Munajat @ by muftí Mir Ahmad (Naazem)

MUNAJAT 

By
muftí Mir Ahmad (Naazem)
Daarul ulum Miajaanpur.





Añará gunágar Allahré Aññará hátagár,
dile jane goitté asi gunár ekrar,
maf goriya douré Allah guná Añarár.

Zodi tuñí maf nogoillé hañsé zaiyum har,
maf saibálla Añarállá ar nái hóno dorbar,
maf goríya douré Allah guná Añárár.

Dine raite zoto guná goitté asi ar,
tui maalikor rahamót sárá nai honó uddaár,
maf goriya douré Allah guná Añarár.

Añarár gunár doriya bekul bekinar,
kintu añarár Allah tui raháman wa sóttar,
maf goríya douré Allah guná Añarár.

Aró tuñár sifot Allah afuuwan wa goffar,
tor rahámotor acá Allah házar e házar,
maf goríya douré Allah guná Añarár.

Gunár uore guná Allah goijji becúmar,
khobor oíte monzil boro kotiin deházar,
maf goriya douré Allah guná Añarár.

Bicí dhoror rasta becá becí boyankar,
tuñí Allahr rahámot bíné oibo hon forhar,
maf goriya douré Allah guná Añarár.

Tor rahámotor acá Allah bokcícór dorhar,
tor rahámotortún naa ummaidi coitaanor asaar,
maf goriya douré Allah guná Añarár.

Eto guná goijjí moula entehá nái zar,
ful-siírat keené faráiyum kúç ottú aró daar,
maf goríya douré Allah guná Añarár.

Bedun laatok natu Allah saamanár raastar,
añarár hañsé guná baádé ar kessú nái cáç,
maf goríya douré Allah guná Añárár.

Aró becí dhoror monzil háñcór ór bazar,
bórusa tuáñr Allah ré bórusa tuáñr,
maf goríya douré Allah guná Añárár.

Háñcór ór moidanot mazé  hísaf oibó zar,
dóra dórí óile Allah ufái nái ítar,
maf goríya douré Allah guná Añárár.

Be hóqqé kháirul bócor duiní jahánor sóddar,
Imanor sañté mootán goijjó asare tuáñr,
maf goríya douré Allah guná Añárár.

Gunár duwará tuáñr hañsé así zolil hówar,
háñcóré ruswa no goijjó goríya forsar,
maf goriya douré Allah guná Añárár.

Tor cúwaiggá hábíb zibá modinar sórkar,
hiba daári tui enakhuda toile beçá far,
maf goríya douré Allah guná Añárár.

Allah ofuurani tuañr rahámotor baándar,
maf gori dilé kessú nuksan nái tuáñr,
maf gorìya douré Allah guná Añárár.

Manúic ókkol behíctót diba hatar hatar,
mui nalaayek bondaréyó bútoré tarár,
maf goríya douré Allah guná Añarár.
maf gorí diyo Allah añí gunágár.

Lobzór Maáni

1. gunágar  = sinner.
2. Ruswa     = disgrade
3. Behíctó   = heaven
4. Ofuuráni = infinite
5. Nuksan   = lost
6. Cúaigga  = beloved
7. Ufái          =  remadies
8. Háñcór    = the day of judgement
9. Bokcíc     = reward
10. bekul-bekinar = endless
11. zolil        = ashame


Labels: poem



Posted via Blogaway