Dindahánir Niyom loi kené Girá duré goríbá?

Dindahánir Niyom loi kené Girá duré goríbá?

Toskara Goróyá: Fáidá Halu|

E toskarat mazé, Dindaháni Niyom e tuáñr andha bati óibár dinoré ho ek gusólór miyator uore kiyas gorí faribá.

Dindahánir Niyomoré kené estemal goríbá?

Girá duré goríbollá dindahánir niyomoré estemal gorár age, tuáñrtú homot 6 bár mací gusólór miyat oré tík goráforibó. Tuíñ yiánoré dindaháni loi hót gorí faribá.

Yiáñt kengoríba dehái dilam: Gusólór foilá dinoré dak do (ibá gusólor foila tarík). Baáde muúmór maicót gusólór foilá dinoré dak do. Ebar furá gusólór miyatoré gono (foilábár foilá din ottú loti muumor baror foilá din fán).

Tuáñttú éndilla homot 6 báror gusolor miyat ( Period cycles ) oré hót gorí rakáforibo. Yaat túaro bicí gori faille aró bála. Mesál:

Gusólor Foilá Din|Gusólor miyati Dinól|Gusólor foilá Din |Gusólor miyati dinòl

January 20                        29                                      May 12                              26

February 18                      29                                       June 9                               28

March 18                           29                                        July 9                                30

April 16                             29                                        August 5                           27

Ossé fottí Gusólór miyat deki 27 din ottú baçí oilé, dindahánir Niyome has nodibo. Sóyi fól no faibá.

Dindaháni miyatot uore Milmilat goríbár héfazoti din (safe day) kiki?

Tuáñr soledde gusólor miyatot foilábár andha fagar din ( first fertile day ) kiyas gorí bálla (zeñtté tuiñ hámil oit faro):

Tuáñr agor gusólór miyat hót ottún ebbe baçí wáre tuwa.

Zoma Gusólor miyator din ottún 18 ré haçifélo.

Foilár gusólor dinor tú loti goní haçi faibade din oré dak do.(hattuá x)

Dak diyódé din deki tuáñr foilá andha bati oibar din.

Mesál: ossé tuáñr ebbé baçí gusólor miyat 26 din dóro. 26 ottu 18 haçi félo—Tóilé 8 faiba. Baáde, é 8 din oré tuáñ gusolor foila tarikottú lóti gono. Zodi tuáñr foilá gusólór cúru déki ingerazi maicór 4 taríkká oilé,  11 garo tarikót dak(X) do. Én oile 11 tarik deki tuáñr gusólor miyatot maze andha fagibár foila din. É tarikot milmilat gorá bon gorá foribo. Yá oinno zuu gorá foribo.

Tuáñr soledde gusólor miyatot ahéri bar andha fagar din( last fertile day ) kiyas gorí bálla (zeñtté tuiñ hámil oit faro)

Tuáñr agor Gusólor miyat hót ottún ebbe lamba wáre tuwa.

Zoma Gusólor miyat or din ottún 11 ré haçi félo.

Foilar gusór dinor túloti goní haçi faibade din oré dak do.(hattuá x)

Dak diyódé din deki tuáñr ahéri andha fagar din.

Mesál: ossé tuáñr ebbé lamba gusólór miyat 30 din dóro. 30 ottu 11 haçi félo—Tóilé 19 faiba. Baáde, é 19 dinoré tuáñr gusolor foilá taríkottú lóti gono. Zodi tuáñr foila gusólór cúru déki ingirazi maicór 4 taríkka oilé,  22  taríkót dak(X) do. Én oile 22 tarik deki tuáñr gusólor miyatot maze andha fagibár ahérí din. É tariko baáde lotí oñsá sárá milmilat gorí foriba.

Dindaháni Niyom loi tuáñr héfazoti din ar be héfazoti din oré kiyas gorí faribá— e niyom ibáyé tuáñré tik andha fagar din honó ebbe soyi soyi dóri difarede no. Étolla , gusólor miyat zodi 27 din ottú aró baçi oilé, yá fotti mací miyat bec hom ot táilé e niyom oré estemal gorí kiyasgorá muckil.

Dindaháni niyom e aró bicí faida goré, zehón tuiñ oino oino andha fagar hót gorí faredé niyom fúañti estemal goró. Zendilla deki,  gaár goromor niyom, hop Niyom ókkol. 

💢💢💢💢💢💢💢💢💢💢💢💢💢💢💢💢💢💢💢