Diindahání

Drop Down MenusCSS Drop Down MenuPure CSS Dropdown Menu

Thursday, January 30, 2020

Fúl Baganot Zai (RK-Poem)



Fúl Baganót Zai


Aiyo berai fúl baganot,
Nanandoilla fúlor roñgot.

Noccá háñcer kéthkerái,
Zunib fulor duwarot ai.

Gulab fúl o guccá guccá,
Waawá óiyé muinna keñça.

Dheyal fúlor Meenmandari,
Hoitiri fúl e buzár ofúrani.

Bossá fúle rasta hañsat,
Barái lor dil-mon lagai.

Raatkarani fúle ator laga,
Kúcbo gorér raitor zama.

Samba fúl or roñg cúnali,
gasór agat gorér zílimilí.

Razulla fúl o ki córmindá
manúic deki luwar séga.

Cájjámanir fúlór dhuwat,
Hoitori fúl fúitthé gul hái. 

Sújja fúl or adorór rosí
beil loi táke muka-mukí.

Maik fúlor hóbor gíri,
Únalufúl aibó bosór fíri.

Hoñla fúl de fanír bácí,
Hoinnar dehá nitti fítti.

Diyo fúl o boiddor táalit,
Gasár tálot keñl lari.

Cúnali fúl or lal roñge,
Fudin or córak keén sonke.

Zar zar boitta tete gunor,
mili táke fúl baganot.

Saité saité beil dhufí bóu
Fúlor hotá nofúrai bóu. ♥

____________________________________
Le.-  Kuwaiccorjjá |
Jan 23, 2020, 12:34 Am
___________________________________



No comments:

Post a Comment