"ကစ္ဆိပရင်ခွင်က ပတ္တမြားချေ"
သမုဒ္ဒရာဝေ
မြောင်း ခေါ်ချင်ကေခေါ်
ရွှေတွင်းဝေ
ကျုတ်ပွက် ခေါ်ချင်ကေခေါ်
ပတ္တမြားဝေ
ရွဲခေါ်ချင်ကေခေါ်
ခွီးဟောင်လို့
လရောင်ပျောက်စော် ကြားဖူးလို့လား။
မိုးရွာလို့ ပျောက်တေ
တိမ်မဲမဟုတ်။
လီတိုက်လို့ ပျက်တေ
သဲပြင်က အရုပ်ချေမဟုတ်
နီပူလို့ အရီပျော်ရေ
ရီခဲတုံးလဲ မဟုတ်။
ကစ္ဆိပရင်ခွင်က ကျုတ်မနစ်ရေ
ပတ္တမြား အစစ်ဝေ။
ဇာလောက်ပင် မှောင်မှောင်
ဇာလောက်ပင် ညစ်ညစ်
ဇာလောက်ပင် ဖုံးဖုံး
နီနီရဲရဲ အရောင်ချေတိ
တရွှန်းရွှန်း တောက်ပဖို့စော်ဗျာယ်။
— လူထုဝဏ္ဏ
(၂၇-၃-၂၀၂၂)
No comments:
Post a Comment