Baró Maic (The Twelve Months)

Baró Máic

🌠🌠🌠🌠🌠🌠

Accúra yé noiya bosór
Loi ané Korballar hóbor.

Sobór ot mazé sugór faní
Biyaram foillo piara Nobi.

Nobissanot fúl furáilo
Nuror Batti gelgói nifí. 

Hólifá t mazé hélafóti
Abubakkor e loiló gosí. 

Kebala mazé fírái diló 
Kába córif oré mudilo. 

Hóndokót mazé Modina berái
Oñir kurílo waccá tái. 

Bodórot mazé cúrur láçai
Zitai diló fíricta diferái. 

Luçi-sanot luçi fátiyá
Cób e Boraat faiyí hádiya.

Ruzat mazé Sehéri Istari
Qurani maic Taravir kúcí. 

Iddorsánot ruzar idd
Sémái hái-hái gaar giit.

Gulta-sanot gul sóllá
Kafér loi goilló Hudaibíya.

Qurban-sanot Nobir emtan,
Ibrahím diló Ismailor foran.

Gúrat tai bó Islami caán
Ruáiñgá máicór baró nam. 
--------------------------------------------
-Rohangking
July 30, 2018, 1:00AM (Mon)

--------------------------------------------------


Source:

Rohingya Baró Máic

1.    Acúra San
2.    Sobóró San
3.    Nobi San
4.    Hólifá San
5.    Kebala San
6.    Hóndhokor san
7.    Bodoros san
8.    Luçi san
9.    Ruza san
10.  Iddó san
11.  Gultha san
12.  Qurbano san