အဆုံးသတ်ကတ်မေ
မိတ်ဆွေ…
ပိန်းရွက်ပိုင်ယားရေ အယင်က ရန်ငြိုးမီးစာတိ၊
တမာသီးထက်ခါးရေ အမုန်းတံလျှပ်တိ
ရုပ်ရှင်ထက် ဖန်တီးမှုဆန်ရေ လုပ်ကြံမှိုင်းတိ၊
သွီးနဲ့အရောင်ခြယ်ရေ ဖြူမည်း ခွဲခြားမှုတိ
အရာ မရင်ဆိုင်စိဂဲ့… အဆုံးသတ်ကတ်မေ။
ဟုတ်ယင့်…
ငါရို့ တစ်ဖက်ကို တစ်ဖက် မုန်းစော်လဲ ဟုတ်ယင့်
ငါရို့ အချင်းချင်း တိုက်ကတ်စော်လဲ ဟုတ်ယင့်
သွီးချောင်းတိကို အလီလီ ဖြတ်ကျော်ရခစော်လဲ ဟုတ်ယင့်
ယကေလေ့…
ငါရို့က ကျောင်းတစ်ကျောင်းမာ တတူတူ စာသင်ရေ
မြို့တစ်မြို့မာ အိမ်အိမ်ချင်းကပ်လို့ နိန်ထိုင်ရေ
ဈီးတစ်ဈီးက တတူတူ ဝယ်ယူသုံးကတ်တေ
လောင်းချေတစ်စင်းမာ အတူတူ လားရေလာရေ
ဝါကျွတ်ပွဲဈီးတိမာ ဖူတိန္နာရို့ လားပျော်ရေ
အီးဒ်ပွဲတိမာ မောင်ချေမိချေရို့ စားပျော်ရေ
ငါရို့မြီမာ ချစ်စိတ်က မုန်းစိတ်ထက် တဝအားကြီးရေ
အယင်ခါက မုန်းရီတိ ပလင်းသွင်းပနာ မြှပ်ပစ်လိုက်ကတ်မေ။
ဇာလောက်ပင်ခွဲခွဲ မယုမြစ်ရီနန့် စိုင်းဒေါင်မြစ်ရီ
သွီးထိုးရေသူတိရာ ညောင်းလို့ညောင်းလီ
ငါရို့က စားပွဲတစ်ခုမာ ထိုင်စားရေ ရခိုင်ပြေသားတိဝေ
မာမူနန့်အခင် ဒါဒီနန့်အဘင်သျှင် အချေခါက
ပုံပြင်ချေတိကို အတူတူထိုင်လို့ ပြောနိန်ယင့်။
မျိုးမတူ ရုပ်မတူစွာကို အရာခွင့်ကောင်းယူဖို့ မပျင်ဂေ့
တောအရက်တစ်ပိုင်းနဲ့ ငုတ်ပေါ်မှာ ထိုင်ပနာ ငိုလီဖိ
လားဖိ…လားဖိ… ဝိုင်း မျိုးချစ်တစ္ဆီတိ လားဖိ
ငါ့ရို့မြီမာ ဘုန်းကြီးကျောင်းနန့် ဗလီကျောင်း ဒွေးညီနောင်…
ရောင်စုံပန်းချီပိုင် သာစွလှရေ ငါရို့ရခိုင်ပြေသားတိဝေ။
15-8-2022
No comments:
Post a Comment