှင့် ရောနှောကာ လက်ထပ်ထိမ်းမြားမှုအထိ ပြုလာခဲ့သည်။ ဘုရင် ဇဘောက်သျှား (ခ) မင်းဘင် လက်ထက်မှာ ပေါ်တူဂီ ကုန်သည်များတပ်တောင် ရှိခဲ့သည်။ မြောက်ဦး၌ စက်ရုံများ ဖွင့်လှစ်ခွင့်ရရှိခဲ့သည်။ ပေါ်တူဂီတို့သည် ကျွန်ရောင်းဝယ်ရေးနှင့် ပင်လယ်ဓားပြမှုဖြင့် သမိုင်းတွင် ထင်ရှားခဲ့သည်။ ရိုဟင်ဂျာများသည် အဆိုပါ ပေါ်တူဂီ ပင်လယ်ဓားပြများကို ဟာရ်မာဒါ/ ဟာရ်မာဒျာ ဟု ခေါ်လေ့ရှိကြသည်။ ဆော်လိမ်သျှား (ခ) မင်းရာဇာကြီးက ပေါ်တူဂီတို့နှင့် မဟာမိတ်ဖွဲ့ကာ နန္ဒာဘုရင်ကို စစ်ချီခဲ့သည်။ ပေါ်တူဂီသား ဖီးလိစ် ဒေ ဗြီတို အား သန်လျင်ကို စားစေခဲ့သည်။ တဖန် ဒတ်ချ်နှင့် မဟာမိတ်ဖွဲ့ကာ ပေါ်တူဂီတို့၏ အင်အားလျော့ချစေရန် စစ်ချီခဲ့သည်။ ဤသို့ နှစ်ပေါင်း ၁၀၀ ကျော် ၂၀၀ နီးပါး ထိတွေ့ဆက်ဆံမှုများ ရှိခဲ့ရာမှ ပေါ်တူဂီတို့၏ ဝေါဟာရအချို့သည် အချိန်ကာလ ကြာလာသည်နှင့်အမျှ အာရကန်ပြည်သူများ၏ ဘာသာစကားသို့ ကူးပြောင်း စိမ့်ဝင်လာခဲ့သည်။ ယင်းမွေးစား စကားလုံးများကို ယနေ့ အချိန်အထိ ရိုဟင်ဂျာတို့က မူမပျက် သုံးနှုန်းပြောဆိုလေ့ ရှိကြသည်။ ရိုဟင်ဂျာစကားသို့ ပေါ်တူဂီဘာသာစကားမှ ဆင်းသက်ဝင်ရောက်လာသည့် ထင်ရှားသော မွေးစားစကားလုံး အချို့ကို အောက်တွင် ဖော်ပြထားသည်။
ပေါ်တူဂီမွေးစားစကားလုံးများ
လူထုဝဏ္ဏ
(၀၃-၀၅-၂၀၂၅)
ကိုးကား
D.G.E Hall, A history of south-east Asia.
