Hásilot Bano Gom Gom [Good Manners]

by Kuwáiccórjjá

Októ mózin foró nomaz,
Zakír ar Quraan goró telawot.
Maa bab or hotá mano,
Burá hále kérmos goró,
Naformánir moka noiddo.

Doñr oré ijjot goró,
raham goró cóñro re 
Juwab nodon muge muge.

Gomgán funo han kúli
Horof ganóttú zo mug fíri.
Abara fuwain ducmon mani
Misá suri duré táki.

Docmoni, hásoroti, cugulkhuri
Zali bou mon hoñcori
No gora tor salá ki.

Mancór loge hoijja fojjat
No bazaiyó fuwa zat
Dil báñga, duk diya
Allah maná mohá pap.

Górot goló muún duwar baai
sálam diyó nekkar bai
Rasta foñte sálam barái
Neki hamo lai lai.

Bai, boin ar egana guicthi 
Ador goró afon buzi.
Zeto nosiyot Tita mira  
Ustat maictor fúno hotá.

Zorurot mon oré hát baraiya
Mohúluk or hóq goró ada.
Sola fíra sáf siyot e
Allahr dhor mone mone
Fúl bonibo zindegi háiñré.