Diindahání

Drop Down MenusCSS Drop Down MenuPure CSS Dropdown Menu

Saturday, January 13, 2018

ခေတ်သစ်ဆေးသိပ္ပံပညာရဲ့ဖခင် အာဘီ စီနာဟ်


Ibn Sina : FB

ခေတ်သစ်ဆေးသိပ္ပံပညာရဲ့ဖခင် (သို့) 

အသက်၁၀နှစ်မှာ ကုရ်အာန်ကျမ်းကို  တက်မြောက်ကျွမ်းကျင်ခဲ့သူ🔬🔬🔬🔬🔬🔬🔬🔬🔬🔬🔬🔬🔬🔬🔬🔬


အနောက်တိုင်းမှာလဲ နာမည်ရှိသူ တစ်ဦးဖြစ်ပါတယ်။ အနောက်တိုင်းမှာ သိတာက Avicennaဖြစ်ပြီး နာမည် အပြည့်အစုံက Abu-Ali Al-Husain Ibn Abdullah ibn Sina ဖြစ်တယ်။ ပါရှန်လူမျိုး တစ်ယောက်ဖြစ် ပြီး မွတ်စလင်ကမ္ဘာနှင့် အလယ်ခေတ် ဥရောပမှာသြဇာရှိခဲ့သူဆိုလဲ မမှားဘူး။ Uzbekistanနိုင်ငံ၊ Bukharaမြို့တွင် အေဒီ ၉၈၀ခန့်မှာမွေးဖွားသန့်စင်ခဲ့တယ်။ အေဒီ ၁၀၃၇တွင် အီရန်နိုင်ငံ Hamadanမြို့ တွင် ကွယ်လွန်ခဲ့သည်။ ဂရိ နှင့် မွတ်စလင်တွေရဲ့ အတွေးအခေါ်နှင့် တက္ကဗေဒပညာတွေကို လေ့လာ ခဲ့ပါတယ်။

အသက် ၁၆နှစ်မှာတောင် ဆေးပညာကိုလေ့လာရင်းပင် ဥပဒေရေး အငြင်းပွါးမှုတွေကို ကိုင်တွယ်ဖြေရှင်းနိုင် ခဲ့သည်။ အသက်၁၈နှစ်မှာတင်ထူးချွန်တဲ့ဆေးပညာရှင်ဖြစ်နေပါပြီ။ ထိုနောက် ကျမ်းစာအုပ်ပေါင်းများစွာကို ကိုယ်တိုင်ရေးသားခဲ့တယ်။ သူ့အား သမိုင်းတွင် Prince of Physicians (သမားတော်အပေါင်း ၏ မင်းသား) ဟူ၍ ဂုဏ်ပြု ခေါ်ဝေါ်ခဲ့ကြသည်။ 

သူသည် ဆေးပညာကို အချိန်တိုလေးအတွင်းမှာ တက်မြောက်ခဲ့တာကြောင့် ထူးချွန်တဲ့ သမားတော်ကြီးများ ကပင် သူ့ထံပညာ လာရောက် ဆည်းပူးရသည်အထိ ပေါက်မြောက် လာခဲ့သည်။ လူနာများကို ကိုယ်တိုင် ကိုယ်ကျ ကုသရင်း လက်တွေ့အသုံးချ ဆေးပညာကို တတ်ကျွမ်းလာ ခဲ့သည်။ သူသည် အခက်ခဲကြုံလာ သည့် အခါမျိုးတွင် ဗလီသို့ သွားရောက်ကာ ဖန်ဆင်းရှင်ထံ ဆုတောင်းခဲ့တယ်။ သူသည် ကျမ်းပေါင်း ၄၅၀ခန့်ပြု စုခဲ့သည်။ သူပြု စုခဲ့တဲ့ ကျမ်းတစ်ကျမ်းဖြစ်တဲ့ ကိသာဗုရ်ှရှိဖာ(The Book of Healing) သည် ကမ္ဘာ့သမိုင်းတွင် ပုဂ္ဂို လ်တစ်ဦးတည်းက ရေးသားပြု စုခဲ့သည့် ကျမ်းများအနက် အရှည်လျားဆုံး၊ အထူထဲဆုံး ကျမ်းဖြစ်ကာ၊ သီအိုရီပိုင်း နှင့်လက်တွေ့ပိုင်း နှစ်ပိုင်းစလုံးပါဝင်သော စွယ်စုံကျမ်းကြီးဖြစ်သည်။ နောက်ထပ် နာမည်ကြီးတဲ့ ကျမ်းကတော့ The Canon of Medicine ဖြစ်ပါတယ်။ ဒီစာအုပ်က ဆေးကျမ်းကြီးဖြစ်ပြီး ဥရောပမှာ အရမ်းနာမည်ကြီးခဲ့လေသည်။ 

ဥရောပတက္ကသိုလ်တွေမှာ အသုံးပြု ခဲ့ပြီး လက်တင် ဘာသာစကားဖြင့် ပြန်ဆိုခဲ့သည်။ ပင်မအကိုးအကား ကျမ်းကြီးဖြစ်ခဲ့တယ် ဆိုရင်လဲ မမှားပါ။ သူ့အား ခေတ်သစ်ဆေးသိပ္ပံပညာ၏ဖခင်ကြီး(Father of Modern Medicine)ဟုခေါ်ဆိုခဲ့ကြောင်းသိရပါတယ်။ ဒါတင်မကသေးပါဘူး။ The 100 Most Influential Scientists of All Time ကမ္ဘာ့ သမိုင်းတွင် အလွှမ်းမိုးဆုံးသော သိပ္ပံပညာရှင် (၁၀၀)စာရင်းတွင် သူ့အား ထည့်သွင်းထားသည်။ ဆေးပညာမှာတင်တော်နေသူတစ်ဦးလို့ထင်ရင်မှားသွားမယ်။ ဘူမိဗေဒဆိုင်ရာ ကျမ်းတစ်ကျမ်း ကိုလည်းပြု စုခဲ့သေးသည်။ ထိုကျမ်းသည် ဘူမိဗေဒ ပညာရပ်နှင့် ပက်သက်၍ ကျယ်ပြန့်စွာ ဖော်ပြထားသည့် ကမ္ဘာ့ ပထမဦးဆုံးကျမ်းဖြစ်ကြောင်း သိရသည်။ Father of Geology (ဘူမိဗေဒ၏ ဖခင်ကြီး) ဟုခေါ်ဆိုရန် လုံလောက်သည်ဟု The History of Clinical Endocrinology: A Comprehensive Account of Endocrinology from the Earliest Times to the Present Day တွင် ဖော်ပြထားသည်။ သူ့အား ဂုဏ်ပြု သောအားဖြင့် နေစကြ၀ဠုာရှိ ဂြိုဟ်သိမ်ဂြိုလ်မွှား အမှတ် (၂၇၅၅) ကို သူ၏ လက်တင်ပြု အမည်Avicennaဟု၍ ပေးထားကြောင်း Dictionary of Minor Planet Names, Volume 1 တွင် ဖော်ပြထားသည်။

Reference (အကိုးအကားများ) 
(Great Civilizations, Paragon)
(ရဲရင့်သစ္စာ၏ ပတ္တမြားဟူသည်)

No comments:

Post a Comment