Diindahání

Drop Down MenusCSS Drop Down MenuPure CSS Dropdown Menu

Friday, September 29, 2017

BURÁ BURÍ HOTÁ: Rohíngyár Fot




1. Nun sára sálon
Arang sára mal
Murula ola faní
Dan sára zat
Hoq nosinédé mia
Fokkor bicí fara
Nitti gore éckéra.

2. Futzii sára beri
Cárit sara ustat
Sáñti sára mia
Dheil Fata sára gas
Andha nofarede faik
Kodor nogoré bec mancé.

3. Hákem sará dec,
Acámi sára insaf
Fondit noodé ukil
Bail nozanéde gótok
Kitaab nozanede fir,
Gobá sára foótiwala
Moddima bekar za.

4. Baf-maa sára fuwa
Bou sára bera
Giros sára gulam
Bouta sára real
Fáida node mocur noo.

5. Dón lailé dan goró.
Cántí lailé ebadot goró.
Bíyosto lailé Allah hókum mano.

6. Baicá yo ádama gorí nodiyó
Oin oré yó baki noraikkó.
Adama gorí baicá dilé duk fafore,
Biki oin rakílé baré.

7. Nodi óre noloíc,
Fusár noloilé nohoíc
Nodaki oré nozaic
Galot nodi nohaíc
No fagi té nosiríc
Doró noilé nofiníc.

8.Mancór re zat
Gúrare legam
No ré fasá
Sal oré dañcá.

9. Norom ot fáiyoñg
Añçát gozzóñg
Dorót luwá
Waát zónná
Bútat furan do
Berát lota
Fatolot baáñc
Mone mone monot raic.

10. Bab-maar hotár baáror fua
Ukil sára moddima
Kún or baáror háñti
Hañsa síra luñgi
Sók no boiyé dé ara
Legam sára gúra
Ail sára kuñrá
Hañsa sira lai dikká
Betor billa.

11. Kuñir e gagguai san no áñzé
Takká boyare tóm no lore
Tel mazi lé murá no éle
Bus dilé feth no bóre.

12. Háile boré feth,
Nam fárile fúne bec,
Tuwailé faá lot,
Dekilé fare siní
Noiya óile o sáf
Tani le neale
Zailé sine foñt.


13. Warinna dhol ot áñsúra duk
Ducmon taile táka duk
Gorba nici ailé gúmza duk
Balur sorot haiñ mara duk
Fut zii horaf sára duk
Hala manuic háñza duk
Hala haittiá nisá duk
Di baáde luwa duk
Báñga hoñot façá duk
Nam farilé búza duk

No comments:

Post a Comment