Salauddin: Musúlman ókkol ar Kíristán okkól e taarif gorédé uggúa bahádur sóddár.
“Fóta hoóde tuáñr ducmon ór diloré normi ar ador loi bodolidon."
- Saladdin
Lekóya: Faysal Burhan
Torjuma: Kuwáiccójjá
Salauddin oré musúlman ar kíristan e becá bicí izzot goittó ar taarif goittó. Saladin or sólluk ar bálaiyi tañír ehélas ór Imani cíkka iín taarif gorí fúrai no faré fán. Tañí kíristan ór Joñgi (Crusaders) ol oré ziti, musúlman or nam abar foor gorí, 1187 isáyi cón ót Jerusalem oré fóta goijjé.
Kíristan Joñgi ol musúlmán oñsóya ol loi tojuriba hísafé musúlman ar kíristan deki bicí adofi rosómi gírar butóre.
1099 cón ot Jerusalem man foila kiristan cc olor hátot accíl. Tará nirafot ar maiyya fuwain, bura iin gura zindegí sóñlibár wada ókkol dibaade yó nizor zat bácínda Kíristan, musúlman ar Yuhúdi ólo ré amfam kotol goijjé. Lattin or rajtori salauddin e King Guy'r force olóré 1187 cón ot Horns of Hettin mazé hóra fojjontó accíl, Jerusalem oré fóta gorí kessú cómo baadé.
88 bosór fán hókumot solaildé ítarar bicí ulda , Salauddin e decbácí ré Islamór cíkka loi lagai raikkíl, ar kotol nógoittó Kíristan bácíndá olóré. Saladdinor e behétor ham e ducmon ar duniyar aga gurar mancór Izzot kodor oré hásel gorí faijjíl. Vilad or Badcá Richard I, taré cíñgor dil ola boli sináza, te diki 1189 cón ót Mubarek coór óré azad gorí balla tin lombór ór K Joñg oré soddári goijjíl. Maamalat Saladdin loi dola oi , kúci gorí balla foror chivalric romances.
K Jo ol e tarár moqsut ót na kamiyab ói leyó, Richard the Lion heart e uggúa dami ducmon hísafe Saladinor háyat bor Izzot hásel goijjé. Saladdin or doñr ereda ar sulá nama gorat izzot or Joñ Kíristan duniyar ofúranti taarif and cúkuriya loi Hótom ó.
Salauddin Zonom ar Tañir Tallukat
1137 cón Iraq or Tikrit (Tigris doijjar hañsar ekkán coór) ót mazé Saladdin oré zonom diyé. Taiñ déki Kurdic guiuctír fózzontó. Baghdad or Abbasi kalifá al Mustarcid e taiñr baf Ayyub oré ugguá bicí kodordan, hókumot gorár kabeliyot ola, zuhazuk or mahér hísafé toun ór múruk cab banaidíl. Saladdin e Syríar Damaskus coór, Baalbek ot gura hale fonná hásel goijjé. 1143 cón ze ottó saladdin 6 bosójjá óiye, Musel or Súltan Zengi e baf Ayyub oré Baalbek ór múruk banaidiyé. Sultan Zengi e doin Aleppo Kíristan Jo ol oré 1130 cón ot ekbar, 1144 cón ot ekbar hórai Edessa coór óré abar kobza goijjé. 1146 cón ot zettót Zengi entehal oiyé, taiñr fuwa Nur al Din e baf or ham gosí loiyé. Nur al-Din deki uggúa kodor gorá zade dindar sóddar accíl. Kessú bosór baade Nur al Din e Ayyub oré Damascus or Militírir soddar banai diyé. Ayyub or cóñro bai Cirkú deki uggua offísar accíl, taiñ ré tobka baraidi Aleppor militéry bóntír amir commandar banai diyé. Saladin dóñr oi accé ze ottót síyasí faiséla kíristan cc or bana mozin oitó. Taiñr solasol ar dórmor elóm dekí Baalbek ar Damascus or atarof or mozin accíl. Taiñr hám boicór dilla, Saladin e cíkké Arobi, cáiri, niyomito nomas ar hefzó goijjé quraanor kessú híssá re ar Huzur pak sollolhahú alaihí wassollom or súnnot oré mani soilto.
Saladdin ór agor Juwanki hal
Mazór zobanar háyat ot ummit barí accíl ar juwan okkol oré mancór jimmadari ol dito. Saladin e 14 bosór ot cádi goijjé. Taiñré tainr mamu Cirkú r háñse Aleppo ot maze diferaiyé. Táké Nur al Din or militérír amir boni farefán. Dindar Nur al Din e e gura saladdin or mohá ustát bonigiyoi. Súltan Nur al-Din, ze niki 1146 cón ot baf Zengi r ham ore gosí loyé, forinna fuwain ol ré kodor goittó ar Syria ekkan doñr elmi morkos hísafé banao diil. Te Modarasá ar dabai hána okkol baní diíl. Elómdar, forinna fuwain zodí dorbar or ailé uri estekbal gorí nizor dakottú zaga dito. Ar taiñ Islam dórmo ré bulondó goijjé ar dec óré Quraani foor or uoré hókumot goijjíl.
Nur al-Din e háñsarit mazé nize- baze háñzi boni nahóq hókumoti ol or bosar goitto. Saladin hámicá mutaliya goróyá hísafé ar ustat Nur al-Din loi dola óiballa háñsarit zaitou. É háñsarittú Saladin becá bicí elóm ar islami kaanun ain okkol cíkke. Nur al Din deki foilar cúrur Muslim hókumra aiccíl ze niki musúlman elaka beiggún solluk oile Crusaders olor loi larait ziti fari bóu boli dekkíl toi tora tori solluk oi gillgoi. Ibá omanuic zaré Saladin e nizor baf baade kodoror dorjat rakitó. Zañ oibo ouk Nur al-Din ar Saladdin or mazé Misíror Folósír uoré bafá forok accíl. Kintu saladdin e badcá nur al din or pairawi gorá bon nógoré. Mesal nizor manuic ol ettefák gora, Allah ró ain aga gura estemal gorá e.e.
Salaudddin ór Juwanki Hal
Saladin e militéry sóbok ol oré Nur al-Din’r militéry nezam ottú mamu Cirkú r hátot cíkke ar hom cómot Nur al-Din’r militérír amir olor búre uggua amir boni giyé goi.1164 cón, 26 bosór boic ot mamu Cirkú nayeb amir boni Jerusalem or badcá Amalric e kobza gorí raikkíl dé Misír oré basai bar rasta tuaotó giíl.Saladin e e mutaliar ottót tar sáñti ol or uoré beac tiki bóde ugguá nozoriya banaiyé.1169 cón ot Crusader ókkolor hámla ré kabu gorí balla Saladin ar taiñr mamu Cirkú e abar Misírot mazé lockor loi giyé. Fore, Misír oré hókumot goijjíl de Fatimid rajtery ré hórai Kairo t mazé hókumot goijjíl. Saladdin e baf ar Nur al-Din ze niki Siríya ré Elóm or coor banail tara buddí mozin elmi coor banaiyé. 12 bosór ot mazé Saladin e Mesopotamia, Syria, Misír, Libya, Tunisia, Arob diyar fosím elaka ar Yemen iin beggún ettefák gorí Ayyubi rajtery bítoré gólai feilí faijjé.
Saladdin e taalukati ar hókumoti tojuruba ré een hótora híssá híssá elakat mazé estemal goijjé. Saladin or nozoriya diki ek ek halotot has díyan di ar tañi ducmon ókkol loi honó otté bala tallukat ar cántír ful oré no báñgon. Ze power ar dón taiñ hásel goijjé , iin e honó otté íbaré luksan gori nó fare. Power ar tobka íballa honó kessú nou. Taiñ uggua buddí doyar aros deki kessú gonimot or mal nizor name rakó ziin Misír ar Siríya ttú fail. Kintu honó otté no raké. Zeottót taiñ entehal óiyé, tohón íbattú cúde hou uggua dinar accil.
Kuluñg kallá Hettin ór larái
 |
| Saladdin ar Lusignan of sáñti Hattinór Larai Baáde |
1187 cón ot Hajj ot Kerak or Crusaders hámlar juwab diballa Saladdin e séna (militéry) ré Palestin or uttor dák ottú loi zai doñr Crusader jomat oré hóraiyé Hettin or larait mazé (July 4, 1187). E lair tin máic baade Saladdin e Jerusalem coór óre dohól gorí faijjé.
88 bosór age Jerusalem coor oré loor bisána banai hóhumot goijjil dé Kíristan or dilla nó, Saladdin e dahaiñti, kúní, musúlman orlla bodola noo lo. Íbayé 100,000 Kíristian or jaan bokcíc goijjé aró Kíristan ol hóri baade oddó tararé Bitul mukaddos ot ai zirarot gorí bálla ejazot diyé. E bála ereda ola ham ot Saladdin e Nobi Muhammad (s) or mokkàt dahel oilde torikaré apná yé. Ze ottót Huzur 10 házar fors loi Mokkat dahel oilo, honó kúna kuni gora nófore. Huzur e nizor mancóre mocur lobzó loi hoilo:
“Zo gói (zeré tuañrattú kúcílage), tuañraré azaad gorí diya giyé.” [Al Albani]
Húzur or dil doñr hám e 20 bosór fán hámla, zulúm, tadipari ar kotol ot lagatar accildé Mokká mancóré nizor hámsaya bainai loi faijjé. Yaan uttom mancór sóyi ekkán mesal , ze ottót tuiñ takot wala ar oiba komzur oré maf gorí doun.
Maf goron Kíristan or cíkkat ó ode odé asé. Asóle, Bible hodé “ugguá ador muhabbót or kitaab,” ( a gospel of love ) ar éré honó hawala nai handol gorón, masum oré hún gorón zendilla Crusaders olé 1099 cón Jerusalem ot mazé aam kotol goijjé. In ór hélaf Bible e cíkka deki:
“Tuáñr ducmon ókkol oré ador goró ar ze tuáñra ré zulúm goré ítarallá dua goró.” [Matthew, 5:44]
“Ossé honó kiyá tuáñr ek galot suwar maijjé dé oile, ar ekkán ó tar íkka fírai do.” [Luke, 6:29]
Jerusalem oré abar dohól goijjé mottón fosím molluk taajub oi giyoi. Baade 1189 cón ot Vilad or badcá Richard the Lion heart e tin lombóror Crusade gori balla toyari cúru goijjé. Tin lombóror Crusade or fuos ol deki Vilad, Faráñs ar Austriar. Saladdin or séna e (bainné hasgorí Misíri, Siríya ar modóti Turk ókkol) thalaiya fañrasi fous ol óre sek gorí tará ré asté asté komzur goijjé Palestin or sór zobinot. Jerusalem ot góli bar hámla hóra loi fúrai giyoi. E ottót Ricard e Saladdin ór sáñte Cánti nama Súla goijjé ar lambá ekkán kodor hásél goijjé. Saladdin e súla no goittó yó faitto kiyóllá boli hoilé íbar séna bicí mozbut acíl ar wafadar accíl ze ottót tin lombóror Crusade nifí accil. Aró badcá Ricard e nizor decót wafes zai balla faisela gorí féillil. Yan Saladdin ór dil doñriyot ar caan, ziyanor zóriya Crusades hótom oi giíl goi ar Kíristan duniyar ofúrani taarif ar cúkuriya ziti faijjíl. Saladdin e Qurani cíkka ré ar Islami sunnot oré ettebá goito hun horabá tún rukí balla. Quraani hókum deki:
{Kintu ossé tará (ducmon) cátír íikka zúfeddé oilé, tuáñrá yó (ode ode) zúfo cántir íkka.} [Al-Anfal 8:61]
 |
| Saladdinor Hobor or gór |
 |
| Saladdin or Hobor Mubarek, Damaskus, Syria. |
Hamot dil doñri ar ehélasi
(Magnanimity and Benevolence at Work)
Ókkol waktót Kodordan bahdur ( Chivalric romance ) tákon yan ekkán hám, ekkán huwab, yáto ekkán azzu ttú aró bicí nóo. Kintu Saladin ar Musúlan ókkololla iin ekkán sóyi uoré zindegi gorá. Íbar Crusaders loi 28 bosór or mukanala gorat, Saladdin e becá bicí dilot lagedé yadgari ol rakí giyé ar ducmon or dilot íbar borayi ré rakí yó giyé. Saladdin fosím mulluk ot kiyollá name daak accíl dé yán foróya ókkol e buzí fare fán, Lekóyá e kessú kaháni ol basí zahér goijjé.
Íin oildé:
- a- Kíristan or Haça-haçi (Bloodbath) oñsá
1187 cón, oktubor ót Jerusalem oré abar dohól gorónór baáde, Saladdin or uttom ain or dára (law) cántir sulá goijjé ar Kíristan oulor foran basaiyé yan oikde ebbé ekkan dindari ham. Íbayé cúde 100,000 Kíristan or jan bokcíc goijjé dé no, aró tarár nizor jan mal don combóttí loi nirafot (safe) or neali fari bó boli yó geranthí diyé. E suurotór uoré 84000 manuic coor ottú neali nizor egans guictír háñsé ar hám dormó elakat giíl goi zendilla siria. Ítará ré neali bállá 40 din taim ó diyé. Yañttú ki buzá zoruri boli hoilé Saladdin uddúr takot war accíl dé nizor koumor bodola loi faitto kintu íbayé fonñt yan ektiyar nógoré. Kiyolla bolí hoilé íbar imani cíkka deki rahám wala, maf goron ar bodola no lon accíl. Allah e Quran ot hoiyé:
{ Duk ekkán ór bodola deki ode ode en duk ekkán do: kintu ossé honó uggúa e maf gorí diyé ar mili giyoi, tar bokcíc Allahr torfottú óibo: Allah e muhábbot no goré o mancóré ze golti goré.} [Ash-Shura 42: 40]
Quranot aró asé:
{Zobinot duk nuksan nogoijjo, Allah ye duk banoya ré muhábbot no goré.} [Ash-Sh’ara’ 28:77]
Yanttú aññra ducmon or uore huzurór raham dili ré ekká duarai sai. Huzur Mokka olar inkari loi bicí hóran oiyé dé ottót, tañi Taif (Mokkar doin fosím e 150 kilometers duré) ot manuic ókkol oré dinor dawot foñsaitó giyé. Ére eriyar tinnua soddar e fura furi inkar gorí felaiyé. Foilar sóddar e íbaré hoiyé: “ossé toré Allah e diferaiyé dé oile, aññi báñgi felaiyum (hangings of) Kabá ré.”
Dusára sóddar e íbaré hoiyé : “Allah e ar manuic nó fadené, diferai tó toré faiyé dé?”
Tesára sóddar, ze niki sóddar oinno duiní zón e inkar goijjé dé hóbor faiyé, íbayé huzur or loi dola no oi gulam ordi hoi feraiyé dé:
“Aññattú tolloi hotá hoibar zorurot noó. Ossé tui Allah e diferaiyé dé Rosul hoi dabi gorá mozin oilé, tuiñ molloi hotá hoibar ugguá bicí ala manuic oibá; ar ossé tui uggua fókkor oilé, aññi tolloi hotá hon no hári bo."
En dilla Inkar ar beizzoti goilé yó Huzur abar ó Taif or sóddar okkolor háñsé saiya (asylum) magitó giyé. Ze ottót huzur Mokkat tú neali accé ar honó protection sára Mokkat góli nó farer. Huzur ór aros oré abar inkar gorí feillé. Baáde huzur e tará inkar goijjé dé yan Mokkar mancóttú cupai rakí balla hoiyé.
Tarár juwab ot inkar goijjé. Tará e bura hóbor yan Mokka olaré hoibó bulí hoiyé. Céc ottún, huzur e taráttú ezajot maiggé, tará mancór loi hotá hoi bolla. Tará cúde inkar goijjé dé no, aró tarár fuwan gulam oddi fottór mari mari coor ottú nealaiyé. Fól hisáfe, huzur e matát fári giyoi ar loo buri zuta oddó bórí giyé goi. Huzur zehon taif or baare foiñsé, íbaye e dua goilló:
“O my God, unto You I complain of my weakness, of my helplessness, and of my lowliness before men. O Most Merciful of the merciful, You are Lord of the weak. And You are my Lord. Into whose hands will You entrust me? Unto some far off stranger who will ill-treat me? Or unto a foe whom You have empowered against me? I care not if Your wrath is not on me…” [As Sayuti]
E mesál yan ót mazé, Huzur een Raham walade íba yé nizoré nize inkar goijjé, maaná goijjé sáñza dibar aros oré uitarár uoré ze tará huzur oré inkar goijjé aró ekdin no ekdin ítara buzí sóyi rastát urí aibou.
Saladdin e sáf sáf gorí Kíristan or jaan basar mazé huzur or mesal ol oré ettebá goijjé.
- b- O Hodi ól halasi ( Releasing ) gorá zetará Jurmana ( Ransom ) dinofaré
Jerusalem ot dorí faijje dé mancór haalót deki uggúa uggúa Kíristan ottú nizor nizor Jurmana diya forí bou. Házar hazar Kíristan hasgorí maiya fuwain ol nizor zurmana di nofarér. Tará ré gulam bondittú basai bólla Salauddin, Al Adel (Salauddinor bái), Geukburi (Salauddin ór boinór zamai) ítará nizor zeb ottú Jurmana nealai diyé.
E ham yan oñtté goijjé zeñtté ére kíristan ór doñr manúic zendilla Patriarch, Heraclius ar Madame la Patriarchesse tarár díkka dóni okkól accíl. ze ottót Salauddin oré kíristan ór Jurmanar bodolat Patriarch ar la Patriarchess or cómbottí ré séiñg (confiscate) gorí bólla buddí diyé, iba e buddí inkar goijjé ar hotá wafes loi bolla hoiyyé. Tuwangor kíristán ólloré tarár nizor mal beggún loi neali faribo buli Iba yé ezin diyé. Salauddin e cúde imandri loi juwab diyé zeen Allah ye Kuraan ót hoiyyé.
{Fulfill the covenant of God when you have entered into it, and break not your oaths after you have confirmed them; indeed you have made God your surety; for God knows all that you do.} [An-Nahl 16:91]
- c- Hóq bisar ót tole
Fosím mulluki oloré Jerusalem ttú nealibár 40 din cómo diye dé mazé , becá becí Kíristan maiyya fuwain ol Saladdin or hañsé ai endilla hoiyé, tarár murobbi ol (zamai ol, baf ar fuwain ol) añzi giyoi. Itará aró taráttú honó soya nai, a hono taibar saára nai boli saladdin oré buzaiyé. Tarár hotá fúni Norom dil oula Saladin e sugottú zor zor fani aigiyoi. Íba yé nizor fous ol oré tarár háñzi giyoi dé murobbi okkól oré tuwai diballa ar zodi tará mori giyoi dé oile taráré emdati ginarí diya zok hoi hókum diyé. Saladdin ór eham yan chivalric romance ot loot faa noza niki?
Asólé, e ham yan saladinor becá bicí balaiyi tu ekkán. Musulman olle gór olóré bodola emdati tiyañ de o fous oré ze niki larait cóhid oiyé. Yan oilde musúlman or dil súedé hoq bisar or uoror maamala.
- d- “Fóta hoóde tuáñr ducmon or diloré normi ar ador loi bodolidon." - Saladdin
1192 Septembor ot mazé, during the siege of Acre, King Richard the Lion heart gained a lasting respect for Saladin. Zettót Richard ottú biyaram oiyé, Saladin e tañt nizor dactor oré íbar e dabai goittó diferaiyé. Along with this health care, íbayé gono gonó zor félai bar borof ar gula gala diferaitó, ziin ibá gom oité zoruri.
E ham yan ot mazé yó, Saladdin e Quraani torikar uoré amol goijjé. Quraan ot Allah ye hoiyé:
{Allah taála ye tuáñra ar tuáñrar ducmon ot mazé muhabbót foida gorí dibo. Allah e har ekkán or uore taakot raké ar Allah hámicá maf goróya, ebbé bicí rahám ola. } [Al-Mumtahanah 60: 7]
- e- A Pure Chivalric Romance, Uggúa Soccáyi Bahádur
Badcá Richard e Saladdin ór fua Al Zaher ór lockor oré hámla cúru gorídiyé ottót, Richard or gúra maragiyé, vilad or badcá zobinot fori giyoi. Halot oré sai balla, Salauddin e duwa taza gúra íbaré diyé kiyolla hoile íba yó mouka hárayá noófán.
- f- súra uggúa bondi banail dé fua
Acre kobzar gijjíl dé ottót , uggúa kíristan or maiya hani hani Salauddin ór keem ót accé ar aros gorédde íbar fua wá Salauddin ór fous e bongorí loi giyói. Éhon íba raham ladé maiya haalót deki sugóttú fani ai giyoi. Arde nize baze zai fua wá ré aní maa ré gosai diyé. Gurár fisóttú tulí nirafotor sáñté tarár keem ot foñsái diyé.
- g- Okkol Dórmor azaadit baháduri
Salauddin e buzái doyar zoriya ókkol larair bondi hodir loi hotá hoito. Acre ré kobza goríbar ottót bicí fous ol dóra háiyé. Íin or bútoré uggúa burá manuic zibá bící burá, dat sára ar dukgorí áñra foitto. Salauddin e burá wá ré suwal goreddé, tuñí kiyólla eré fooiñssó. Burá manúic wá juwab deddé, íbattú honó erada nái, cúde Jerusalem ot ziyarot goittó accé dé. Burár Juwab e Salauddin ór dilot laiggé, toói uggúa gúra di hókum goijjé íbaré Jerusalem or ziyarot gorár cóppon furai bólla héfazoti fous diyé. Dórmo ókkol oré azaadir sáñté goittó doun yan o hom baha duri niki? Taariki ar fólsofer loi sailé honó kiyé Islam or uoré suwal túli nofarí bo dé oinno dórmo ar oinno zatiyotar babote, éen dill kúli azaadi dé.
Yan o comkeddé islami kimot ziyan oré fuk or kíristán ólé zaher goittó Crusades ókkolór gulam bondir uoré. Becá bicí upper Euphrates (Armenian Catholics) Kíristán or girza ttú Garmon or badcá Fredrick Barbarossa r moutor uore kúci zahér gori Salauddin ór hañsé cirí ól lekí tou. Badcá Barbarossa deki doin ottú Siríya ré hámla goittó ar Franks oré basai tó sail gurail. Te Balkans ot mazé doriya faraddé ére mair haiyé, tar 200,000 Crusade séna dónco oigiyoi, ar hono otté siríyst dohól di nófare. Byzantin Emperor, Isaac Angelus e óde óde German Crusade oloté tar címat goilto nodi ballá kucíc goijjíl, kintu na kamiyab oiyé.
Entehal
1193 cón Marec or 4 taariq ot mazé gorzor biyaram loi entehal oiyé. Entehalor hale íbar
milkiyot, uggúa cúnar tiyañ ar 40 cúa rufar tiyañ accíl. Tañir coómbottí beggún gorif ollá
Umayyad Mosít ór dáke bagan áraat mazé( mausoleum) dofón goijjé. Háñt codí baade,
Garmónór Emperor WilhelmII e áarat mazé fattóror taabut (marble sarcophagus)
banai diyé. E áragán oré dec beroinná ( visitors ) ókkol óllá kúli diyé. Furan gasór taábut
wá yó tái giyói. Étolla ére duwá taabut asé, uggúa fattórór taabut, dákottú ar uggúa gasór taabut,
banai diyé. E áragán oré dec beroinná ( visitors ) ókkol óllá kúli diyé. Furan gasór taábut
wá yó tái giyói. Étolla ére duwá taabut asé, uggúa fattórór taabut, dákottú ar uggúa gasór taabut,
zibá Saladdin ór hoborór uottún asé.
Hótom bondi (Conclusion)
Saladdin uggúa kodordan sóddar accíl. Tañír adot ar rahámi hám e Kíristan Joñgí ókkol óre zahér gorí diyé dé tará golti hóbor wala, ar Musúlman oul “be dórmo” nó. Yan or ulda, Kíristan Joñgí ókkolé yan tuai faiyé dé Musúlman ol bálair mirasdár en hoi tará kíristan ór kimot ókkol báfibo. Salauddin ór sóddári ar uttom “zat” oré Sir Walter Scott ór The plays and romances ót mazé leikké. Aró juwan or boi oll Jarne ol Yurop ar fosím mullúk aga gurat sái giyoi.
------------------- ဝ -------------------------
-----------------)((()))(----------------------
--------------(((((())))))--------------------
------------)((@)_-_(@))(-----------------
---------၁(__ _/ထ\'___)C---------------
------------ \___ 'ံံ''့႔'ံံ႔'ံ'႔ံ'ံ___/------------------
-----------------)\႔႔ ႔႔ ႔ ႔/(------/ဲ/---------------
------------------[___]----//-----------------
-----/---***'''//'''''' '''''\/ /**---\----------
---/ ္ ္ ္/္ "" \ / / / \္ ္ ္ ္ \--------
--/ /!_္_္_္_္_္_္U္/ /_္ၾ !\ \-------
--/"""/ !______/ _/--__ _! \"""\------
--/ /___--\/ /_€/ -္--္! \ \------
-- √ !___---/ /၊_____! / /------
---------!=/ /@==၊==! / /---------
----------/___/ [[/ /------------
----------/ n \“˝--------------
---------/ / \ ၾ \----------------
--------/ / \ \---------------
Háwala : www.islamic-study.org
No comments:
Post a Comment