Cútki (Holiday), RK Poem

Picture: ABC News

 Cútki 〔Holiday〕

Nil asman ot roit háñcer,
miulá giyé áñzi.
Aijja aññárár cútki o bái, 
aijja aññárár cútki.
Aha...,haha...,ha...

Ki gorí aijja báfi kul nofai, 
foñt árai honó bon ot zai.

Zai honó zagat cútki haçai
fuwain lói beggin mili.
Aha,haha,ha..

Boir fata lói noo banai
háñzáidiyum fúl di.
tal dhiít mazé bácaidi,
solibo aró dhúli dhúli.

bañc ór suwañr súur or bací,
hoilla súñwer taal fúni.
Dhu-dhu kélai bolai guddi,
saitό aiccé bon or Moyuri.
Aha...,haha...,ha...

Aijja aññárar cútki o bái, 
aijja aññárar cútki.  

                               by Kuwáiccójjá

∞∞∞∞∞∞∞∞∞∞∞∞∞∞∞∞∞∞∞∞∞∞∞∞

Maáni 〔Glossary〕
Aijja                          = today
nil                              = light blue 
cútki                          = holiday
dhií                            = the large pond
bañc                          = bamboo
Dhu dhu                   = a kind of game
taal                            = music
moyuri                     = peahen
miula                        = Cloud
hañzon                     = decorate
súñwer                       = touching
boilai                         = chase
roit                            = sun light