Hobor or Monot Goró

                            Hazarat Abusayid (ra) e rewayot goijjéde: Ek motto Rosulullah (s) e nomaz foribollá mosoid ót aiyerde ottót manúic hodun é dat dahái háñcer dé dikké. Éottot Rosulullah (s) e,  ossé tuáñra moza beggulun oré súri feliboudé mout or becá bicí monot goríta bóli ehon aññí Rosululla e dekirdé hálot no tákitou bouli hoiyé. Étolla tuáñrá haar moza ré súri felíbou dé mout or becá bicí monot goijjó. Kiyóllah boli hoilé hobor e foitto din een abas nodede din nái. Aññí begenar gór. Aññí ekéla gór. Aññí meitta gór. Aññí fuk zuk or gór. Mumen ugguá ré dofón goradé ottót kobore íbaré hoodé, tui accosde borkot oiyé. Tui accósdé bicí gom óiyé. Aññár fiçór uottú áñritóde mancór bútore mortú toré bicí fosón lagitou. Ajja toré mor hañsé gosái diye. Mor hañse foñcos zehon mor gom taalukat tui dekí bi. Baade kobor murdar eksugor foñt fárot oizaibou. Murdar lá jonnot ottún duwar ekkán kúli dibou. Gunágar yá kafér ugguá ré dofon goráde óttót hobore hoibó de, tui accos dé gom noó. Tui accosdé bicí hóraf oiyé. Mor fiçor uottún áñritó de mancór bútore mortu toré ebbe naforot lagitou. Aijja tore mor hañse zehón gosái diye, tui mor hóraf taalukat oré dekibi. Baade hobore een gorí siban maribodé ekdákor cáitténa arekdákot góli bogói. Rosulullah (s) e hátor oñl oré ekhátor oñl ar ekhát ot gólai oré cáittena endilla gorí góliboi hoói dehái yé. Baade tar uoré Allah taala e 70 gwa háf musolot gorí dibo. E háf gunór bútortun ugguá háf e e duniyait niyaic félailé zobinot mazé kiyamot aiyé fan honó ker nofúribo. É háf okkole gunágar oré kiyamot aiyéfán kúth marat táibou. rosulullah (s) hoiyé. Kobor deki jonnotor bariza ókkol ór bútor tun ekkán bariza óibi. Yá zuzukor gañra okkolor bútortun uggúa gañrá óibou. 

[Tirmidi]