Diindahání

Drop Down MenusCSS Drop Down MenuPure CSS Dropdown Menu

Thursday, January 4, 2018

Dil Gorí Húci [Ruáñgá Zubanót Fancairi]


Fisé Báfi Sinti Goríc


Halu ekzon gáme rocé órané górot goille gái. 

“Tuáñr tú keen óiyedé?”

“Aññártú buddí ekkán háithedé óri. Górot aité garí nosorí…garír fisé fisé duñri ailám dé. Ya orí… fondaic tiyáñ baissé.”
hoi borai gori buzar. Bou ye suk tuk doñr gorí dil mon hóraf gori bala hoi holla lairlo. 

“Tuñi hámicá endilla de né. Honó ótté murhai no báfo. Ode ode duñra foito de érí. Teksír fisé duñrta boli 500 tiyañ nobasító né?”
⚡⚡⚡⚡⚡⚡⚡⚡⚡⚡⚡⚡⚡⚡⚡⚡⚡⚡⚡⚡⚡
*Teksí = Taxi


Bura Hóbor


Daktor ekzon e tar biyarammia ré fún gorí zanar.

“Tuñárlá duiyán bura hóbor asé. Foila gan oilde, tuáñr tes ór reputh mozin tuñí ar beec ot 24 góndha basí bá dé.”

“Bicí burá hóbor, yaar túaro horab hobor gán ki?”

“Mui…goto hailla lóti tuáñré fún goríddé…ya…loot failam dé.”

“Eññ…………………” 

🚑🚑🚑🚑🚑🚑🚑🚑🚑🚑🚑🚑🚑🚑🚑🚑🚑

Asóli ar Nokoli


Laiñgar zonom diin or dín hádiya dito ainné dé Hírar oñçi ré Waccá yé fúwaijja re dehár.

“Tor laiñgga ye Jeep Gaçi maiggé hoordé nó né?”

“Oí bara… mogor aññí nokoli Jeep gaçi hontú tuwai aintám.”

🍆🍆🍆🍆🍆🍆🍆🍆🍆🍆🍆🍆🍆🍆🍆
* Laiñgga = Lover

Lagedde íba faiyosdé nóné!


Naga yá ar Monku rastat ekku fúñáti áñreddé ére dáke Sép doñr ugguá loi cóñro ugguá loi zóri foredde dikké. Sotur mikká asé dé Monkú yé tora tori zai Sep doñr gúa feñrai loi har curú. Naga ya ye Sep cóñro wa bé failo.

“Tortú honó insáf nái bara Monkú… Aññí zodi age faitam boli doñr guá torlá rakitam bara.”

“O…tik ase tó. Ya yó tui sor dé íba faili dé nóné.”
hoi fírai juwab diyé.

🍎🍎🍎🍎🍎🍎🍎🍎🍎🍎🍎🍎🍎🍎🍎🍎🍎🍎🍎

Fóroc dé étolla


Zamai bou dui zon boc oióre fóroc ói giyé goidé étolla habosot lekí óre ham gorá fore. Ekdin…

“Tuñí…oulat zailé, morlá dut gún ainnó éná.

“Ocuida nái, aníyum éri” bóli hoi oula uzu zar.

“Habosot lekí loená, forái félai bá”

“Dut éri, no forái bo, etteraincó hotá yó forai bó né yá.”

Hotún baáde zamai yé faní ek goloc loi accé. Bou yé doñr gorí niyaic félai…“etollá éri habosot lekí loizaitó hoilam dé. Ya keen… Saa ainnó dé huo.” hoi getgerái yé.

🍸🍸🍸🍸🍸🍸🍸🍸🍸🍸🍸🍸🍸🍸🍸🍸🍸🍸🍸
Háwala> Reader's Digest 2001-2002

No comments:

Post a Comment