AÍLLA RAZA [The Peasant] (RK Poem)

AÍLLÁ RAZA  

Zóror fuçár cúru cúru, 

          górottu neeler zuñwal goru.

Bobbor abaz sairó kune,

         Aíllá raza souré souré.

Horhora marer dhail di boçi,

         Feror berá féli féli.

Kudurotir fucák finná fuwa,

         áñrer loi musa ar áilla suññá.

Decíttá bíri galot taani,

         baidda zuiñ loi zúfi zúfi.

Adinna goru zuñwal ot bañní,

         zure súre hoór bobbo titi.

Beil duñijjá goru eri di,

         fúwaidda musa hár baf-fut mili.

Addaínná biri hanottú thaani,

         Udaiya sólói dholi dholi.

Fúñçé gúme ailot neri,

         Cóppon ót háñcer futki futki.

Fuwa ye oñrer dheiñg or faní,

         Furímas dórér fata bóri.

Beil táité górot foóñsí,

         Furímas randér hoñsu bou di.

Baf fuwain maa gocá góci,

            gorom gorom bát hár zibbatdi.

Háne kule fuwain loi boói, 

         meitta carat kissá hoi hoi.

Kuwalot forer zórór fúça,

         mocórí sailé kuna fára.

Balúc carar hotá nái,

         kissár mozat gúm furai.     

Lekóya- Rohang King