Furmá Diyo [The ghost Brook]

 

Furmá  Diyο 

Μoyuri faár lóti aga dόri,
baái soler Nat Doijja buri.
Teke-fake cúndor cúndor,
zókkor-dókkor fara coór.
Vukot loiyé decór tas,
Bolibazar kúcir gas.
Jiin foriye duwa goré,
Áiberai tóu ekbar eré.
Baiçá ailé rag goré,
ric gorí haindá báñggé.
Mancé gorér toré ziyo ziyo,
Oh...harami furma diyo.

Zallá óiyós tui mocuúr,
tarloi gorór ducmonir zur.
Ainda-ainda haindá báñgí,
ek din zaibi gói tui áñzi.
Eduún mancór félai sugórfaní,
tái faribíne tui cánti?
Kena guiccá duré félai,
añárár dec de ábbar fírái.
Noilé tui yó basibár nái.
Baáde hañdibí tas árai.
Mancé gorér toré ziyo-ziyo,
oh...rakkóccá Furmá díyo.

⚓⚓⚓⚓⚓⚓⚓⚓⚓⚓⚓⚓⚓

                          By RohangKing

(2009)

Maaní

Diyo      = မြစ်စောင့်နတ်

Furmá  = ပြူးမချောင်း

Moyurifaar = မယုတောင်တန်း

Aga dori = မြစ်ဖျားခံ၍ 

Nat = နတ်မြစ်

Tas = သရဖူ

Baiçá  = မိုးရာသီ

Jinfori = နတ်

Haindá = ချောင်းကမ်းပါး

Ainda ainda = ရာသီနှင့်အပြိုင်

Báñgé = ပျက်သည်။ ပြိုသည်။ 

Kena = ရန်ငြိမ်း

Rakkoccá = ဘီလူးသဖွယ်

Harami = ကျေးဇူးကန်း