 |
| ဆရာမ မလှဖြူ စစ်ဆေးရေးဂိတ်မှ ဖမ်းဆီးခံရစဉ်။ |
ကျောက်တစ်လုံး ဒုက္ခသည်စခန်းတွင် Volunteer Teacher လုပ်ကိုင်ပေးနေသူကို တောင်ကုတ်တွင် ဖမ်းဆီးထိန်းသိမ်း။
တောင်ကုတ်။ ၂၀၁၈ ခု မေလ ၂၃ ရက် ၂၁း ၁၀ ချိန်တွင် ရခိုင်ပြည်နယ်၊ တောင်ကုတ်မြို့နယ် တောင်ပုံကြီး စစ်ဆေးရေးဂိတ်တွင် ပူးပေါင်းအဖွဲ့မှ ကျောက်ဖြူ -တောင်ကုတ်-ရန်ကုန် ကားလမ်းအတိုင်းမောင်းနှင်လာသော ယာဉ်အမှတ် 6L 3391 ရွှေအောင်လံ ခရီးသည်တင်ယာဉ်အား စစ်ဆေးရာ ဆရာမ မရော်မီ(ခ) မလှဖြူ (ဘ) ဦး ဇော်ဘော် ၂၃ နှစ်၊ အစ္စလာမ် ဘာသာ၊ ပထမနှစ် မြန်မာစာအထူးပြု ( ကျောက်ဖြူ ကျောက်တလုံး ဒုက္ခသည်စခန်း ) နေသူအား စစ်ဆေးတွေ့ရှိခဲ့သဖြင့် ဖမ်းဆီးခဲ့ပါသည်။
၎င်းသည် ကျောက်တလုံးဒုက္ခသည်စခန်းတွင် စေတနာ့ သင်ဆရာ [Volunteer Teacher] အလုပ်လုပ်ကိုင်ခဲ့ကြောင်း ၂၀၁၈ မေ ၂၃ရက် မနက်ပိုင်းတွင် ကျောက်ဖြူမှ ရမ်းဗြဲသို့ လိုင်းကားစီး၍ လည်းကောင်း၊ ရမ်းဗြဲမှ တောင်ကုတ်သို့ ရွှေပြည်တန်ရေယာဉ်ဖြင့်လည်းကောင်း တောင်ကုတ် ကားဝန်းမှ ရွှေအောင်လံ ခရီးသည်တင်ယာဉ်ဖြင့် ရန်ကုန်သို့ လိုက်ပါစဉ် စစ်ဆေး ဖမ်းဆီးခြင်း ခံခဲ့ရကြောင်းနှင့် လဝက အက်ဖြင့် အရေးယူနိုင်ရေး စီစဉ်ဆောင်ရွက်လျက်ရှိကြောင်း သိရသည်။
- ဇော်မင်းထိုက်
[FB- Zaw Min Htike]
No comments:
Post a Comment