Diindahání

Drop Down MenusCSS Drop Down MenuPure CSS Dropdown Menu

Thursday, September 12, 2013

Rohingya Zuban (The Rohingya language)


Rohingya Zuban 

 Añárár Zuban, Rohingya Zuban,
               modú bόra maar Zuban.
Dil-mon kúci, Rohingya zati,
            hoóifá cánti Rohingya Zubani.
Arobi Fársi, Sáñskirit Pali,
            Ingerazi Bañli asé  fúañti.

Súur or uzón , zatir dόn ,
             muçali tú becí laár fosón.
Gaan  or gulcόn, futír musóm,
             kiyór homi teq ar boson.
Rohingyar foran, Arakan or caán,
                modú bόra maar Zuban.

Awal   kobi,   Arobit       lekí,
                   basi   asé  tar  nicάni.
Ador or fόl, Hánifí akcόr,
                   ulai goilló Zubani foór.
Meherbán Siddiqqí, loo gám féli,
             Zubani goilló naami daami.
Rohingyar bάfa, monor acá,
             kitaabi banai yé tin fúlor maála.

Hoité fosón, lekíté norom,
            borái        gorí      zon       zon.
Uzu  qaida,    Zatir  fáidá,
             comker aró Rohingya báca.
Rohingya zuban, sabí Arakan,
              modú    bόra   maar zuban.
 ---------------------------------------------------------           
                            by         Rohang king
 ---------------------------------------------------------

Maáni [Glossary ]

  1. maar zuban      =  Mother Language
  2. modú                 =   honey
  3. bóra                   =   full of
  4. Súur                   =   rhyme
  5. uzón                   =  tune,rhyme
  6. gulcόn                =  Garden 
  7. Kitaabi               =   Literature 
  8. teq (hotá)          =   Idioms 
  9. muçali                =  α kind of wind instrument, Pipe
  10. akcόr                 =   alphabet, letter 
  11. ulon                   =   rise up 
  12. Fáidá                 =   Advantage 
  13. fόl                       =   result 
  14. naami daami    =  famous
  15. norom                 =  easy
  16. Borái                   =   be proud 
  17. boson                =   Proverb
  18. (Cáa) Awal        =   a poet of arkan, Shah Alaol
  19. kobi                    =   poet
  20. tin fúl ór maála =   the three holy men (Caa Alaol , M.Hanif and Eng. Siddiqqui )
  21. Ingerazi             =   English 
  22. Palí                     =   Pali language 
  23. Qaida                 =   Grammar 
  24. Sáñskirit            =   sanskrit language
  25. dόn                      =   wealth 
  26. Caán                   =  dignity 
  27. Comker              =   Twinkling,  blinking 
  28. Sabí                    =   Key.


No comments:

Post a Comment