ဥပုသ် သီလ ဆောက်တည်ခြင်း

(အပိုင်း-၁)

ဆရာကြီး ဃနီ (ဓုဝံ-ရှမ်းပြည်)

✍️ ဒုတိယကျင့်ဝတ် ‘အိဗာဒသ်’ အဖြစ် သင်တို့အပေါ်တွင် အလ္လာဟ်အရှင်မြတ်ချမှတ်ထားသော ‘ဖရဒွ်’ မုချတာဝန်မှာ ‘ဆွီယာမ်’ ဥပုသ်သီလဆောက်တည်ခြင်းဖြစ်၏။

‘ဆွီယာမ်’ ဥပုသ်သီလဆောက်တည်ရခြင်း၏ သဘောမှာ နံနက်အာရုဏ်တက်ချိန်မှ ညနေ နေ၀င်သည့် အချိန်အထိ စားခြင်း၊ သောက်ခြင်း၊ ကာမဂုဏ်ခံစားခြင်း အစရှိသည့်အမှုတို့မှ လုံးဝရှောင်ကြဉ် နေထိုင်ခြင်း
ဖြစ်သည်။

(၁) ကမ္ဘာဦးက ဥပုသ်များရှိခဲ့၏
➖➖➖➖➖➖➖➖➖➖➖
‘ဆွလာသ်’ ၀တ်ပြုခြင်းကဲ့သို့ ဤကျင့်ဝတ် ‘ဆွီယာမ်’ဥပုသ်မှာလည်း ကမ္ဘာဦးအစကပင် ‘နဗီ’ တမန်တော် အပေါင်းတို့၏ ‘ရှရီအသ်’ တရားလမ်းစဉ်များတွင် ‘ဖရဒ်ွ’မုချတာဝန်အဖြစ်သတ်မှတ်ခဲ့ခြင်းဖြစ်၏။

ရှေးအထက်ကျော်အခါ ကာလကရှိခဲ့သော သာသနာတိုင်း၊ အုပ်စုတိုင်း၌လည်း ‘နဗီ’ တမန်တော် ‘မုဟမ္မဒ်’ ၏(အွမ္မသ်) အသင်းတော်ဝင်များနည်းတူ ‘ဆွီယာမ်’ ဥပုသ်သီလကိုဆောက်တည်ခဲ့ကြရလေသည်။ သို့တစေတည်း ‘ဆွီယာမ်’ ဥပုသ်၏စည်းကမ်းချက်များ၊ ၄င်းဥပုသ်ဆောက်တည်ရသောရက်များ၊ ၄င်းဥပုသ်ဆောက်တည်ရသော အချိန်ပိုင်းကာလများမှာ ထိုထိုသော ‘ရှရီအသ်’တရားလမ်းစဉ်တို့၌ ကွဲပြားခြားနားချက်များ အမျိုးမျိုးရှိခဲ့လေသည်။

ယနေ့မျက်မှောက်တွင်လည်း များစွာသော ဘာသာတို့တွင် ဥပုသ်သီလဆောက်တည်ခြင်းဆိုင်ရာ ကျင့်ဝတ်မှာ အသွင်တစ်မျိုး၊ ပုံစံတစ်မျိုးစီးဖြင့် အသီးသီးတည်ရှိလျက်ပင်ရှိပေသည်။ သို့ရာတွင် လူတို့သည် မိမိတို့ ဘက်မှ အချို့အချက်များကို ပြုပြင်ပြောင်းလဲ ရောစွက်ထားကြသဖြင့် မူလဥပုသ်၏ ပုံစံမှာ ပျက်ပြယ် သွားခဲ့စေသည်။ 

ကျမ်းမြတ်ကုရ်အာန်တွင် မိန့်တော်မူထားသည်မှာ-

"အို ……… ယုံကြည်ခြင်းသဒ္ဓါတရားထားရှိကြသူအပေါင်းတို့၊ အသင်တို့အလျင် ရှေးယခင်ရှိခဲ့ကြသော (သာသနာဝင်) လူတို့ အပေါ်၌ ‘ဆွီယာမ်’ ဥပုသ်သီလဆောက်တည်ရန်အတွက် အမိန့်တော်မြတ်သတ်မှတ်ခဲ့ သကဲ့သို့ အသင်တို့အပေါ်၌လည်း ‘ဆွီယာမ်’ ဥပုသ်သီလဆောက်တည်ကြရန် အမိန့်တော်မြတ် ချမှတ်တော် မူချေသည်။ သို့မှသာ သင်တို့သည် ‘သတ်က်ဝါ’ ရှိသူ သူတော်စင် သူတော်ကောင်းများဖြစ်ကြပေမည်။"

(ကုန်အာန် - ၂း၁၈၃)

ဤအာယသ်တော်အရ သိရှိရသည်မှာ ရှေးအထက်ကျော် အခါကာလများ၌လည်း အလ္လာဟ်အရှင်မြတ် ချမှတ်ထားအပ်သော ‘ရှရီအသ်’ တရားလမ်းစဉ်များတွင် ‘ဆွလာသ်’၀တ်ပြုရခြင်းနှင့် ‘ဆွီယာမ်’ ဥပုသ်သီလ ဆောက်တည်ရခြင်းဟူသော ‘အိဗာဒသ်’ ခ၀ပ်မှုကိုလည်း ချလှပ်ခြင်းမရှိဘဲ ပြဋ္ဌာန်းထားခြင်းရှိချေသည်။

စဉ်းစားကြစို့။ အလက္ခာဟ်အရှင်မြတ်သည် ခေတ်တိုင်း ခေတ်တိုင်း၌ ဤ ‘ဆွီယာမ်’ ဥပုသ်သီလဆောက် တည်ရခြင်းကို ကျင့်ဝတ်တစ်ရပ်အနေနှင့် ‘ဖရဒ်ွ’ မုချတာဝန်အဖြစ် သတ်မှတ်ပေးအပ် ထားခဲ့ခြင်းများမှာ ဤ ‘ဆွီယာမ်’ ဥပုသ်သီလဆောက်တည်ရာ၌ မည်သည့်ထူးခြားချက်များ ကိန်းအောင်တည်ရှိနေပါသနည်း။

အစ္စာလာမ်၏ အဓိကရည်ရွယ်ချက်မှာ လူသားတို့၏ ဘ၀သက်တမ်း တစ်လျှောက်လုံးကို အလ္လာဟ် အရှင်မြတ်အား ‘အိဗာဒသ်’ ခ၀ပ်ကိုးကွယ်ဆည်းကပ်နေရခြင်းအဖြစ်နှင့် ကျင့်ဆောက်တည်သွား ကြစေရန် ဖြစ်သည်ဟူ၍ ယခင်က အကြိမ်ကြိမ်အဖန်ဖန်တင်ပြခဲ့လေပြီ။ လူသည် အမိဝမ်းတွင်းကတည်းကပင် သြဇာခံ ကျွန်အဖြစ်နှင့် မွေးဖွားလာခဲ့ကြရခြင်းဖြစ်သဖြင့် ကျွန်ရင်းခံရခြင်းအမှုသည် လူတို့၏ သဘာဝ သဘောတရားပင် ဖြစ်ပေသည်။

သဘောမှာ ‘အိဗာဒသ်’ ခ၀ပ်ကိုးကွယ်ခြင်းဟူရာ၌ လူသားတို့သည် မိမိတို့အတွေးအခေါ်တို့၌ လည်းကောင်း၊ အားလုံးသောဆောင်ရွက်မှု၊ လှုပ်ရှားမှုဟူသမျှ၌လည်းကောင်း၊ အလ္လာဟ်အရှင်မြတ်၏ သြဇာခံ ကျွန်ရင်းခံရခြင်းအဖြစ်မှ မျက်တောင်တစ်ခပ်၊ လျှပ်တစ်ပြက် အချိန်မျှပင် လွတ်လပ်ခွင့် ရယူရန် မပြုသင့်။

လူသားတို့အဖို့ မိမိတို့ ကျွန်ရင်းခံရခြင်း၌ အစဉ်အမြဲ အချိန်ရှိသရွေ့အရေးကိစ္စတိုင်းတွင် ဤသို့ ဂရုတစိုက် ဆင်ခြင်သုံးသပ်ကြရမည်။ အလ္လာဟ်အရှင်မြတ်၏ အလိုဆန္ဒတော်နှင့် နှစ်ခြိုက်မှုကား မည်သည့်အချက်တို့ ဖြစ်သည်။ ထိုအရှင်၏ အလိုဆန္ဒတော်နှင့် မကိုက်ညီသောအချက်တို့ကား မည်သည့်အမှုကိစ္စတို့ဖြစ်သည်။ 

သို့ဆင်ခြင်ပြီးသည့်နောက်တွင် အလ္လာဟ်အရှင်မြတ်၏ အလိုဆန္ဒတော်နှင့် နှစ်ခြိုက်မှုရှိသော လမ်းစဉ် ဘက်သို့သာ လျှောက်လှမ်းကြရမည်။ ထို အရှင်အလိုဆန္ဒတော်မရှိသော၊ မနှစ်မြို့သော အချက်တို့နှင့်လည်း မီးကျီး၊ မီးခဲတို့နှင့် ကင်းဝေးအောင်ရှောင်ကွင်း နေထိုင်ဘိသကဲ့သို့ ဝေးစွာ ရှောင်ရှားနေထိုင်ကြရမည်။

အချုပ်မှာ ‘အလ္လာဟ်’ အရှင်မြတ်အလိုတော်ရှိသော လမ်းစဉ်အပေါ်၌သာခရီးနှင်ကြ၍ ထိုအရှင်မနှစ်သက် သော လမ်းစဉ်တို့ကို ရှောင်ကွင်းကြရန်ဖြစ်သည်။

လူသားတစ်ဦး၏ ဘ၀သက်တမ်း တစ်လျှောက်လုံးကို ဤပုံစံအတိုင်းအရောင်ဆိုးခြင်းဖြင့် အရောင်ပြောင် လာမည်ရှိသော် ထိုအခါမျိုးတွင် ထိုသူ့အဖို့၌ အရှင်သခင်၏ သြဇာခံ ကျွန်ရင်းခံ ရာသောဝတ္တရားများကို တိတိ ကျကျပင် ကျေပွန်ခြင်းရှိပြီဟူ၍ မှတ်ယူ ကြရမည်ဖြစ်၏။

"၄င်းပြင် ကျမ်းတော်မြတ် ‘ကုရ်အာန်’ (၅၁း၅၆)လာ ‘အလ္လာဟ်’အရှင်မြတ်၏ ဗျာဒိတ်တော် (…………စင်စစ်သော်ကား ငါအရှင်မြတ်သည် လူသားနှင့် ဂျင်န်တို့ကို ငါအရှင်မြတ်အားသာလျှင် ‘အိဗာဒသ်’ ခ၀ပ်ကိုးကွယ်ခြင်းပြုလုပ်ကြရန်အလို့ငှာ ငါအရှင်ဖန်ဆင်းထားတော်မူပေသည်။)…"
ဟူသော ဒေသနာတော်မြတ်၏ ဆိုလိုသည့် အဓိက ရည်ရွယ်ချက်ကိုလည်း ပြည့်ဝအောင်မြင်စွာ ကျင့်သုံးခြင်းရှိပြီဟူ၍ ယူဆနိုင်ပြီဖြစ်သတည်း။


••••••••••••••••••••••••••••••••••▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️▪️

(အပိုင်း-၂)


♦️(၂) ကျင့်ဝတ်တိုင်း၏ အဓိကရည်ရွယ်ချက်
➖➖➖➖➖➖➖➖➖➖➖➖➖➖➖
ကျွန်ုပ်တို့အပေါ်တွင် ‘ဖရဒွ်’ မုချတာဝန်အဖြစ်နှင့် ချမှတ်ချက်ထားသော ‘ဆွလာသ်’၊ ‘ဆွီယာမ်’၊ ‘ဇကာသ်’၊ ‘ဟဂ်ျ’ အစရှိသော ကျင့်ဝတ်များ၏ အဓိကရည်ရွယ်ချက်မှာ ယင်းသည့်ကျင့်ဝတ်များကို ကျင့်သုံးကြပြီးနောက် ‘အလ္လာဟ်’အရှင်မြတ်အား (အခါမလပ်) ခ၀ပ်ကိုးကွယ် ဆည်းကပ်နေကြစေခြင်းအလို့ငှာ ကြိုတင်ပြင်ဆင်၍ ပေးအပ်နေခြင်းအမှုများပင်ဖြစ်သည်ဟူ၍ ယခင်ကတင်ပြခဲ့ချေပြီ။

ဤအမှုကိုပင် ဧရာမ ‘အိဗာဒသ်’ဟူ၍ ခေါ်ဆိုချေသည်။သင်တို့သည် တစ်နေ့လျှင် ငါးကြိမ်ငါးခါမျှ ‘ရုကူအ်’ နှင့် ‘စဂ်ျဒဟ်’ ပြုလုပ်နေကြပြီဆိုကာမျှနှင့် ‘ရမဒွန်’ လမြတ်၌ ရက်ပေါင်း သုံးဆယ်တိတိ နံနက်အရုဏ်တက်အချိန်မှ ညနေ နေ၀င်သည့် အချိန်အထိ အစာငတ်၊ ရေငတ်ခံနေကြပြီဆိုကာမျှနှင့် ပြီးနောက် ပစ္စည်းဥစ္စာ ကြွယ်ဝသူအနေနှင့် နှစ်စဉ်နှစ်တိုင်း ‘ဇကာသ်’ပေးဆောင် နေကာမျှနှင့် သင်တို့အပေါ်တွင် တင်ရှိနေသော အလ္လာဟ်အရှင်မြတ်၏ ဓမ္မ၀တ်များသည် အားလုံးကျေပွန်ခြင်း၊ ပြီးပြည့်စုံခြင်းသို့ ရောက်ရှိကြပြီဟူ၍ မမှတ်ယူသင့်ချေ။

ထိုကျင့်ဝတ်တို့မှအပ အခြားအချိန်များတွင် မိမိတို့အလိုရှိရာ (စိတ်သွားတိုင်းကိုယ်ပါ)နေထိုင်ကျင့်သုံး နိုင်ခွင့်ရလျက် ထိုအရှင်မြတ်၏ သြဇာခံအဖြစ်မှ လွတ်လပ်ခွင့်ရရှိကြပြီဟူ၍လည်း မယူဆသင့်ချေ။

ယင်းကျင့်ဝတ်တို့ကို ‘ဖရဒွ်’မုချတာဝန်အဖြစ် ပြဋ္ဌာန်းထားပေးရခြင်း၏ အဓိပ္ပာယ်သဘော အဓိကရည်ရွယ် ချက်မှာ ထိုကျင့်ဝတ်တို့ဖြင့် လူသားတို့ကို ပြုစုပျိုးထောင်ရန်ဖြစ်သည့်ပြင် လူသားတို့၏ ဘ၀တစ်ခုလုံးကို “ဧရာမအိဗာဒသ်” အလ္လာဟ်အရှင်၏ သြဇာခံယူမှုအတွက် အသုံးချသွားနိုင်သော အရည်အချင်းတို့နှင့် ပြည့်ဝသူများအဖြစ် ပြုလုပ်ရန်ဖြစ်၏။

ဤရည်ရွယ်ချက်ကို ရှေ့ဝယ်သို့ထားရှိပြီး ‘ဆွီယာမ်’ ဥပုသ်သီလဆောက်တည်ရသည့် ကျင့်ဝတ်သည် လူသားတို့ကို ဤ ‘ဧရာမအိဗာဒသ်’ အလို့ငှာ မည်ကဲ့သို့ ပြုပြင်ပေးသည်ကို ကျွန်ုပ်တို့ လေ့လာ သုံးသပ်ကြ ပါစို့။

♦️(၃) “ဆွီယာမ်” ဥပုသ်၏ ထူးခြားချက်များ
➖➖➖➖➖➖➖➖➖➖➖➖➖➖
“ဆွီယာမ်” ဥပုသ်သီလဆောက်တည်ရသော ကျင့်ဝတ်မှ တစ်ပါး အခြား “အိဗာဒသ်” ခ၀ပ်မှုဆိုရာ ကျင့်ဝတ်တို့မှာ အပြင်အပမှ အမြင်ခံရွက်ဆောင်ကြရသော ကျင့်ဝတ်များဖြစ်ချေသည်။ 

ဥပမာ-(က) “ဆွလာသ်” ၀တ်ပြုရခြင်း၌ လူတို့သည် ထိုင်ရခြင်း၊ ထရခြင်း၊ ”ရုကူအ်” ကုန်းရခြင်းနှင့် ”စဂ်ျဒဟ်” ဦးချရခြင်းအမှုများကို ပြုလုပ်ကြရသည်ကို လူတို့တွေ့မြင်ကြရသည်။

(ခ) ”ဟဂ်ျ” ပြုလုပ်ရာ၌လည်း ခရီးရှည်ကိုသွားကြရသည်။ ထို့ပြင် သောင်းသိန်းများစွာသောလူတို့နှင့် ခရီးထွက်ကြရသည်။

(ဂ) ”ဇကာသ်” ဆင်းရဲသားကြေးပေးဆောင်ရာ၌လည်း အနည်းဆုံးလူတစ်ဦးကပေးရ၍ အခြားလူတစ်ဦး က လက်ခံယူရ၏။

ယင်း ”အိဗာဒသ်” ခ၀ပ်မှုဆိုင်ရာကျင့်ဝတ်များမှာကား ဖုံးဖိလျှို့ဝှက်၍ထားခြင်းငှာမဖြစ်နိုင်ချေ။ အကယ်၍ သင်တို့က ထိုခ၀ပ်ခြင်းအမှုတို့ကို ပြုလုပ်မည်ဆိုကလည်း တစ်ပါးသူတို့ သိမြင်နိုင်၏။ သင်တို့ ကိုယ်တိုင် ထိုအမှု တို့ကို မပြုလုပ်ဘဲနေကြမည်ဆိုကလည်း တစ်ပါးလူတို့က သိရှိနိုင်ချေသည်။ သို့ရာတွင် ၄င်း “အိဗာဒသ်” ခ၀ပ်မှုဆိုင်ရာကျင့်စဉ်တို့နှင့် မတူကွဲပြား၍ ”ဆွီယာမ်” ဥပုသ်သီလဆောက် တည်ရသော ကျင့်ဝတ်မှာကား အလ္လာဟ်အရှင်မြတ်နှင့် ဥပုသ်ဆောက်တည်ထားသော သြဇာခံကျွန်ပီသသူ ”ဗန္ဒဟ်” မှ တစ်ပါး အခြားသူတို့ အတိအကျ သိရှိနိုင်ခြင်းမရှိဖြစ်၏။

လူတစ်ဦးသည် အခြားလူအများ၏ ရှေ့တွင် “စဟ်ရီ” ခေါ် ဥပုသ်ယူသော ထမင်းကို စားသုံးပြီးနောက် ”အိဖ်ွသွာရ်” ဥပုသ်လွှတ်ချိန်အထိ လူတို့ရှေ့၌ မည်သည့်အစားအသောက်ကိုမျှ စားသုံးခြင်းမရှိ၊ သို့ရာတွင် လူတို့မမြင်အောင် ထိုသူသည် တိတ်တဆိတ် ရေကိုသောက်လိုက်မည်၊ သို့တည်းမဟုတ် ခိုးဝှက်၍ တစ်စုံတစ်ရာ စားသုံးလိုက်မည်ဆိုသော် ဤသည်ကို ”အလ္လာဟ်” အရှင်မြတ်မှတစ်ပါး မည်သူကမျှ သိမည် မဟုတ်ချေ။ သို့ရာတွင် လူတိုင်းက ထိုသူသည် ”ဆွီယာမ်” ဥပုသ်ဆောက်တည်နေသည်ဟု ယူဆထားကြပေဦးမည်။ စင်စစ်ထိုသူ ”ဆွီယာမ်” ဥပုသ်သီလဆောက်တည်ထားခြင်းမဟုတ်ပေ။

”ဆွီယာမ်” ဥပုသ်၏ ယင်းအခြေအနေကို ရှေ့ဝယ်ထား၍ သင်တို့ကောင်းစွာဆင်ခြင်လော့။

အကြင်သူသည် တကယ်စစ်မှန်သော ”ဆွီယာမ်” ဥပုသ်သီလကို ဆောက်တည်၍နေသည်ဆိုအံ့။ ထိုသို့ ဆောက်တည်ခြင်း၌ ထိုသူသည် တိတ်တဆိတ်ခိုးဝှက်၍လည်း တစ်စုံတစ်ရာ စားသောက်ခြင်းမပြု။ အလွန်ပူခြင်း ခြောက်သွေ့သောရာသီတွင် ရေငတ်သဖြင့် လျှာထွက်လုမတတ်ရှိရာ၌လည်း ရေတစ်ပေါက်မျှ အာခံတွင်းသို့ မထည့်။ အစာငတ်၍ မွတ်သိပ်လွန်းသဖြင့် မျက်စိများပြာဝေလျက်ရှိသော်လည်း အစားအသောက် တစ်စုံတစ်ခု တို့ကို စားသုံးလိုက်ရန်ကြံရွယ်ခြင်း၊ အားထုတ်ခြင်း၊ အလျင်းမရှိ။ ထိုသူ့စိတ်နှလုံး၌ အလ္လာဟ်အရှင်မြတ်သည် ကြွင်းမဲ့ဥဿုံအလုံးစုံကို သိမြင်နိုင်စွမ်းတော်မူသည်ဟူသော ဂုဏ်တော်ကို အဘယ်မျှ ယုံကြည်သက်ဝင်မှု ထက်သန်စွာ ရှိနေချေသနည်း။

၎င်း၏ အပြုအမူ တစ်စုံတစ်ရာကို တစ်လောကလုံးကပင် မမြင်အောင် ဖုံးကွယ်၍ ထားနိုင်စေကာမူ “အလ္လာဟ်”အရှင်မြတ်မမြင်အောင် ကွယ်ဝှက်၍ မရကြောင်းကို ထိုသူ၌ အဘယ်မျှ လေးလေးနက်နက် စွဲမြဲယူဆ ထားရှိနေတော့သနည်း။

ထိုသူ၏ စိတ်နှလုံး၌ အလ္လာဟ်အရှင်မြတ်အား ကြောက်ရွံ့စိတ် “သတ်က်ဝါ”အဘယ်မျှ ၀င်ဆံ့၍လာခဲ့ သနည်း။ မနိုင်သည့်ဝန်၊ ကြီးလေးသည့်ဒုက္ခတို့ကို ထမ်းရွက်ရှာသည်။ အလ္လာဟ်အရှင်အား ကြောက်ရွံ့ စိတ်ဖြင့် “ဆွီယာမ်” ဥပုသ်၏ ပျက်စီးရာ ပျက်စီးကြောင်း အမှုတို့ကို မည်သို့မျှ မပြုလုပ်ဘဲ နေပေသည်။ ထိုသူသည် ”အာခိရသ်” တမလွန်ဘ၀တွင်ကောင်းမှု၊ မကောင်းမှုတို့၏ အစားခံစံကြရမည် ဟူသော ယုံကြည်ချက် “အကီဒဟ်” မှာ အဘယ်မျှပင် ခိုင်မာစွဲမြဲစွာ ထားရှိနေခဲ့သနည်း။

တစ်လတိတိအချိန်တွင် အနည်းဆုံး နာရီပေါင်း (၃၆၀)ကြာမျှ ”ဆွီယာမ်” ဥပုသ်သီလဆောက်တည်လျက် ရှိနေခဲ့သည်။ ထိုကာလ အတောအတွင်း၌ သေပြီးနောက်ရင်ဆိုင်ရမည့် တမလွန်ဘ၀နှင့် စပ်လျဉ်း၍ ဒွိဟ သံသယ ဖြစ်ဖွယ်ရာသောအချက်မှာ ထိုသူ၏ စိတ်နှလုံး၌ မြူမှုန့်ခန့်မျှပင် ပေါ်ပေါက်လာခဲ့ခြင်းမရှိဖြစ်ခဲ့၏။

အကယ်၍သာ “အာခိရသ်” တမလွန်ဘ၀ရှိ/မရှိဟူသော အချက်နှင့် ဆိုးကျိုး/ကောင်းကျိုးတို့၏အစား-ခံ/စံ ရမည် (သို့မဟုတ်) မခံ/မစံရဟူသောအချက်များသည် ထိုသူ့အဖို့ ပြတ်သားမှုမရှိဘဲ ယုံမှားသံသယသာ ဖြစ်နေသော် ၄င်း၏ ဆွီယာမ်ဥပုသ်ဆောက်တည်နေရသော သိက္ခာပုဒ်မှာ အဘယ်မှာအောင်မြင်နိုင်ခွင့် ရှိနိုင်တော့ မည်နည်း။

ယုံမှားသံသယဖြစ်ခြင်း၏ သဘောတရားကား ရည်မှန်းချက်ကို အခြေမခိုင်စေဘဲ စိတ်ဓာတ်ဖောက်ပြန်ခြင်း သို့ရောက်ရှိစေနိုင်သည်။ သို့အတွက် အလ္လာဟ်အရှင့် အမိန့်ဗျာဒိတ်တော်တို့ကို သံသယဖြစ်လျက်နှင့် နာခံကျင့်သုံး ခြင်းဖြင့် တစ်စုံတစ်ရာလုံးဝမစား၊ မသောက်၊ ကာမဂုဏ်မခံစားဘဲနေမည်ဟူသော ရည်ရွယ် ချက်ကို တည်တံ့ခိုင်မြဲ အောင် ထိန်းသိမ်းစောင့်ရှောက်ထားနိုင်ရန်မှာ ဖြစ်နိုင်စရာအကြောင်းမရှိချေ။ ယုံကြည်မှု မရှိလျှင် ဤမျှ အပင်ပန်း ဆင်းရဲခံစွာ အလ္လာဟ်အရှင်မြတ်၏ အမိန့်တော်များကို လိုက်နာနိုင်မည် မဟုတ်ပေ။

ဤသို့ အလ္လာဟ်အရှင်သည် နှစ်စဉ်နှစ်တိုင်း မွတ်စ်လင်မ်တို့၏ ”အီမာန်” ယုံကြည်ခြင်းကို တစ်လတိတိ စမ်းသပ်စစ်ဆေးလေ့ရှိတော်မူသည်။ ထိုစစ်ဆေးခြင်း၌ အောင်မြင်သည်နှင့်အမျှ ထိုထိုသော သူတို့၏ ”အီမာန်” ယုံကြည်ချက်မှာလည်း ပိုမိုခိုင်မာလာသည်။

ဤကားစစ်းဆေးခြင်းတစ်ရပ်အနေနှင့် စမ်းသပ်မှု တစ်ရပ်ဖြစ်၍ လေ့ကျင့်ခန်းတစ်ရပ်အနေနှင့် လေ့ကျင့်မှု တစ်ရပ်လည်းဖြစ်သည်။

တစ်ဦးတစ်ယောက်သောသူထံတွင် ပစ္စည်းဥစ္စာတစ်ခုခုကို ”အမာနသ်”အပ်နှံထားခြင်းသည် ထိုသူ၏ သီလ သမာဓိတို့ကို သင်တို့က တနည်းအားဖြင့် စမ်းသပ်ခြင်းပင်ဖြစ်သည်။ အကယ်၍ ထိုစမ်းသပ်ခြင်း၌ ထိုသူသည် အောင်မြင်သည်ရှိသော်၊ အပ်နှံသော ပစ္စည်းဥစ္စာတို့တွင် လိမ်လည်ကောက်ကျစ်ခြင်းမရှိခဲ့သော် ထိုသူ၌ ”အမာနသ်” ပစ္စည်းဥစ္စာများကို ထိန်းသိမ်းနိုင်စွမ်းသော အရည်အချင်းများ အထူးတိုးတက် လာလေသည်။ ၄င်းပြင် ထိုသူမှာ ယခင်ကထက် ပို၍ သစ္စာရှိသူ (များစွာ စိတ်ချယုံကြည်ထိုက်သူတစ်ဦး) ဖြစ်လာရချေသည်။

ထိုကဲ့သို့ပင်လျင် အလ္လာဟ်အရှင်သည် တစ်လတိတိသော အချိန်ကာလကို တစ်နေ့လျှင် (၁၂)နာရီစီ၊ (၁၄)နာရီစီအထိ သင်တို့၏ ”အီမာန်”ကို ထိထိရောက်ရောက်စမ်းသပ်ခြင်း၊ စစ်ဆေးခြင်းပြုတော်မူပေသည်။ ထိုစမ်းသပ်ခြင်း၌ သင်တို့အောင်မြင်မှုရရှိသောအခါ၌ သင်တို့တွင် အောက်ပါအရည်အချင်းများ ဖွံ့ဖြိုးတိုးတက် ရင့်သန်လာမည်ဖြစ်သည်။

အဘယ်အရည်အချင်းများနည်းဆိုသော.......

အလ္လာဟ်အရှင်မြတ်အား ကြောက်ရွံ့သော စိတ်ဓာတ်ဖြင့် ”ဂုနဟ်”အကုသိုလ်မကောင်းမှုဟူဟူသမျှတို့မှ ရှောင်ကြဉ်နေထိုင်ကြမည်။ အလ္လာဟ်အရှင်မြတ်သည် ကြွင်းမဲ့ဥဿုံအလုံးစုံကို သိမြင်နိုင်စွမ်းသော အရှင်မြတ် ဖြစ်သည်ဟူသော ယုံကြည်မှုမှာပိုမိုခိုင်မာလာသဖြင့် တိတ်တဆိတ်ခိုးဝှက်၍ ထိုအရှင်၏ စည်းမျဉ်း ဥပဒေတို့ကို ကျူးလွန်ခြင်းတို့မှ ရှောင်ကြဉ်နေထိုင်ကြမည်။ အခါအခွင့် ကြုံတိုင်းကြုံတိုင်း ”ကိယာမသ်” ကမ္ဘာ့အဆုံးတစ်နေ့တွင် တရားစီရင်ခြင်းခံယူရမည်ကိုလည်း ထပ်တလဲလဲ အမှတ်တရ ရှိနေကြပေမည်။

အဘယ်ကြောင့်ဆိုသော် ထိုနေ့တွင် မည်သည့်အချက်တို့ကိုမျှ ထောက်ညှာခြင်းမရှိဘဲ ကောင်းမှုတို့ အလျောက် ကောင်းကျိုး၊ မကောင်းမှုတို့အလျောက် မကောင်းကျိုးများကို မုချအစားရရှိခံစံကြရမည်ကို သိမြင်ထားရှိနေကြခြင်းကြောင့်ပင်ဖြစ်သည်။

အောက်ပါ ဒေသနာတော်မြတ်အရ ဤအဓိပ္ပယ်သဘောကိုသာ ရရှိစေသည်။

‘အို… ယုံကြည်ခြင်းသဒ္ဓါတရားထားရှိကြသူအပေါင်းတို့၊ အသင်တို့အလျင် ရှေးယခင်ရှိခဲ့ကြသော (သာသနာဝင်) လူတို့အပေါ်၌ ”ဆွီယာမ်” ဥပုသ်သီလဆောက်တည်ရန် အတွက် အမိန့်တော်မြတ် သတ်မှတ်ခဲ့သကဲ့သို့ အသင်တို့ အပေါ်၌လည်း ”ဆွီယာမ်”ဥပုသ်သီလဆောက်တည်ကြရန် အမိန့်တော်မြတ် ချမှတ်တော်မူချေသည်။ သို့မှသာ သင်တို့သည် ”သတ်က်ဝါ” ရှိသူ သူတော်စင် သူတော်ကောင်းများဖြစ် ကြပေ မည်။’

(ကုရ်အာန် - ၂း၁၈၃)

ဆွီယာမ်ဥပုသ်သီလဆောက်တည်ရာတွင် အခြားထူးခြားချက် တစ်ရပ်လည်းရှိ၏။ ထိုအချက်မှာ ရှည် လျားသော အချိန်နာရီတို့ကို ”ရှရီအသ်” စည်းကမ်းဥပဒေများအရ နာခံကျင့်သုံးနေထိုင်ရခြင်းဖြစ်သည်။

”ဆွာလာသ်”၀တ်ပြုမှုအချိန်မှာ တစ်ချိန်တစ်ချိန်တွင် မိနစ်အနည်းငယ်မျှသာရှိ၏။ ”ဇကာသ်” ဆင်းရဲသား ကြေးပေးဆောင်ရခြင်းမှာလည်း တစ်နှစ်လုံးမှ တစ်ကြိမ်တစ်ခါသာလျှင်ဖြစ်၏။ ထို့နောက် ဥစ္စာ ဓနကြွယ်ဝ ချမ်းသာ သူများအတွက်သာဖြစ်၏။ 

ဟဂ်ျပြုလုပ်ရာတွင် အချိန်ကြာမြင့်စွာ အကုန်ခံရသော်လည်း တစ်သက်တာ၌ တကြိမ် သာ အခါအခွင့်ရရှိ၏။ သို့ဖြစ်ငြားလည်း လူခပ်သိမ်းတို့အတွက် မဟုတ်ချေ။

(ဆွီယာမ် အခြေပြကျမ်းမှ အပိုင်းခွဲ ဖေါ်ပြခြင်း ဖြစ်ပါသည်။ ကျန်အပိုင်းများကိုလည်း ဆက်လက်ဖေါ်ပြပေးသွားမည်။)
••••••••••••••••••••••••••••••••••▪️▪️▪️▪️▪️▪️▪️▪️▪️▪️▪️▪️▪️▪️▪️▪️
ဥပုသ် သီလ ဆောက်တည်ခြင်း(အပိုင်း-၁)
https://www.facebook.com/irac.myanmar/posts/1456991697673674:0 

("ဆွီယာမ်အခြေပြကျမ်း"ပါမာတိကာ)

အခန်း (၁) 

‘ဆွီယာမ်’ ဥပုသ်ဆောက်တည်ခြင်း 

၁။ ကမ္ဘာဦး ဥပုသ်များရှိခဲ့၏ 
၂။ ကျင့်ဝတ်တိုင်း၏ အဓိကရည်ရွယ်ချက် 
၃။ ‘ဆွီယာမ်’ ဥပုသ်၏ထူးခြားချက်များ 
၎။ ပြုစုပျိုးထောင်ပေးရေးသင်တန်း 
၅။ ကောင်းမှုဝေဆာသောရာသီ 

အခန်း (၂) 

‘ဆွီယာမ်’ ဥပုသ်၏ရည်ရွယ်ချက် 

၁။ ထမင်းစားပုံ ဥပမာ 
၂။ အဓိကရည်ရွယ်ချက်ကိုသိမှ အကျိုးခံစားရ 
၃။ အစာငတ်-ရေငတ်ခံရုံမျှဖြင့်ဥပုသ်မရ 
၎။ သတိပြုရန်အချက်(၂)ရပ် 
၅။ ဥပုသ်၏ ဥပမာ

ကိုးကား 🍁  Islamic Religious Affairs Council Myanmar